អ្នកសង្កេតការណ៍អ្នកកាសែតប្រជាពលរដ្ឋឈរមើលកងកម្លាំងចម្រុះរបស់ថៃទន្ទ្រានឈូសឆាយនៅភូមិព្រៃចាន់ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ ?!

បន្ទាយមានជ័យ៖ កងកម្លាំងចម្រុះរបស់ថៃ នាថ្ងៃទី១០ ខែតុលា ឆ្នាំ២០២៥នេះ បានបន្តទន្ទ្រានទឹកដីកម្ពុជាទាំងខុសច្បាប់ដោយធ្វើការឈូសឆាយ នៅភូមិព្រៃចាន់ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យដោយមានអ្នកសង្កេតការណ៍អ្នកកាសែតខ្មែរនិងប្រជាជនខ្មែរឈរមើលទាំងឈឺចាប់!។ 

សកម្មភាពគឃ្លើនរបស់កងកម្លាំងចម្រុះរបស់ថៃ គឺជារំលោភបំពានយ៉ាងធ្ងន់ធ្ងរ មកលើដែនអធិបតេយ្យភាព បូរណភាពទឹកដីកម្ពុជា ដោយមិនខ្ចីគោរពបទឈប់បាញ់ ព្រមទាំងស្មារតីឯកភាពគ្នាក្នុងកិច្ចប្រជុំវិសាមញ្ញគណៈកម្មាធិការព្រំដែនទូទៅកម្ពុជា-ថៃ (GBC) កាលពីថ្ងៃទី៧ ខែសីហា ឆ្នាំ២០២៥ ក្រោមការចូលរួមសង្កេតការណ៍ដោយម៉ាឡេស៊ី សហរដ្ឋអាមេរិក និងតំណាងប្រទេសចិន។ក្នុងកិច្ចប្រជុំ GBC កន្លងទៅ ដោយភាគីកម្ពុជា និងថៃ ដែលបានឯកភាពគ្នារក្សាកម្លាំងយោធារបស់ខ្លួនក្នុងទីតាំងបច្ចុប្បន្ន ដោយមិនអនុញ្ញាតឱ្យផ្លាស់ទីហួសពីទីតាំងដែលខ្លួនឈរជើងក្នុងពេលព្រៀងបទឈប់បាញ់បានចូលជាធរមាននៅម៉ោង១២យប់កាលពីថ្ងៃទី២៨ ខែកក្កដា ឆ្នាំ២០២៥ ពិសេសមិនត្រូវចល័តកងទ័ពរបស់ខ្លួនរាប់ទាំងការដើរល្បាតទៅលើទីតាំងរបស់ភាគីម្ខាងទៀតឡើយ។

គួរឱ្យដឹងថា ក្នុងកិច្ចប្រជុំ GBC កន្លងទៅ ភាគីទាំងពីរ ក៏ព្រមព្រៀងគ្នាមិនប្រព្រឹត្តសក ម្មភាពបង្កហេតុណាមួយ ដែលនាំឱ្យមានភាពតានតឹងឡើងវិញផងដែរ រាប់ទាំងការមិនសាងសង់ ឬពង្រីកហេដ្ឋារចនាសម្ព័ន្ធយោធា ឬលេណដ្ឋានហួសពីដែនរបស់ខ្លួនឡើយ។ជាក់ស្តែងទាហ៊ានថៃវាមិនស្តាប់មិនគោរពធើប្រដាប់អីវា?។អានេះបានហៅថាខន្តីកំរឹតកំពូលហ្មង!៕