វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1156 នាក់
ម្សិលមិញ 10264 នាក់
សរុប 14140338 នាក់
ភ្នំពេញ៖តៃកុងឡាន LUXUS RX300 ឈ្មោះថា កែ ចាន់មាន ដែលដឹកខ្មាន់កាំភ្លើងបាញ់ប្រហារមន្ត្រីប៉ូលីសព្រហ្មទណ្ឌ កំរិតស្រាលឈ្មោះរ៉េត ស៊ីណែតត្រូវសមត្តកិច្ចចាប់ខ្លួនបានហើយ!។
តៃកុងឡានដេលមានឈ្មោះ កែ ចាន់មាន បានសារភាពហើយតំណាលរឿងថា កាលពីយប់ថ្ងៃ ២៩ ខែធ្នូ ឆ្នាំ២០២០ ខ្លួនបានចេញពីផឹកស៊ី ទាំងស្រវឹង ហើយបើកបរថយន្ត RX 300 ខាងលើជូនឈ្មោះ រ៉េន ជាជនដៃដល់ក្នុងការបាញ់ប្រហារ ទៅផ្ទះនៅម្តុំកំបូលក៏បានជ្រុលឡានទៅបុកគូទរថយន្តលោក រ៉េត ស៊ីណែត ពីក្រោយ ។បន្ទាប់មកលោករ៉េត ស៊ីណែត បានបើករថយន្តដេញមក កាក់រថយន្តខ្លួន និងបានយកអាវុធខ្លីភ្ជង់ខ្លួន ក្នុងគោលបំណងឲ្យអែបកៀន និងបានប្រើពាក្យសម្តីជេរប្រមាថមកលើខ្លួនទៀតផង ទើបឈ្មោះ រ៉េន មានខឹងសម្បារ ហើយប្រាប់ ឈ្មោះ កែ ចាន់មាន ដែលជាតៃកុងឡានឲ្យនៅស្ងៀម ចាំធ្វើតែតាមឈ្មោះ រ៉េន ប្រាប់បានហើយ។
ជនរងគ្រោះដែលត្រូវបាញ់ចំនួន៦គ្រាប់ស្លាប់ មានឈ្មោះ រ៉េត ស៊ីណែត (ហៅញ៉ក់) ភេទប្រុស អាយុ៤០ឆ្នាំ មានមុខរបរ នាយរងការិយាល័យ ព្រហ្មទណ្ឌកម្រិត ស្រាលរាជធានីភ្នំពេញ ជិះរថយន្តម៉ាក Ford Raptor ពណ៌ស ពាក់ស្លាកលេខភ្នំពេញ 2BD-3738 ចំណែកខ្មាន់កាំភ្លើងជិះរថយន្តម៉ាក Lexus RX300 ពណ៌ខ្មៅ ពាក់ស្លាកលេខសៀមរាប2A-4546 វេលាម៉ោង១២និង៣០នាទី យប់រំលងអធ្រាត្រ ឈានចូលថ្ងៃពុធ ទី៣០ ខែធ្នូ ឆ្នាំ២០២០។
ជនរងគ្រោះ រ៉េត ស៊ីណែត ជានាយរងការិយាល័យ ព្រហ្មទណ្ឌកម្រិត ស្រាលរាជធានីភ្នំពេញ បានបើករថយន្តម៉ាក FORD Raptor ពណ៍ ស ពាក់ស្លាកលេខភ្នំពេញ 2BD 3738 តាមមហាវិថីហសព័ន្ធរុស្ស៊ី ក្នុងទិសដៅពីកេីតទៅលិច ខណះមកដល់ចំណុចកេីតហេតុស្រាប់តែមានរថយន្តឡិចស៊ី RX 300 មួយគ្រឿង ពណ៌ខ្មៅ ស្លាកលេខ សៀមរាប2A-4546បានបេីកមកបុកគូទបណ្តាលឲ្យរងការខូចខាតបន្តិច បន្ទាប់មកភាគីទាំងសងខាងបានឈប់ដេីម្បីចរចារគ្នាដោយភាគីខាងត្រូវរងគ្រោះបានសម្រួលដោយគ្រាប់តែឲ្យភាគីបង្កយករថយន្តទៅជួសជុលដើម្បីបញ្ចប់រឿងក៏កើតវិវាទបាញ់ប្រហារហលយរត់គេចខ្លួនបាត់ទៅ។ក្រោយមកបានសមត្តកិច្ចតាមរកឃើញរថយន្តជនបង្កត្រូវបានបើកយកទៅប្លុងចោលនៅផ្ទះប្រជាពលរដ្ឋនៅឃុំពញាពន្ធខណ្ឌព្រែកព្នៅ។