កម្ពុជា - ចិន រៀបចំព្រឹត្តិការណ៍មហោស្រពសិល្បៈតាមដងផ្លូវអន្តរជាតិ ដើម្បីអបអរសាទរឆ្នាំ ទេសចរណ៍កម្ពុជា-ចិនក្នុងពេលការបង្ក្រាបឆបោកចិន!

ខេត្តសៀមរាប៖ក្រសួងទេសចរណ៍ ក្រសួងវប្បធម៌ និងវិចិត្រសិល្បៈ ស្ថានទូតចិនប្រចាំកម្ពុជា រដ្ឋបាលខេត្តសៀមរាប បានសហការរៀបចំព្រឹត្តិការណ៍ «មហោស្រពសិល្បៈ តាមដងផ្លូវអន្តរជាតិ កម្ពុជា-ចិន» ដើម្បី អបអរសាទរ «ឆ្នាំ ទេសចរណ៍ កម្ពុជា-ចិន នៃខួបលើកទី៦៨ ឆ្នាំ នៃការបង្កើតចំណងការទូតរវាងប្រទេសកម្ពុជា-ចិន។ព្រឹត្ដិការណ៍នេះ រៀបចំឡើងនៅតំបន់ផប់ស្ទ្រីត ក្រុងសៀមរាប នៅរាត្រីថ្ងៃទី២១ខែមីនាឆ្នាំ២០២៦នេះ។ 

លោក ង៉ូវ សេងកាក់ អភិបាលរងខេត្ត មានប្រសាសន៍ថា៖ ការរៀបចំព្រឹត្តិការណ៍បែបនេះ គឺជាការបង្ហាញពីការប្រែប្រួលយុទ្ធសាស្ត្រទៅកាន់ទេសចរណ៍បែបបទពិសោធន៍ ដែលផ្តល់ឱ្យភ្ញៀវទេសចរអាចចូលរួម និងទទួលយកបទពិសោធន៍វប្បធម៌យ៉ាងជាក់ស្តែង ដើម្បីពង្រឹងភាពទាក់ទាញ និងសមត្ថភាពប្រកួតប្រជែងរបស់វិស័យទេសចរណ៍កម្ពុជា នៅលើឆាកអន្តរជាតិ។

លោក ហួត ហាក់ រដ្ឋមន្ត្រីក្រសួងទេសចរណ៍ មានប្រសាសន៍ថា៖ អនាគតនៃវិស័យទេសចរណ៍កម្ពុជា គឺមិនអាចកាត់ផ្ដាច់ពីការស្រូបទាញកំណើននៃលំហូរទេសចរ និងវិនិយោគិនចិនបានឡើយ។ កម្ពុជា បានត្រៀមលក្ខណសម្បត្តិគ្រប់គ្រាន់ និងរួចរាល់ក្នុងការទទួលស្វាគមន៍ការត្រលប់មកវិញនូវភ្ញៀវទេសចរ និងវិនិយោគិនចិន តាមរយៈការសម្រួលបរិយាកាសទទួលបដិសណ្ឋារកិច្ចដល់ភ្ញៀវទេសចរ និងវិនិយោគិនរបស់មិត្តចិននៅកម្ពុជា។

លោករដ្ឋមន្ត្រីក្រសួងទេសចរណ៍ បញ្ជាក់ថា៖កាលពីថ្ងៃទី២ ខែធ្នូ ឆ្នាំ២០២៥ ប្រមុខរាជរដ្ឋាភិបាលកម្ពុជាបានសម្រេចផ្តល់ការលើកលែងទិដ្ឋាការដល់ប្រជាជនចិន ដែលធ្វើ ដំណើរមកកាន់ប្រទេសកម្ពុជា ដោយអាចស្នាក់នៅកម្ពុជាបានចំនួន១៤ថ្ងៃ ក្នុងដំណាក់កាលសាកល្បងដំបូង ដែលមានរយៈពេល៤ខែ គិត ចាប់ពីថ្ងៃទី១៥ ខែមិថុនា ដល់ថ្ងៃទី១៥ ខែតុលា ឆ្នាំ២០២៦ ហើយក្នុងរយៈពេល៤ខែនេះប្រជាជនចិនទាំងអស់ ដែលកាន់លិខិតឆ្លងដែនសញ្ជាតិចិន អាចធ្វើដំណើរមកកម្ពុជា ដោយពុំមានការស្នើសុំទិដ្ឋាការជាមុន និងពុំមានបង់កម្រៃអ្វីឡើយ គឺតម្រូវឱ្យបំពេញត្រឹមតែ E-arrival card ប៉ុណ្ណោះ។

