មិនមែនតែប្រជាពលរដ្ឋទេអ្នកទោសក៏ ជម្លៀសដែរ!

ខេត្តខេត្តឧត្តរមានជ័យ :អគ្គនាយកដ្ឋានពន្ធនាគារ ចូលរួមជាមួយអគ្គស្នងការដ្ឋាននគរបាលជាតិ និងអាជ្ញាធរខេត្តពាក់ព័ន្ធ បានអនុវត្តប្រតិបត្តិការជម្លៀស ជនជាប់ឃុំ ១,០៦៦ នាក់ រួមទាំង ស្រី ៦៧ នាក់ ពីពន្ធនាគារខេត្តឧត្តរមានជ័យ ទៅឃុំបន្តនៅពន្ធនាគារខេត្តសៀមរាប។ 

ការជម្លៀសនេះធ្វើឡើងដោយសារតំបន់ពន្ធនាគារឧត្តរមានជ័យ កំពុងមានហានិភ័យខ្ពស់ពីការបាញ់គ្រាប់បែក និងគ្រាប់ផ្លោងក្នុងស្ថានការណ៍ឈ្លានពានពីសៀម។ប្រតិបត្តិការនេះ ត្រូវបានបញ្ចប់នៅពេល ម៉ោង ៤:៤០ នាទី ព្រឹក ថ្ងៃទី ៩ ខែធ្នូ ២០២៥ ក្នុងបរិយាកាសសុវត្ថិភាព ដោយប្រើប្រាស់ រថយន្ត ៣២ គ្រឿង និងបញ្ជូល មន្ត្រី ២២១ នាក់៕