វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 5047 នាក់
ម្សិលមិញ 8227 នាក់
សរុប 14131928 នាក់
ភ្នំពេញ៖ លោកសំប្រជាមាននិតអគ្គលេខាធិការនៃអគ្គលេខាធិការដ្ឋានឧត្តមក្រុមប្រឹក្សានៃអង្គចៅក្រមនៅថ្ងៃទី១៥កញ្ញាបានចេញលិខិតជូនដំណឹងមួយ ជម្រាបជូន ឯកឧត្តម លោកជំទាវ លោក-លោកស្រី ជាចៅក្រម និងព្រះរាជអាជ្ញានៃសាលាជម្រះក្តីគ្រប់ជាន់ថ្នាក់រឿងវិសមត្តភាពនៃការងារ។
លិខិតជូនដំណឹងបញ្ជាក់ថា អនុលោមតាមមាត្រា៤៤ និងមាត្រា១០៦ នៃច្បាប់ស្តីពីលក្ខន្តិកៈនៃចៅក្រម និងព្រះរាជអាជ្ញា គឺការបំពេញ មុខងារជាចៅក្រម ឬព្រះរាជអាជ្ញានៅគ្រប់សាលាជម្រះក្តី ឬអង្គការអយ្យការអមសាលាជម្រះក្តី មានវិសមិត ភាពជាមួយការបំពេញមុខងារសាធារណៈ មុខងារជាតំណាងរាស្ត្រ សមាជិកព្រឹទ្ធសភា សមាជិករាជរដ្ឋាភិបាល អនុរដ្ឋលេខាធិការ មុខងារទទួលអាណត្តិដោយការបោះឆ្នោតដ៍ទៃទៀត ឬមុខងារជាទីប្រឹក្សាគ្រប់ឋានានុក្រម លើកលែងតែមានបទប្បញ្ញត្តិផ្ទុយពីនេះ។
សេចក្តីដូចបានជម្រាបជូនខាងលើ ចៅក្រម និងព្រះរាជអាជ្ញា ដែលកំពុងបំពេញមុខងារនៅសាលា ជម្រះក្តី ឬអង្គការអយ្យការអមសាលាជម្រះក្តី មានជាប់ពាក់ព័ន្ធនឹងមុខងារដូចបានរៀបរាប់ខាងលើ ហើយមាន បំណងចង់នៅបំពេញមុខងារណាមួយដែលមានវិសមិតភាពដូចបានរៀបរាប់ខាងលើនេះ ត្រូវមកដាក់ពាក្យ សុំផ្តាច់ពីមុខងារជាចៅក្រម ឬព្រះរាជអាជ្ញា នៅអគ្គលេខាធិការដ្ឋានឧត្តមក្រុមប្រឹក្សានៃអង្គចៅក្រម ឱ្យបាន យ៉ាងយូរត្រឹមដំណាច់ឆ្នាំ២០២០ ដើម្បីអនុវត្តឱ្យស្របតាមច្បាប់ស្តីពីលក្ខន្តិកៈនៃចៅក្រម និងព្រះរាជអាជ្ញា។
ក្នុងករណីចៅក្រម និងព្រះរាជអាជ្ញាដែលមានពាក់ព័ន្ធ ហើយមិនបំពេញកាតព្វកិច្ចឱ្យបានទាន់ពេល វេលាដូចជម្រាបជូនខាងលើនោះទេ ឧត្តមក្រុមប្រឹក្សានៃអង្គចៅក្រមនឹងពិនិត្យចាត់ការតាមនីតិវិធីជាធរមាន។មានការកត់សម្គា់ថាសេចក្តីជូនដំណឹងមិនបញ្ជាក់ពិវិសមត្តភាពជាមួយការងារជាសមាជិកគណបក្សនយោបាយនោះទេ!?។