វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2170 នាក់
ម្សិលមិញ 5378 នាក់
សរុប 14081463 នាក់
ប្រទេសថៃ៖ ថៃបានបញ្ជាក់ថា មានករណីឆ្លងវីរុសកូរ៉ូណាថ្មីចំនួន៥៧៦ករណីដោយក្នុងនោះមានករណីឆ្លងដល់ពលករចំណាកស្រុកចំនួន៥១៦នាក់ដែលជាប់ទាក់ទងនឹងការផ្ទុះឡើងនៅខេត្ត Samut Sakhon មុនពេលករណីបន្ថែមទៀតត្រូវបានគេរកឃើញនៅខេត្ត Nakhon Pathom។
ករណីថ្មីនេះរួមមានករណីឆ្លងក្នុងសហគមន៍ចំនួន១៩ករណីនៅទីក្រុង បាងកក និងនៅខេត្ត Samut Sakhon ដែលនៅជាប់នោះប៉ុន្តែឥឡូវខេត្តនេះត្រូវបានបិទហើយ។សេចក្តីថ្លែងការណ៍របស់មជ្ឈមណ្ឌលរដ្ឋបាលស្ថានការណ៍ជំងឺកូវីដ១៩ (CCSA) បានឲ្យដឹងថា ករណីទាំងអស់គឺទាប់ទងទៅនឹងទីផ្សារបង្គានៅខេត្ត Samut Sakhon។
ការធ្វើតេស្តដែលធ្វើឡើងក្នុងខេត្ត Samut Sakhon ចាប់តាំងពីថ្ងៃព្រហស្បតិ៍មកបានរកឃើញថា មានមនុស្សចំនួន៥១៦នាក់បានឆ្លងវីរុសកូរ៉ូណាដែលភាគច្រើនជាពលករចំណាកស្រុកមីយ៉ាន់ម៉ា។ លទ្ធផលតេស្តលើមនុស្សចំនួន១,៤៥៣នាក់ទៀតនឹងបញ្ចេញក្នុងពេលឆាប់ៗនេះ។ករណីទី១ក្នុងខេត្ត Samut Sakhon ត្រូវបានគេរកឃើញលើអ្នកលក់ម្នាក់នៅផ្សារបង្គាកាលពីថ្ងៃទី១៣ខែធ្នូ។ ចាប់តាំងពីពេលនោះមក វីរុសបានរាលដាលទូទាំងខេត្តរួមទាំងចូលដល់ទីក្រុង បាងកក ផងដែរ។
អ្នកនាំពាក្យ CCSA លោក Taweesilp Visanuyothin បានប្រាប់សន្និសីទសារព័ត៌មានមួយថា ត្រឹមថ្ងៃពុធ អាជ្ញាធរមានគោលបំណងធ្វើតេស្តលើមនុស្សឲ្យបាន១០,៣០០នាក់នៅខេត្ត Samut Sakhon, Nakhon Pathom និងខេត្ត Samut Songkhram ដែលនៅជាប់នោះ.។
ដោយសារកូវិតរដ្ឋបាលទីក្រុងបាងកក BMA ប្រកាសថា រាល់ព្រឹត្តិការណ៍រាប់ថយក្រោយនៃពិធីឆ្លងឆ្នាំថ្មីត្រូវបានលុបចោលវិញ បន្ទាប់ពីករណីថ្មីនៃជំងឺ Covid-19 ត្រូវបានរកឃើញនៅក្នុងទីក្រុងបាងកក និងខេត្តជុំវិញនោះ។ នេះបើតាមសារព័ត៌មាន The Thaiger នៅថ្ងៃទី២១ ខែធ្នូ ឆ្នាំ២០២០។រដ្ឋបាលទីក្រុងបាងកក BMA ក៏ស្នើសុំឲ្យកម្មករនៅក្នុងទីក្រុងបាងកក ធ្វើការពីផ្ទះផងដែរក្នុងរយៈពេល១៤ថ្ងៃខាងមុខនេះ។ រហូតមកទល់ពេលនេះ អាជ្ញាធរសុខាភិបាលកំពុងធ្វើការតាមដានយ៉ាងសកម្មនៅតាមការដ្ឋានសំណង់ ភោជនីយដ្ឋាន និងផ្សារចំនួន៤៧២នៅជុំវិញខេត្ត សាមុត សាខន និងក្រុងបាងកក។