បុរសរកស៊ីឆក់ត្រីដែលត្រូវបានចាប់វ៉ៃខ្នោះបង្កការចាប់អារម្មណ៍ពីមហាជនត្រូវបានដោះលែងវិញហើយ!

ខេត្តបាត់ដំបង៖កសិករម្នាក់ដែលរកស៊ីឆក់ត្រីដែលជាមុខរបរខុសច្បាប់ដើម្បីចីញ្ចឹមគ្រួសារដែលត្រូវបានសមត្តកិច្ចចាប់ខ្លួនវ៉ៃខ្នោះបង្កការចាប់អារម្មណ៍កាលពីថ្ងៃទី៧ឧសភាមកដល់ថ្ងៃទី១០ឧសភាត្រូវបានចៅក្រមជម្រះក្តីតុលាការខេត្តបាត់ដំបងដោះលែងហើយ។ 

ចំណុចដែលគួឲ្យចាប់អារម្មណ៍នៅត្រង់ថាត្រឹមតែ៣ថ្ងៃតែប៉ុណ្ណោះតុលការខេត្តបាត់ដំបងប្រើនិតិវិធីដោះស្រ្រាយបញ្ហាដែលរងការរីះគន់ពីមហាជនបានយ៉ាងរលូន។សូមបញ្ជាក់ថាបុរសរូបនេះ ត្រូវបានចៅក្រមនៃសាលាដំបូងខេត្តបាត់ដំបង ចោទប្រកាន់ពីបទ «នេសាទដោយប្រើឧបករណ៍ឆក់» ដែលជាបទ​ល្មើសព្រហ្មទណ្ឌ​មានចែង និងផ្តន្ទាទោសតាមមាត្រា៩៧ ចំណុចទី៣ នៃច្បាប់ស្តីពី​ជលផល ឆ្នាំ២០២៥ ប្រព្រឹត្តនៅថ្ងៃទី៧ ខែឧសភា នៅ​ចំណុចព្រែកហេវ ស្ថិតក្នុងភូមិបាក់ព្រា ឃុំព្រៃចាស់ ស្រុកឯកភ្នំ ខេត្តបាត់ដំបង។

បុរសរូបនេះ មានរបរជាអ្នកនេសាទ មានប្រពន្ធ និងកូនប្រុសស្រី៤នាក់ នៅក្នុងបន្ទុក មាន​ទីលំនៅនៅភូមិបាក់ព្រា ឃុំព្រៃចាស់ ស្រុកឯកភ្នំ ខេត្ត​បាត់ដំបង ។ នេះបើយើងតាមដិការដោះលែងរបស់ចៅក្រមជម្រះក្តី។តែដិការមិនបង្ហាញពីមូលហេតុនៃការដោះលែងនោះទេ។ក្នុងប្រពន្ធ័យុត្តិធម័ខ្មែរបើតុលាការធ្វើការបានលឿនចឹងច្បាស់ជាគ្មានទេសំណុំរឿងកកស្ទះនៅតុលាការ។