វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2704 នាក់
ម្សិលមិញ 6677 នាក់
សរុប 14150280 នាក់
ព្រះសីហនុ ៖ក្រុងព្រះសីហនុ ក្រុម១៣ ភូមិ៤ សង្កាត់៤ នៅតាមបណ្តាយផ្លូវ២ធ្នូ នៅមុខឆ្នេរសុខាឃើញមានសាឡង់បូមខ្សាច់ចំនួន៣ធំៗកំពុងបូមខ្សាច់យកទៅលក់។នៅឆ្នេរអូរឈើទាលក៍មានសាឡង់បូមខ្សាច់មួយដែរ.។បន្តិចទៀតនិងមានកាចាក់ដីបំពេញនៅតាមមាត់ច្រាំងនានាដោយសារដីនៅខេត្តព្រះសីហនុឡើងតម្លៃស្រឺតៗគួឲ្យភ្ញាក់ផ្អើល។
អ្នកខេត្តសីហនុនិយាយថា៖ដោយសារអភិវឌ្ឍន៍ទាំងលើគោកនិងក្នុងទឹកគ្មានសេសសល់អីទៀតទេអ្នកភូមិដែលរស់នៅទំនប់រលកលើកឡើងថាបោះឆ្នោតរួចប្រជាជនដែលរស់នៅទំនប់រលកដែលធ្វើផ្ទះរស់នៅលើទឹកនិងត្រូវដេញចេញទាំងអស់ ពីព្រោះចិនទិញយកអស់ហើយគ្មានកន្លែងណាសេសសល់ទៀតទេ។ នៅដើមឆ្នាំ ២០១៩ ក្រុមហ៊ុន Asia Pacific Finance Free Trade Zone Development Co,Ltd មកពីប្រទេសចិននឹងបង្កើតតំបន់សេដ្ឋកិច្ចពិសេសលើទីតាំងដែលមានសក្ដានុពលនោះស្ថិតក្នុងស្រុកស្ទឹងហាវ ខេត្តព្រះសីហនុ ដែលចំនាយទុន១០០ប៊ីលានដុល្លារ លើផ្ទៃដីទំហំ ៣០០០ហិកតា។
លោក ជីន ឡុង ប្រធានក្រុមហ៊ុន Asia Pacific Finance Free Trade Zone Development Co,Ltd មកពីប្រទេសចិន បានឲ្យកាសែតដឹងថា កាលពីឆ្នាំ ២០១៧ក្រុមហ៊ុនដែលមានទីតាំងស្ថិតក្នុងឃុំ កែវផុស ស្រុក ស្ទឹងហាវ ខេត្តព្រះសីហនុនេះត្រូវបានចុះបញ្ជីរជាផ្លូវការដោយរាជរដ្ឋាភិបាល។លោក ជីន ឡុង បញ្ជាក់ថា ការជ្រើសយកស្រុកស្ទឹងហាវដើម្បីវិនិយោគនេះ ព្រោះតំបន់នោះមានឆ្នេរខ្សាច់ និងកំពង់ផែ ដែលងាយស្រួលក្នុងការដឹកជញ្ជូន និងផលិតផងដែរ។
លោក បានបញ្ជាក់ថា ពីផលប្រយោជន៍ដល់កម្ពុជាក្រោយការវិនិយោគនេះថា នឹងផ្តល់នូវកំណើនសេដ្ឋកិច្ច ក៏ដូចជា ឱកាសការងារជូនប្រជាពលរដ្ឋខ្មែរផងដែរ។សូមបញ្ជាក់ថា៖ជនបរទេសកំពុងស្នាក់ និងប្រកបអាជីវកម្មនៅខេត្តព្រះសីហនុមានមិនតិចជា ១៥ សញ្ជាតិនោះទេ ដូចជា អាឡឺម៉ង់ អ៊ីតាលី ហ្វីលីពីនទួកគី អូស្ត្រាលី ឥណ្ឌា ឥណ្ឌូនេស៊ី អ៊ីស្រាអែល ជប៉ុន បារាំង ចិន រុស្សី អាមេរិក អង់គ្លេស និងកូរ៉…។ នៅក្នុងនោះដែលយើងសង្តេតឃើញថាជនជាតិចិនមានចំនួនច្រើនជាងគេ ហើយប្រកបអាជីវកម្មដូចជា កាត់សក់ លក់គ្រឿងសំណង់ ម្ហូបអាហារ បន្លែ និងផ្លែឈើ ប្តូរប្រាក់ និងអាហារដ្ឋាន និងអ្នកជំនួញធំៗដែលធ្វើឲ្យអាជីវករខ្មែរតូចតាចបាត់បងមុខរបរ។
មានការវាយតម្លៃពីអ្នកវិភាគថា៖ការសម្រេចមកវិនិយោគបង្កើតតំបន់សេដ្ឋកិច្ចពិសេសនៅកម្ពុជារបស់ក្រុមចិនគឹដោយសារមានការផ្ដួចផ្ដើមរបស់ប្រធានាធិបតីមួយជិវិតរបស់ចិនលោក ស៊ី ជិនពីង។
ភូមិសាស្ត្រខេត្តព្រះសីហនុរបស់កម្ពុជាជាទីតាំងមានអំណោយផលល្អ សម្រាប់ជំរុញគោលនយោបាយ«ផ្លូវមួយ ខ្សែរក្រវ៉ាត់» ទទួលបានជោគជ័យ។ និងជាទីតាំងផ្លូវទឹកដ៏មានសក្តានុពលផ្តល់នូវវត្ថុធាតុដើមទៅចិន និងត្រឡប់មកវិញនូវផលិតផលសម្រេចលើទីផ្សារអាស៊ី និងតំបន់អឺរ៉ុប»។
បន្ថែមពីលើនេះ គម្រោងសំខាន់មួយទៀត ជាមួយរដ្ឋាភិបាលថៃ រៀបចំជីកព្រែកចន្លោះភូគេត និងម៉ាឡេស៊ី បង្កភាពងាយស្រួលក្នុងការដឹកជញ្ចូនទំនិញផ្លូវកាត់ ពីកំពងផែព្រះសីហនុទៅកាន់ប្រទេសចិន មិនបាច់ឆ្លងកាត់សិង្ហបុរីដូចមុន ធ្វើឲ្យតម្លៃនៃការដឹកជញ្ចូនទាប ងាយស្រួលប្រកួតប្រជែងជាមួយប្រទេសដទៃ។ទោះបីជាយ៉ាងណា គុណវិបត្តិនៃការវិនិយោទុនចិនក៏មានច្រើនដែរនោះគឺកម្ពុជាប្រទេសរណបសេដ្ឋកិច្ចរបស់ចិន ដែលទាមទារឲ្យម្ចាស់ស្រុកទាំងពលរដ្ឋ និងរដ្ឋាភិបាលត្រូវចាត់វិធានការច្បាស់លាស់ដោះស្រាយបញ្ហានេះនាពេលខាងមុខ។