វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4572 នាក់
ម្សិលមិញ 5020 នាក់
សរុប 14120019 នាក់
ភ្នំពេញ៖ ក្រោមបញ្ជារផ្ទាល់ពី ឯកឧត្តម ឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ លោកវរសេនីយ៍ឯក ហួរ ម៉េងវ៉ាង អធិការនគរបាលខណ្ឌសែនសុខនៅថ្ងៃទី១៨វិច្ឆិកា បានដឹកនាំកំលាំងចុះស្រាវជ្រាវ ឃាត់ខ្លួនជនសង្ស័យជាឃាតករ០២នាក់ពាក់ពន្ថ័ការធ្វើទារុណកម្ម នារីរកស៊ីផ្លូវភេទរហូតដល់ស្លាប់ ហើយអូសរទេះដឹកយកសពទៅបោះចោលនៅឈានបដ្ឋានវត្តទឹកថ្លាកាលពីថ្ងៃទី១៥ ខែវិច្ឆិកា ឆ្នាំ២០១៨ កន្លងមក ។
លោក ហួរ ម៉េងវ៉ាង បានឲ្យកាសែតឲ្យដឹង ថា ជនសង្ស័យជាឃាតកដៃឆៅទាំង២នាក់ ទី១-ឈ្មោះ ង្វៀង យុំាងចូវ ភេទប្រុស អាយុ២៤ឆ្នាំ ជនជាតិវៀតណាម មុខរបរ អ្នកមើលការខុសត្រូវស្រីបម្រើផ្លូវភេទ ស្នាក់នៅផ្ទះលេខ១៥៨ ផ្លូវ៥៩៨ ភូមិ១៦ សង្កាត់ទឹកល្អក់១ ខណ្ឌទួលគោក និងទី២-ឈ្មោះ ង្វៀង ធីយុង ភេទស្រី អាយុ៣៥ឆ្នាំ ជនជាតិវៀតណាម មុខរបរលក់ឥវ៉ាន់ ស្នាក់នៅផ្ទះលេខ១៥៩ ផ្លូវ៥៩៨ ភូមិ១៦ សង្កាត់ទឹកល្អក់១ ខណ្ឌទួលគោក រាជធានីភ្នំពេញ។ ចំណែកឯនារីរងគ្រោះឈ្មោះ ង្វៀង ធីយុង អាយុ២៥ឆ្នាំ ជនជាតិវៀតណាម មុខរបរស្រីបម្រើផ្លូវភេទ ស្នាក់នៅផ្ទះលេខ១៥៨ ផ្លូវ៥៩៨ (តំបន់ត្រឡោកបែក)ភូមិ១៦ សង្កាត់ទឹកល្អក់១ ខណ្ឌទួលគោក។មូលហេតុលោកអធិការប្រាប់ថា បណ្តាលមកពីចាប់បង្ខំនារីរងគ្រោះឲ្យទទួលភ្ញៀវរួមភេទខ្លាំងពេក តែនារីរងគ្រោះមិនព្រម ក៏វាយសម្លាប់តែម្តង។
សមត្តកិច្ចរំលឹកថា កាលពីយប់រំលងអាធ្រាត្រថ្ងៃទី១៥ ខែវិច្ឆិកា ឆ្នាំ២០១៨ មានជនមិនស្គាល់មុខ បានដឹកនារីរងគ្រោះអាយុប្រហែលជាង២០ឆ្នាំ ជាជនជាតិវៀតណាម ដាក់តាមរ៉ឺម៉ក់ យកទៅទុកចោកនៅឈាបនដ្ឋានវត្តទឹកថ្លា ហើយបានប្រាប់លោកតាអាចារ្យ ឲ្យទៅហៅបងប្អូនជនរងគ្រោះ។ ក្រោយមកជនសង្ស័យទាំងនោះ ក៏នាំគ្នាគេចខ្លួនបាត់តែម្តង។
ក្រោយពេល សមត្ថកិច្ចជំនាញផ្នែកកោសល្យវិចិយ ចុះមកដល់បានពិនិត្យឃើញថា សាកសពនារីរងគ្រោះខាងលើនេះ ត្រូវគេវាយ និងធ្វើទារុណកម្មបណ្តាលឲ្យរងរបួសជាំពេញខ្លួន រហូតដល់ស្លាប់តែម្តង។
ក្រោយពីសាកសួរជនសង្ស័យទាំង ២នាក់ខាងលើរួចមក នៅព្រឹកថ្ងៃទី១៩ ខែវិឆ្ឆិកា ឆ្នាំ២០១៨ កម្លាំងនគរបាលខណ្ឌសែនសុខ បានសហការជាមួយកម្លាំងនគរបាលខណ្ឌទួលគោក ដើម្បីឆែកឆេរទីតាំងផ្ទះបនស្រី មួយកន្លែង ដែលជ្រកក្រោមសញ្ញាយីហោ ម៉ាស្សាកោសជប់ តាមបណ្តោយផ្លូវ៥៩៨ ក្នុងសង្កាត់ទឹកល្អក់២ ខណ្ឌទួលគោក រាជធានីភ្នំពេញ ដែលជាទីតាំងវាយធ្វើទារុណកម្មលើនារីរូបនោះ។ ចំណែកឯមេបន ដែលជាមេក្លោងប្រចាំនៅផ្ទះនេះ បានរត់គេចខ្លួនបាត់ស្រមោល។