១ថ្ងៃក្រសួងមហាផ្ទៃដាក់ពិន័យនិងតែងតាំងមន្ត្រីនគរបាលច្រកត្រពាំងក្រៀល!

ស្ទឹងត្រែង៖កាលពីថ្ងៃទី២៨កក្កដាឆ្នាំ២០២៦លោកនាយឧត្តមសេនីយ៍ឃុនសំបូអគ្គនាយករងអគ្គនាយករដ្ឋានអន្តោប្រវេសន៍បានចុះទៅធ្វើពិធីផ្ទេរនិងតែងតាំងមេនគរបាលថ្មីប្រចាំច្រកព្រុំដែនកម្ពុជាឡាវត្រពាំងក្រៀល។ 

នៅថ្ងៃនោះដែរលោកអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានចេញសេចក្តីសម្រេចដកតំណែង និងបន្ថយស័ក្តិមន្ត្រីនគរបាលប៉ុស្តិ៍ច្រកទ្វារព្រំដែនអន្តរជាតិត្រពាំងក្រៀលជាប់ព្រំដែនប្រទេសឡាវ ក្នុងខេត្តស្ទឹងត្រែង ចំនួន ៦រូប ដោយសារតែបានប្រព្រឹត្តល្មើសវិន័យនគរបាលជាតិ។យោងតាមប្រកាសរបស់ក្រសួងមហាផ្ទៃ ចុះថ្ងៃទី២៨ ខែកក្កដា ឆ្នាំ២០២៦(ចុះហត្ថលេខាដោយឧបនាយករដ្ឋមន្ត្រី ស សុខា) វិធានការវិន័យត្រូវ បានបែងចែកជាពីរករណីដូចខាងក្រោម៖

​១.ប្រកាសលេខ ៨៧១៤ ប្រក ​មន្ត្រីនគរបាលចំនួន ៣រូប ត្រូវបានអនុវត្តទណ្ឌកម្មវិន័យដោយ «ផ្ទេរភារកិច្ចឱ្យទៅបម្រើការងារជាមន្ត្រី នៅការិយាល័យរដ្ឋបាលសរុប នៃនាយកដ្ឋានច្រកទ្វារទី១» រួមមាន៖ វរៈសេនីយ៍ឯក អ៊ូច មាន (អត្តលេខ ៣២៨៨៥), នាយប៉ុស្តិ៍វរៈសេនីយ៍ឯក ទិត បូរិន (អត្តលេខ ៦០៣១១), នាយរងប៉ុស្តិ៍ អនុសេនីយ៍ទោ មាស វឌ្ឍនា (អត្តលេខ ៨៩២៤៧) មន្ត្រី, ២.ប្រកាសលេខ ៨៧១៥ ប្រក មន្ត្រីនគរបាលចំនួន ៣រូបទៀត ត្រូវបានអនុវត្តទណ្ឌកម្មវិន័យដោយ «ផ្ទេរភារកិច្ចឱ្យទៅបម្រើការងារជាមន្ត្រី នៅការិយាល័យរដ្ឋបាលសរុប នៃនាយកដ្ឋានច្រកទ្វារទី១ និងបន្ថយឋានន្តរសក្ដិចំនួន ១ថ្នាក់» រួមមាន៖

​វរៈសេនីយ៍ទោ នូ លិតស៊ីផាន់ណា (អត្តលេខ ១២០៦៣) នាយរងប៉ុស្តិ៍ អោយមកនៅត្រឹមថ្នាក់ «វរៈសេនីយ៍ត្រី»អនុសេនីយ៍ឯក ម៉េត ស៊ីម៉ាក់ (អត្តលេខ ៨៣៦៥៨) នាយផ្នែកត្រួតពិនិត្យចល័ត អោយមកនៅត្រឹមថ្នាក់«អនុសេនីយ៍ទោ» អនុសេនីយ៍ឯក ឈុន សេងហ៊ួ (អត្តលេខ ៨៨៨៦២) នាយផ្នែកបែបបទឱ្យមកនៅត្រឹមថ្នាក់ «អនុសេនីយ៍ទោ» ៕