វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4425 នាក់
ម្សិលមិញ 5378 នាក់
សរុប 14083718 នាក់
កាណាដា៖ លោកស្រី Chrystia Freelandរដ្ឋមន្ត្រីក្រសួងការបរទេសកាណាដា បានស្វាគមន៍ទណ្ឌកម្មនិងត្រៀមធ្វើតាម សហរដ្ឋអាមេរិកក្នុងការដាក់ទណ្ឌកម្ម លើមន្ត្រីអារ៉ាប៊ីសាអូឌីតចំនួន១៧នាក់ ពីបទមានតួនាទីពាក់ព័ន្ធ ក្នុងករណីសម្លាប់អ្នកកាសែត ជនជាតិអារ៉ាប៊ីសាអូឌីត លោក Jamal Khashoggi កាលពីខែមុន ។
ទីភ្នាក់ងារសារព័ត៌មាន រ៉យទ័រ ចេញផ្សាយនៅថ្ងៃទី១៦ ខែវិច្ឆិកា ឆ្នាំ២០១៨ បានរាយការណ៍ថា ថ្លែងនៅទីក្រុង Port Colborne ខេត្ត Ontario លោកស្រី Freeland បានប្រាប់អ្នកកាសែតថា “ប្រទេសកាណាដា មានការស្វាគមន៍ ចំពោះចំណាត់ការរបស់សហរដ្ឋអាមេរិក” ហើយលោកស្រីបានបន្ថែមទៀតថា ប្រទេសកាណាដា កំពុងតែពិចារណាយ៉ាងសកម្ម ក្នុងការដាក់ទណ្ឌកម្មស្រដៀងគ្នានេះ នៅក្នុងពេលប៉ុន្មានថ្ងៃខាងមុខ។
គួរបញ្ជាក់ថា លោក Jamal Khashoggi ជាអ្នកកាសែតជនជាតិអារ៉ាប៊ីសាអូឌីត ត្រូវបានគេសម្លាប់ ក្នុងកុងស៊ុលអារ៉ាប៊ីសាអូឌីត នៅទីក្រុងកាប៊ុល ប្រទេសតួកគី កាលពីថ្ងៃទី០២ ខែតុលាកន្លងទៅ ហើយក្រសួងរតនាគារអាមេរិក នៅថ្ងៃព្រហស្បតិ៍សប្ដាហ៍នេះ បានប្រកាសទណ្ឌកម្ម ដាក់លើជនជាតិអារ៉ាប៊ីសាអូឌីត ប៉ុន្តែមិនដាក់លើរដ្ឋាភិបាល ទីក្រុងរីយ៉ាដទេ។
សហរដ្ឋអាមេរិក បានប្រកាសដាក់ទណ្ឌកម្មសេដ្ឋកិច្ច លើមន្ត្រីអារ៉ាប៊ីសាអូឌីតចំនួន១៧នាក់ នៅថ្ងៃព្រហស្បតិ៍សប្ដាហ៍នេះ ពីបទពាក់ព័ន្ធក្នុងការ សម្លាប់អ្នកកាសែត ជនជាតិ អារ៉ាប៊ីសាអូឌីត លោក Jamal Khashoggi ស្របពេលដែលព្រះរាជអាជ្ញាអារ៉ាប៊ីសាអូឌីត ស្វះស្វែងកាត់ទោសប្រហារជីវិតជនសង្ស័យ៥រូប ក្នុងករណីឃាតកម្មនោះ។
នៅក្នុងចំណោមមនុស្សដែលទទួលរងទណ្ឌកម្មទាំងនោះ រួមមានលោក Saud al-Qahtani ដែលត្រូវបានដកហូតចេញ ពីតំណែងជាជំនួយការជាន់ខ្ពស់ របស់ព្រះរជ្ជទាយាទអារ៉ាប៊ីសាអូឌីតព្រះអង្គម្ចាស់ម៉ូហាម៉េដប៊ិនសានម៉ាន់( Mohammed bin Salman) និងអគ្គកុងស៊ុល ព្រមទាំងសមាជិកក្រុម១៥នាក់ ដែលតួកគីបានកំណត់អត្តសញ្ញាណថា មានជាប់ពាក់ព័ន្ធក្នុងករណីសម្លាប់លោក Khashoggi៕