មាន​សកម្មភាព​លួច​ដឹកទំនិញ​គេចពន្ធ​ពី​ប្រទេស​ថៃ​ចូល​តាម​ច្រក​កោះកុង​!

​ខេត្តកោះកុង ៖ សម​ត្ត​កិច្ច​ខេត្តកោះកុង​បាន​បង្ក្រាប​ទូក​មួយគ្រឿង​ដឹកទំនិញ​គេចពន្ធ​ពី​ប្រទេស​ថៃ ដោយ​ឃាត់​ចាប់​មនុស្ស​២​នាក់​ក្នុងនោះ​មាន​ជនជាតិ​ថៃ​ម្នាក់​និង​ជនជាតិខ្មែរ​ម្នាក់ ដែល​ស​ង្ស​យ័​ថា​ជាប់​ពាក់​ព​ន្ធ័ បន្ត​តាម​នីតិវិធី​ច្បាប់​។​
​សមត្ថកិច្ច​ឲ្យ​ដឹងថា ក្នុង​ទូក​ដឹកជញ្ជូន​ទំនិញគេចពន្ធ​ពី​ប្រទេស​ថៃ ចូលមក​ខេត្តកោះកុង​នេះ មានដូចជា​ត្រី បង្គា​មឹក ក្តាមថ្ម​សក ខ្យង និង​ចាក់ច្រែង ដែល​មិនបាន​បង់ពន្ធ​គយ ហើយ​ត្រូវបាន​នគរបាល​ការពារ​ព្រំ​ដែនទឹក បង្ក្រាបបាន​ភ្លាមៗ​អំឡុងពេល​ប្រុង​ឡើង​ទំនិញ​ពី​ទូក កាលពី ថ្ងៃទី​២០​សីហា​២០២៥​។​ 

​លោក ឈិ​ត រតនៈ អភិបាលរង​ខេត្តកោះកុង បាន​ឲ្យ​ដឹងថា ក្រៅពី​ឃាត់​ទំនិញគេចពន្ធ សមត្ថកិច្ច​ក៏​ឃាត់​បាន​ជន​ស​ង្ស​យ័​២​នាក់ ទី​១៖ ឈ្មោះ ឈិ​ត ទុំ ជនជាតិខ្មែរ និង​ទី​២៖ ឡ​ន់ ប៉ែង ជនជាតិ​ថៃ រួម​និង​វត្ថុតាង មាន​ទូក​កន្ទុយ​វែង ០១​គ្រឿង និង​ទំនិញគេចពន្ធ​នៅ​ចំណុច​ព្រែ​កកោះ​យ៉​។​​ក្រោយពី​ត្រួតពិនិត្យ​ឃាត់​បាន​រួចរាល់ ប្រធាន​គណៈកម្មការ​ត្រួត​ពិនិត្យ​ការដឹកជញ្ជូន​ទំនិញ​ក្នុងភូមិ​សាស្ត្រ​ខេត្តកោះកុង និង​សមត្ថកិច្ច​ជំនាញ​ប្រគល់ជូន​មន្ត្រី​សាខាគយ និង​រដ្ឋាករ​ខេត្ត បន្ត​ស៊ើបអង្កេត​អនុវត្ត​នីតិវិធី​ច្បាប់​ទំនិញគេចពន្ធ​មកពី​ថៃ ។​សូមបញ្ជាក់ថាការបិទព្រុំដែនដែលបង្កឡើងដោយសង្គ្រាមកម្ពុជាថៃបានធ្វើប្រជាពលរដ្ឋនៅតាមព្រុំដែនជួបបញ្ហាជីវភាពដែលពួកគាត់បង្ខំចិត្តប្រព្ថឹត្តសកម្មភាពល្មើសច្បាប់។ 
​