សម្រាប់ពេញមួយឆ្នាំ២០២៥ កម្ពុជាទទួលបានភ្ញៀវទេសចរ អន្តរជាតិប្រមាណ ៥,៥៦លាននាក់ ថយចុះ ១៦,៩% ខណៈដែលភ្ញៀវទេសចរជាតិ មានចំនួនប្រមាណ ២៥លាននាក់ កើនឡើងប្រមាណ ១១,៧%។ សម្រាប់ឆ្នាំ២០២៦ ក្រសួងទេសចរណ៍ គ្រោងរៀបចំព្រឹត្តិការណ៍សំខាន់ៗ ក្នុងក្របខ័ណ្ឌ នៃ «ឆ្នាំទេសចរណ៍កម្ពុជា-ចិន» ជាបន្តបន្ទាប់រួមមាន៖មហោស្រពក្បាច់គុនចម្រុះ កម្ពុជា-ចិន ព្រឹត្តិការណ៍ផ្សព្វផ្សាយការទូតទេសចរណ៍ម្ហូបអាហារ កម្ពុជា-ចិន ព្រឹត្តិការណ៍ផ្សព្វផ្សាយទេសចរណ៍ភាពយន្ត កម្ពុជា-ចិន (Cambodia-China Film Tourism)ព្រឹត្តិការណ៍បើករថយន្តឆ្លងកាត់ព្រំដែន (Caravan Tour) កម្ពុជា-ចិន និងកម្មវិធីបង្ហាញផ្លូវទេសចរណ៍រដូវកាលបៃតង (Green Season Tourism Roadshow) សម្រាប់ទីផ្សារចិន ដែលគ្រោងរៀបចំនៅ ខេត្តហៃណាន ប្រទេសចិន រួមជាមួយកម្មវិធីផ្សេងៗ ទៀត ក្រោមការសម្របសម្រួលពីស្ថានទូតចិនប្រចាំកម្ពុជា។

សូមបញ្ជាក់ថា ការរៀបចំព្រឹត្តិការណ៍មហោស្រពសិល្បៈតាមដងផ្លូវអន្តរជាតិ ដើម្បីអបអរសាទរឆ្នាំ ទេសចរណ៍ កម្ពុជា-ចិននិងខួបលើកទី ៦៨ ឆ្នាំ ក៏មានការសម្ដែងសិល្បៈប្រពៃណីបុរាខ្មែរ និងតន្ដ្រីសម័យ ឈុតសម្ដែងល្ខោនបាសាក់ ការសម្ដែងសិល្បៈបុរាណចិន សម័យ ដើម្បីឱ្យអ្នកទេសចរជាតិនិងអន្ដរជាតិ ទស្សនាកម្សាន្ដផងដែរ។

ទោះបីយ៉ាងណាការរៀមចំកម្មវិធីទាក់ទាញទេសចរណ៍ចិនគឺក្នុងពេលដែលកម្ពុជាបង្កើនសកម្មភាពបង្ក្រាមបទល្មើសឆបោកតាមអនឡាញដែលក្នុងនោះជនសង្សយ័រាប់ម៉ឺននាក់ជាជនចាតិចិនត្រូវបានចាប់បញ្ជូនទៅស្រុកចិនវិញ។ទន្ទឹមគ្នានោះដែរអាជ្ញាមានសមត្តកិច្ចតាមុំបណ្តាខេត្តនានាតាមព្រុំដែនបានធ្វើការត្រួតពិនិត្យយ៉ាងតឹងរ៉ឹងចំពោះការដើរហើរបស់ជនជាតិចិនបោះទោះបីមានលិខិតឆ្លងដែននិងបណ្ណការងារនៅស្រុកខ្មែរក៏ដោយ។តើវាអាចមានការជះឥទ្ធិពលអារម្មណ៍ភយ័ខ្លាចដល់ប្រជាពលរដ្ឋចិនដែរឬទេ?៕