លោក Anutin ឡើងកាន់តំណែងជានាយករដ្ឋមន្ត្រីទី៣២របស់ថៃ ក្រោយទទួលបានការយល់ព្រមពីព្រះមហាក្សត្រ នាយករដ្ឋមន្ត្រីខ្មែរសាទរ

ប្រទេសថៃ៖ លោកអានុទីនឆាំវិរៈគុន( Anutin Charnvirakul )បានឡើងកាន់តំណែងជានាយករដ្ឋមន្ត្រីទី៣២របស់ថៃហើយ នៅថ្ងៃអាទិត្យ ទី៧ ខែកញ្ញា បន្ទាប់ពីទទួលបានការអនុម័តយល់ព្រម ពីព្រះមហាក្សត្រថៃ។ ទីភ្នាក់ងារសារព័ត៌មាន AFPបានឲ្យដឹងថាអគ្គលេខាធិការរដ្ឋសភាថៃ លោកអាផា​ស៊ូខានុត( Arpath Sukhanunth) បានអានព្រះរាជ្យក្រឹត្យរបស់ព្រះមហាក្សត្រក្នុងពិធីមួយនៅឯទីស្នាក់ការកណ្ដាលនៃគណបក្សភូមិចៃថៃរបស់លោក Anutin ក្នុងទីក្រុងបាងកក ដោយមានអត្ថន័យដូច្នេះថា «ព្រះមហាក្សត្របានអនុម័តយល់ព្រមឱ្យលោក Anutin ឡើងកាន់តំណែងជានាយករដ្ឋមន្ត្រីចាប់ពីពេលនេះតទៅ»។ចឹងភារកិច្ចបន្ទាប់គឺការរៀបចំគណរដ្ខមន្ត្រីដើម្បីទៅសុំព្ររាជក្រត្យតែងតាំងរាជរ្ដឋាភិបាលពីព្រះមហាក្សត្រ។ 

បន្ទាប់ពីទទួលបានព្រះរាជក្រឹត្យទទួលស្គាល់ជានាយករដ្ឋមន្រ្តីទី៣២​របស់ថៃនាយករដ្ឋមន្ត្រីកម្ពុជាបានចេញលខិតអបអរសាទរលោកអនុធិន ឆានវីរ៉ៈគូណ (อนุทิน ชาญวีรกูล)​ !ដោយសង្ឃឹមថារដ្ឋាភិបាលថ្មីរបស់ថៃដែលអាចមានអាយុត្រឹម៤ខែនឹងសម្រួលដោះស្រាយបញ្ហា!

តាមកាសែតថៃបានឲ្យដឹងថា:លោកអនុធិន ឆានវីវៈគូណ ឈ្មោះហៅក្រៅ នូ (ប្រែថាកណ្តុរ) វ័យ៥៨ឆ្នាំ គឺជាកូនចៅចិនទៀជីវដែលមានដូនតាមកពីខេត្តក្វាងទុងមហាយក្សចិន។ ក្រៅពីជំនួញដ៏ជោគជ័យ ក្រុមគ្រួសារលោកអនុធិនក៏ជាអ្នកនយោបាយដ៏មានឥទ្ធិពលផងដែរ ដោយឪពុករបស់លោកធ្លាប់ជាឧបនាយករដ្ឋមន្រ្តី និងរដ្ឋមន្រ្តីជាច្រើនក្រសួង។

លោកអនុធិនបានបញ្ចប់ការសិក្សាពីសាកលវិទ្យាល័យ Assumption ដែលជាសាលា អន្តរជាតិល្បីបំផុតនៅស្រុកថៃ ហើយទទួលបានសញ្ញាបត្រ​អនុបណ្ឌិតផ្នែកវិស្វកម្ម Engineering Industry ពី សាកលវិទ្យាល័យ Hofstra នៅបុរីញូវយ៉ក ហើយក៏បានធ្វើការជាវិស្វករនៅក្នុងក្រុមហ៊ុន Mitsubishi នៅសហរដ្ឋអាម៉េរិក។ លោកបានធ្វើការនៅក្នុងវិស័យឯកជនដែលជាធុរកិច្ចរបស់ក្រុមគ្រួសារលោកផ្ទាល់ដូចជាក្រុមហ៊ុន Sino-Thai Engineering & Construction, ក្រុមហ៊ុន Thai Solarមុនពេលចូលប្រឡូកនយោបាយ ។ បណ្តាក្រុមហ៊ុនរបស់លោកអនុធិនគឺសុទ្ធតែធំៗលំដាប់មហាជន ហើយទទួលម៉ៅការគម្រោងរបស់រដ្ឋាភិបាលថៃធំៗគ្រប់ជំនាន់ ដែលក្នុងនោះមានគម្រោងសាងសង់ព្រលានយន្តហោះសុវណ្ណភូមិ សាងសង់បណ្តាផ្លូវល្បឿនលឿនជាច្រើនខ្សែ និងជាពិសេសរថភ្លើងក្រោមដី(MRT) ជាច្រើនខ្សែ ។ល។

