សកម្មជន​កិច្ច​ព្រម​ព្រៀងទី​ក្រុង​ប៉ារីស ០២នាក់ ត្រូវបានដោះលែងពីពន្ធនាគារ បន្ទាប់ពីការអនុវត្តន៍ទោស រួចរាល់ជាស្ថាពរ !

ភ្នំពេញ៖កាលពីថ្ងៃទី២៤ ខែកក្កដា ឆ្នាំ២០២ សកម្មជនកិច្ចព្រមព្រៀងសន្តិភាពទីក្រុងបារីស ចំនួន០២នាក់ ត្រូវបាន សាលាដំបូងរាជធានីភ្នំពេញ សម្រេចដោះលែង ពី ពន្ធនាគារ និង បានវិលត្រឡប់ ទៅជួបជុំ ក្រុមគ្រួសាររបស់ពួកគេវិញ បន្ទាប់ពួកគេ បានអនុវត្តទោស ជាប់ពន្ធនាគារ ម្នាក់ៗ កំណត់ ០២ឆ្នាំ ជាប់ពាក់ព័ន្ធនឹងបទល្មើស ញុះញង់ធ្វើឱ្យ ប៉ះពាល់ដល់សន្តិសុខសង្គមជាតិខ្មែរ ។មន្រ្តីតុលាការរាជធានីភ្នំពេញ បានឱ្យដឹងថា ទណ្ឌិត ទាំង០២រូបនេះ មានឈ្មោះ ភឹង សោភា ភេទស្រី អាយុ៣៥ឆ្នាំ និង ឈ្មោះ សាន សិទ្ធ ភេទប្រុស អាយុ៤០ឆ្នាំ ។ 

ពួកគេ ទាំង០២រូប ត្រូវបានតុលាការសម្រេចដោះលែងឱ្យមានសេរីភាពឡើងវិញ បន្ទាប់ពីបញ្ចប់ការអនុវត្តន៍ទោស ០២ឆ្នាំក្នុងពន្ធនាគារ ជាប់ពាក់ព័ន្ធនឹងសំណុំរឿងបញ្ចេញមតិជុំវិញតំបន់ត្រីកោណអភិវឌ្ឍន៍ CLV។ចំណែកឯទណ្ឌិត ឈ្មោះ ស្រ៊ុន ស្រ៊ន ភេទប្រុស អាយុ៤៥ឆ្នាំ ដែលអនុវត្តទោស ០២ឆ្នាំ រួចរាល់ដែរនោះ មិនទាន់ត្រូវបានតុលាការដោះលែងនៅឡើយ ដោយហេតុថា ទណ្ឌិត រូបនេះ ត្រូវប្រឈមនឹងការជាប់ពន្ធនាគាររយៈពេល០២ឆ្នាំទៀត ក្នុងសំណុំរឿង «ញុះញង់ឱ្យប្រព្រឹត្តបទឧក្រិដ្ឋ» ផ្សេងមួយទៀត ដែល ត្រូវបានប្តឹងដោយក្រសួងយុត្តិធម៌ ប្រព្រឹត្តកាលពីឆ្នាំ២០២៣ ។

សូមបញ្ជាក់ថា កាលពីថ្ងៃទី២៩ ខែឧសភា ឆ្នាំ២០២៥ សាលាដំបូងរាជធានីភ្នំពេញ បានសម្រេចផ្តន្ទាទោស ឈ្មោះ ស៊្រុន ស្រ៊ន ឈ្មោះ ភឹង សោភា និង ឈ្មោះ សាន សិទ្ធ ដែលអ្នកចេះច្បាប់ និង ជាអ្នកបកស្រាយច្បាប់ កិច្ចព្រមព្រៀងសន្តិភាពរាជធានីភ្នំពេញ ២៣ តុលា ឆ្នាំ១៩៩១ ដាក់គុកម្នាក់ៗ កំណត់ ០២ឆ្នាំ និង ពិន័យជាប្រាក់ ម្នាក់ៗ ចំនួន ០៤លានរៀល សម្រាប់ដាក់ចូលជាថវិកាជាតិ ។

ពួកគេ ត្រូវបានជាប់ចោទពីបទ ”ញុះញង់ឱ្យប្រព្រឹត្តបទឧក្រិដ្ឋ” ជាអាទិ័តាមបញ្ញត្តិមាត្រា ៤៩៤ និង ៤៩៥ នៃ ក្រមព្រហ្មទណ្ឌ និងត្រូវចាប់ឃាត់ខ្លួននៅក្នុងខែមិថុនា ឆ្នាំ២០២៤ ៕