កម្ពុជាបង្ហាញសុឆន្ទៈប្រកាសគាំទ្រកិច្ចប្រជុំ GBC ដើម្បីពង្រឹងបទឈប់បាញ់តាមសំណូមពរថៃហើយ!
21-September-2026 / សន្តិសុខសង្គម
ភ្នំពេញ៖ រដ្ឋមន្ត្រីក្រសួងការពារជាតិកម្ពុជាបានសម្តែងការគាំទ្រចំពោះការរៀបចំកិច្ចប្រជុំគណៈកម្មាធិការព្រំដែនទូទៅ កម្ពុជា-ថៃ (GBC) នៅថ្ងៃទី២៤ ខែធ្នូ ស្របតាមសេចក្តីថ្លែងការណ៍របស់ប្រធានអាស៊ាន ដែលបានចេញបន្ទាប់ពីកិច្ចប្រជុំពិសេសរដ្ឋមន្ត្រីការបរទេសអាស៊ានស្តីពីស្ថានការណ៍បច្ចុប្បន្នរវាងកម្ពុជា និងថៃ ដែលធ្វើឡើងនៅទីក្រុងកូឡាឡាំពួរ នៅថ្ងៃទី២២ ខែធ្នូ។
ក្នុងលិខិតផ្ញើជូនរដ្ឋមន្ត្រីក្រសួងការពារជាតិថៃ នាយឧត្តមសេនីយ៍ Nattaphon Narkphanit ដែលជាសហប្រធាន GBC ថៃ ឧបនាយករដ្ឋមន្ត្រី និងជារដ្ឋមន្ត្រីក្រសួងការពារជាតិ នាយឧត្តមសេនីយ៍ ទៀ សីហា បានបញ្ជាក់ជាថ្មីពីការប្តេជ្ញាចិត្តរបស់កម្ពុជាក្នុងការសន្ទនា និងដំណោះស្រាយជម្លោះដោយសន្តិវិធីស្របតាមច្បាប់អន្តរជាតិ ចំពេលមានភាពតានតឹងនៅតាមបណ្តោយព្រំដែន។
សេចក្តីថ្លែងការណ៍របស់ប្រធានអាស៊ាន បានស្វាគមន៍ការពិភាក្សាស្តីពីការបន្តបទឈប់បាញ់ និងបញ្ឈប់នូវអរិភាពទាំងឡាយ ខណៈដែលរដ្ឋមន្ត្រីការបរទេសអាស៊ានបានសម្តែងក្តីសង្ឃឹមសម្រាប់ការបន្ថយភាពតានតឹងនៅដំណាក់កាលដំបូង។
លើខ្លឹមសារនៃកិច្ចពិភាក្សា កម្ពុជាបានស្នើឱ្យកិច្ចប្រជុំ GBC ផ្តោតលើរបៀបវារៈសំខាន់ៗមួយចំនួន។ ទាំងនេះរួមមានការបញ្ឈប់ជាបន្ទាន់នូវអរិភាពគ្រប់ទម្រង់ ការគោរពពេញលេញចំពោះ និងការអនុវត្តកិច្ចព្រមព្រៀងឈប់បាញ់ថ្ងៃទី២៨ ខែកក្កដា ឆ្នាំ២០២៥ ក៏ដូចជាសេចក្តីថ្លែងការណ៍រួមទីក្រុងគូឡាឡាំពួរថ្ងៃទី ២៦ ខែតុលា ឆ្នាំ ២០២៥ និងកិច្ចព្រមព្រៀងផ្សេងទៀតដែលសម្រេចបានក្នុងក្របខ័ណ្ឌដូចគ្នា។
របៀបវារៈអាទិភាពមួយទៀតគឺការវិលត្រឡប់ប្រកបដោយសុវត្ថិភាព និងសេចក្តីថ្លៃថ្នូរ ដោយគ្មានការរារាំងជនស៊ីវិលដែល រស់នៅក្នុងតំបន់ព្រំដែនដែលរងផលប៉ះពាល់ អាចត្រឡប់ទៅផ្ទះវិញ និងបោះជំហានជាបន្ទាន់ក្នុងការដោះស្រាយជម្លោះដោយសន្តិវិធី និងការអនុវត្តពេញលេញនៃសេចក្តីថ្លែងការណ៍រួមទីក្រុងគូឡាឡាំពួ រួមជាមួយនឹងការធ្វើឱ្យសកម្មឡើងវិញជាបន្ទាន់ នៃយន្តការដែលមានស្រាប់នៅក្នុងក្របខ័ណ្ឌនេះ រួមទាំងការកំណត់ព្រំដែន និងកិច្ចសហប្រតិបត្តិការដោះមីនមនុស្សធម៌។