ចូលប្រឡូកនយោបាយ ដំបូងលោកអនុទីនបានចូលរួមជាមួយ នឹងក្រុមរបស់លោកថាក់ស៊ីន ស៊ីនណាវ៉ាត់ អតីតនាយករដ្ឋមន្រ្តី ។ប៉ុន្តែនៅឆ្នាំ២០០៦ លោកត្រូវតុលាការធម្មនុញ្ញកាត់ទោសឲ្យផ្អាកធ្វើនយោបាយរយពេល៥ឆ្នាំ។ នៅពេលចូលនយោបាយវិញក្នុងឆ្នាំ២០១២ លោកបានចូលរួម និងធ្វើជាប្រធានគណបក្សភូមិចៃថៃ (មោទនភាពថៃ) បង្កើតដោយលោកណេវីន ឈីតឆប ដែលជាម្ចាស់ក្លិបបាល់ទាត់ Burirum United និងម្ចាស់ទីលានប្រណាំងរថយន្តលំដាប់ F1 នៅខេត្តបុរីរម្យ។ ភាគច្រើនគណបក្សភូមិចៃថៃជាគណបក្សឱកាសនិយមតែងតែនៅខាង ភាគីរដ្ឋាភិបាលចម្រុះ ។លោកអនុធិនធ្លាប់ត្រូវតតែងតែកាន់តំណែងជារដ្ឋមន្រ្តីជាច្រើនក្រសួង ហើយអ្វីដែលគួរឲ្យកត់សម្គាល់បំផុតគឺរដ្ឋមន្រ្តីក្រសួងសុខាភិបាលក្នុងសម័យកូវីដ១៩ និងចុងក្រោយបំផុតគឺជាឧបនាយករដ្ឋមន្រ្តី និងរដ្ឋមន្រ្តីក្រសួងមហាផ្ទៃរដ្ឋាភិបាលភឿថៃ។

កាលពីបោះឆ្នោតឆ្នាំ២០២៣ គណបក្សភូមិចៃថៃ បានប្រើយុទ្ធសាស្រ្តប្រើប្រាស់កញ្ឆាសេរី ជាយុទ្ធនាការឃោសនាបោះឆ្នោត ហើយទទួលបាន​៧០អាសនៈ លំដាប់ទី៣ និងបានចូលរួមនៅក្នុងរដ្ឋាភិបាលចម្រុះដែលដឹកនាំដោយគណបក្សភឿថៃ។

ក្រោយព្រឹត្តិការណ៍បែកធ្លាយសម្លេងសន្ទនាតាមទូរស័ព្ទរវាងលោកស្រីផែថងថាន ស៊ីនណាវ៉ាត់់ អតីតនាយករដ្ឋមន្រ្តី ជាមួយសម្តេចតេជោ ហ៊ុន សែន លោកអនុធិន បានដកខ្លួនចេញពី រដ្ឋាភិបាលចម្រុះ មកធ្វើជាបក្សប្រឆាំងវិញ។ការដកខ្លួននេះសម្តេចតេជោហ៊ុនសែនទស្សទាយកាលពីថ្ងៃទី២៦មិថុនាថារដ្ឋាភុបាលលោកស្រីផឺថងថានឹងមានអាយុត្រឹម៣ខែ។

នាថ្ងៃទី០៥ ខែកញ្ញា ឆ្នាំ២០២៥ លោកអនុធិនបានចងសម្ពន្ធភាពជាមួយគណបក្សប្រជាជនដែលមានសម្លេង១៤០អសន:ក្នុងសភា ត្រូវបានបោះឆ្នោតឲ្យឡើងធ្វើជានាយករដ្ឋមន្រ្តីទី៣២របស់រដ្ឋាភិបាលសម្លេងភាគតិចរបស់ថៃ។

លោកអនុធិន ធ្លាប់រៀបការចំនួន៣ដង ហើយមានកូនពីរនាក់។ បច្ចុប្បន្នភរិយារបស់លោក គឺជាស្រីស្អាតវ័យ៣៨ឆ្នាំ ម្ចាស់ហាងកាហ្វេល្បីឈ្មោះនៅថៃ ឈ្មោះចាចា សុផាណាន់ ដែលទើបតែរៀបការកាលពីឆ្នាំ២០២២។ ចំពោះចំណូលចិត្តផ្ទាល់ខ្លួនរបស់អនុធិន លោកចូលចិត្តខ្លាំងខាងការបើកយន្តហោះដូចជាធ្លាប់បានបើកយន្តហោះផ្ទាល់ខ្លួនដឹកជញ្ជូនសរីរៈមនុស្សក្នុងប្រយោជន៍វិស័យវេជ្ជសាស្រ្តឲ្យដល់កាកបាទក្រហម។ ក្រៅពីនោះលោកគឺជាអ្នកចូលចិត្តសន្សំវត្ថុបុរាណពិសេសពុទ្ធបដិមាហើយក៏ដូចជាផ្នែកតន្រ្តី និងកីឡា។

បើនិយាយទ្រព្យសម្បត្តិលោកអនុធិន លោកគឺជាមហាសេដ្ឋី ដោយភាគច្រើនគេហៅលោកថា សៀនូ។ អង្គភាពប្រឆាំងអំពើពុករលួយថៃបានរាយការណ៍អំពីទ្រព្យសម្បត្តិសរុបរបស់លោកមានចំនួនជាង ៤ពាន់លានបាត ហើយលោកមានយន្តហោះផ្ទាល់ខ្លួនចំនួន៤គ្រឿង ព្រមទាំងជាអ្នកនិយមប្រើប្រាស់រថយន្ត Roll Royce។ចឹងនាយករដ្ឋមន្ត្រីថៃម្នាក់សុទ្ធតែជាសេដ្ឋីនិងមានការប្រយុទ្ធតស៊ូក្នុងឆាកនយោបានមិនមែនឡើងមកឆៅៗទេ!