សម្ដេចតេជោ ហ៊ុន សែន បញ្ជាក់ពីភាពខុសគ្នារវាងកម្ពុជា-ថៃ រឿងដកសញ្ជាតិពី លោកអ្នកឧកញ៉ា លី យ៉ុងផាត់ និងអ្នកឧកញ៉ា កុក អាន

ភ្នំពេញ៖សម្ដេចតេជោ ហ៊ុន សែន ប្រធានព្រឹទ្ធសភា ថ្លែងក្នុងពិធីបើកអនុសំវច្ឆរមហាសន្និបាតមន្ដ្រីសង្ឃទូទាំងប្រទេស លើកទី៣៣ នៅវិទ្យាស្ថានជាតិអប់រំ នាព្រឹកថ្ងៃទី១៧ ខែវិច្ឆិកា ឆ្នាំ២០២៥នេះ បានបញ្ចាក់ថា មកទល់ម៉ោងនេះ កម្ពុជាមិនទាន់បានដកសញ្ជាតិអ្នកណាមួយទេ ខុសពីថៃ ដែលដកសញ្ជាតិថៃពីអ្នកឧកញ៉ា លី យ៉ុងផាត់ និងអ្នកឧកញ៉ា កុក អាន!។ 

សម្ដេចតេជោ ហ៊ុន សែន បានថ្លែងបញ្ជាក់បែបនេះថា៖ «មកទល់ម៉ោងនេះ យើងមិនទាន់បានដកសញ្ជាតិអ្នកណាមួយទេ ក្នុងពេលដែលថៃបានដកសញ្ជាតិពីរនាក់រួចទៅហើយ គឺអ្នកឧកញ៉ា លី យ៉ុងផាត់ និងអ្នកឧកញ៉ា កុក អាន»។ សូមបញ្ជាក់ថាអ្នកឧកញ៉ាលីយុងផាត់ជាសមាជិកអចិន្ត្រៃយ៍គណបក្សប្រជាជនដែលកាន់ហិរញ្ញវត្ថុគណបក្សនិងជាមាជិកព្រឹទ្ធសភាកម្ពុជា។លោកឧកញ៉ា លី យ៉ុងផាត់ ដែលទសវត្តស៨០និង៩០ប្លាយគឺជាំអ្នកនាំបារីហ្សែតនិងហេរ៉ូចូលស្រុកយួនគឺជាម្ចាស់ក្រុមហ៊ុន LYP គ្រុប ដែលជាក្រុមហ៊ុនឈានមុខគេក្នុងអាជីវកម្ម និងជាក្រុមហ៊ុនសេវាកម្មពាណិជ្ជកម្មឆ្លងដែនដំបូងគេនៅកម្ពុជា។

ការវិនិយោគសំខាន់ៗរបស់ក្រុមហ៊ុនលោក លី យ៉ុងផាត់ រួមមាន៖ កោះកុង រីសត ,សណ្ឋាគារភ្នំពេញ , សណ្ឋាគារ និងក្លឹបវាយកូនហ្គោល ហ្គាឌិនស៊ីធី ,សួនសត្វ សាហ្វារី ភ្នំពេញ ,ស្ថានីយ៍ទូរទស្សន៍ ភីអិនអិន ,ក្រុមហ៊ុន ស្ករស នៅខេត្តកំពង់ស្ពឺ ,ផ្សារទំនើប ម៉ាក្រូ ជាដើម។ ដោយសារមានជំនួញធំក្នុងប្រទេសថៃលោកមានសញ្ជាតិថៃមួយទៀត។

លោក កុក អាន គឺជាស្ថាបនិកក្លឹបបាល់ទាត់ភ្នំពេញក្រោន ជាអគ្គនាយកក្រុមហ៊ុន អាន កូ និងជាម្ចាស់កាស៊ីណូ ហ្គោល ឌិនក្រោន។ លោក កុក អាន បានជាប់ជាសមាជិកព្រឹទ្ធសភាប្រចាំមណ្ឌលភូមិភាគទី៥ មកពីគណបក្សប្រជាជនកម្ពុជា ចាប់តាំងពីអាណត្តិទី២ រហូតដល់អាណត្តិទី៤នេះ។លោកឧកញ៉ាកុកកអានមានជំនួញធំនៅប្រទេសថៃទាំងប្រពន្ធនិងកូន។ឧកញ៉ាទាំងពីរជាប់ពិរុទ្ធនៅក្នុងប្រទេសថៃរឿងឆបោកតាមអនឡាញដែលកំពុងល្បីល្បាញពេញពិភពលោករហូតត្រូវតាមចាប់ខ្លួន។ឧកញ៉ាលីយុងផាត់ក៏ជាប់ក្ន​ងបញ្ជីរដាក់ទណ្ដកម្មពីអាមេរិកផងដែរ។តែនៅស្រុកខ្មែរផ្សេង!៕