សូមបញ្ជាក់ថាសម្រាប់ការកៀបសង្កត់ពីអន្តរជាតិះអាមេរិកចិនអាស៊ានឲ្យមានការឈប់បាញ់តេភាគីថៃបានលើកជាបន្តបន្ទាប់ឲ្យកម្ពុជាស្នើទៅថៃមុនរៀងឈប់បាញ់នេះឡូវកម្ពុជាបានស្នើទៅហើយតើថៃមានលេសអីទៀត។នៅថ្ងៃ២៣ធ្នូ២៥ ឧត្តមសេនីយ៍ ណាត់ថាពល ណាក់ផានិច្ច រដ្ឋមន្ត្រីក្រសួងការពារជាតិ បានថ្លែង នៅថ្ងៃទី២៣នេះថា ទាក់ទងនឹងកិច្ចប្រជុំគណៈកម្មាធិការព្រំដែនទូទៅថៃ-កម្ពុជា (GBC) នៅថ្ងៃទី២៤ស្អែកនេះ នៅខេត្តច័ន្ទបុរី វាគឺជាកិច្ចប្រជុំរបស់លេខាធិការដ្ឋាន ហើយប្រសិនបើលេខាធិការដ្ឋាន មិនបំពេញតាមការរំពឹងទុករបស់លោកទេ លោកនឹងមិនចូលរួមកិច្ចប្រជុំ ឬចុះហត្ថលេខាលើកិច្ចព្រមព្រៀងនោះទេ។
រដ្ឋមន្ត្រីក្រសួងការពារជាតិដដែលបន្តថា ចំណុចទាំង៥ ទាក់ទងនឹងឥរិយាបថកន្លងមករបស់កម្ពុជារួមមាន៖១. កងទ័ពកម្ពុជាបានរំលោភលើអនុសញ្ញាអូតាវ៉ា
ជាពិសេសក្នុងករណីបីយ៉ាង៖ កាន់កាប់មីនប្រឆាំងមនុស្ស។២.ទាហានកម្ពុជាកំពុងប្រើប្រាស់ទីតាំងប្រវត្តិសាស្ត្រចំនួនបីជាបន្ទាយយោធា៖ ក្នុងនោះមានប្រាសាទតាក្របី ប្រាសាទព្រះវិហារ និងប្រាសាទខ័ណ្ឌ។៣.ទាហានកម្ពុជាកំពុងប្រើប្រាស់សហគមន៍ជាមូលដ្ឋានសម្រាប់បាញ់អាវុធធុនធ្ងន់ ជាពិសេស BM-21s។៤.កម្ពុជាកំពុងប្រើប្រាស់អគារស៊ីវិលជាមូលដ្ឋានយោធា និងអាវុធ។
៥. កម្ពុជាកំពុងប្រើប្រាស់ជនស៊ីវិលជាខែលមនុស្ស រួមទាំងការប្រើប្រាស់ជនស៊ីវិលដើម្បីប្រយុទ្ធប្រឆាំងនឹងយោធាថៃលោកបានបន្តថា «ចំណុចទាំង៥នេះគឺជាគោលការណ៍មូលដ្ឋានរបស់លោក។ រីឯ ជំហានជាបន្តបន្ទាប់ គឺជាដំណើរការអាច ៣លក្ខខណ្ឌដែលថៃដាក់ទៅកាន់ខាងកម្ពុជាយូរមកហើយ។
សូមបញ្ជាក់ថារដ្ឋមន្រ្តីការបរទេសថៃលោកសីហាសាក់ភួងកេតកែវបាននិយាយកាលពីថ្ងៃទី២២ធ្នូថា បទឈប់បាញ់ត្រូវតែកើតចេញពីការចរចា និងការព្រមព្រៀងគ្នាទៅវិញទៅមក។"កម្ពុជាបាននិយាយអំពីបទឈប់បាញ់ជាមួយគ្រប់ភាគីទាំងអស់លើកលែងតែប្រទេសថៃ។ ដូច្នេះតើយើងអាចឈានទៅមុខលើបទឈប់បាញ់ដោយរបៀបណា? សូមឱ្យខ្ញុំបញ្ជាក់ឱ្យច្បាស់៖ បទឈប់បាញ់មិនមែនកើតចេញពីសេចក្តីប្រកាសតែមួយមុខនោះទេ។ ការដែលកម្ពុជានិយាយថាខ្លួនចង់បានបទឈប់បាញ់នៅម៉ោង ១០ យប់នេះ(២២ធ្នូ) មិនមែនមានន័យថាវាជាបទឈប់បាញ់នោះទេ។ ព្រោះបទឈប់បាញ់ត្រូវតែកើតចេញពីការចរចា និងការព្រមព្រៀងគ្នាទៅវិញទៅមក"។
