
វីដេអូ
តាមដានសង្គម

ចំនួនអ្នកទស្សនា
ថ្ងៃនេះ 6768 នាក់
ម្សិលមិញ 8146 នាក់
សរុប 18735100 នាក់
ភ្នំពេញ៖ ស្ងាត់ៗកីឡាការិនីឆ្នើមក្បាច់គុនខៀវ ចិន្តារ័ត្នវ័យ២៩ឆ្នាំ បានសាងកេរ្តិ៍ឈ្មោះជាថ្មីជូនកម្ពុជា ដោយបានទៅចូលរួមប្រកួតក្បាច់គុននៅប្រទេសកូរ៉េ ហើយទទួលបានមេដាយមាសមកជូនជាតិ។កីឡាការិនីតំណាងកម្ពុជារូបនេះធ្វើបានយ៉ាងល្អនៅក្នុងការប្រកួតក្បាច់គុនកូរ៉េ នៅទឹកដីរបស់ម្ចាស់ផ្ទះកូរ៉េផ្ទាល់។នាងជាកីឡាការិនីកម្ពុជាតែមួយរូបគត់ ដែលបានទៅចូលរួមនៅទីនោះ ជាមួយនឹងបណ្ដាប្រទេសធំៗជាច្រើន នៅលើពិភពលោក។
មុនទទួលបានជោគជ័យយកមេដាយមាសមកជូនជាតិ នៅក្នុងការប្រកួត Taekkyeon លើកទី១៦ នៅប្រទេសកូរ៉េនេះគឺជាការប្រកួតក្បាច់គុនបុរាណកូរ៉េដ៏ចំណាស់ និងមានប្រជាប្រិយភាពជាងគេ។ កីឡាការិនីខៀវ ចិន្តារ័ត្ន បានឆ្លងកាត់ការប្រកួតជាច្រើនរួចមកហើយ។ កីឡាការិនីកម្ពុជារូបនេះត្រូវប៉ះជាមួយជើងខ្លាំងព័រទុយហ្កាល់ បានយកឈ្នះឡើងទៅប៉ះម្ចាស់ផ្ទះកូរ៉េ ហើយក៏បានឈ្នះឡើងបន្ត ទៅប៉ះអង់គ្លេស នាវគ្គផ្ដាច់ព្រ័ត្ររហូតទទួលបានមេដាយមាស។
គួរជម្រាបផងដែរថា នេះគឺជាលើកទី៨ហើយ ដែលកីឡាការិនីរូបនេះដែលចេះប្រកួតជាច្រើនវិញ្ញាសា ដូចជាគុនខ្មែរ Kick boxing ,MMA, គុនល្បុក្កតោ និងជំនាញខាងប្រភេទកីឡាប្រយុទ្ធជាច្រើនទៀត បានទៅចូលរួមប្រកួតនៅព្រឹត្តិការណ៍ដ៏ធំមួយនេះ ហើយកន្លងមកក៏ធ្លាប់ទទួលបានខ្សែក្រវ៉ាត់ខ្មៅពីព្រឹត្តិការណ៍មួយនេះដែរ។
នៅក្នុងរដូវកាលនេះគឺមានប្រទេសចំនួន២៦ បានបញ្ជូនកីឡាករ កីឡាការិនីទៅចូលរួម ដោយក្នុងនោះមានកម្ពុជាយើងផងដែរ។ ដូច្នេះនេះគឺជាមោទនភាពមួយទៀត ដែលកម្ពុជាបានទៅចូលរួមក្នុងព្រឹត្តិការណ៍ដ៏ធំ ហើយអាចលើកទង់ជាតិឲ្យប្រទេសជាច្រើនទៀតបានឃើញ តាមរយៈកីឡាការិនីកម្ពុជាមួយរូបដែលបានពុះពារឆ្លងកាត់ ឧបសគ្គជាច្រើននៅក្នុងអាជីពជាអ្នកប្រយុទ្ធក្បាច់គុន។