បណ្តាញពត៍មានឆោឡោរឿងកងទ័ពថៃអាច នឹងបើកការវាយប្រហារកម្ពុជាសាជាថ្មីបើទោះបីក្រសួងការពារជាតិលើកពីបំរាមនៃកិច្ចព្រមព្រៀងឈប់បាញ់ក៏ដោយ!?
06-August-2026 / សន្តិសុខសង្គម
ភ្នំពេញ៖បណ្តាញសង្គមធំៗនិងកាសែតនានាពិសេសហ្វ្រេសនីវនៅរសៀលនេះបានចេញពត៍មានប្រកាសឆោឡោថាថៃអាចនិងវាយកម្ពុជាសាជាថ្មីក្នុងពេលដែលក្រសួងការពារជាតិបានត្រឹមអំពាវនាវឲ្យថៃគោរពកិច្ចព្រមព្រៀងឈប់បាញ់។ករណីយថាអាចនឹងវាយខ្មែរសាថ្មីទៀតនេះគឺយោងតាមប្រភពព័ត៌មានដែលទុកចិត្តបានរាយការណ៍ឲ្យដឹងថា នៅវេលាម៉ោង១០៖០០នាទីព្រឹកថ្ងៃទី១៣ ខែសីហា ឆ្នាំ ២០២៥ អាជ្ញាធរថៃ បានធ្វើការបិទសាលារៀន និងឱ្យកូនសិស្សវិលត្រឡប់ទៅផ្ទះវិញ ដើម្បីត្រៀមធ្វើការជម្លៀសប្រជាពលរដ្ឋដែលរស់នៅក្នុងភូមិដាន ឃុំដាន ស្រុកកាប់ជើង ខេត្តសុរិន្ទ ទៅទីកន្លែងមានសុវត្ថិភាព។
យោងតាមព័ត៌មានខាងលើនាំឲ្តយមានការស្និដ្ខានថា កងទ័ពថៃបានគ្រោងនឹងវាយប្រហារមកលើកម្ពុជានៅយប់ថ្ងៃទី១៣ និងព្រឹកថ្ងៃទី១៤ ខែសីហា ឆ្នាំ២០២៥ ។កងទ័ពថៃបានចល័តកម្លាំងទ័ព និងសព្វាវុធជាច្រើនចូលមកក្នុងតំបន់ព្រំដែនកម្ពុជាថៃ ក្នុងនោះមានរថក្រោះជាច្រើនគ្រឿង ដើម្បីធ្វើសកម្មភាពឈ្លានពានដោយប្រដាប់អាវុធសាជាថ្មីមកលើបូរណភាពទឹកដីកម្ពុជា។សម្រាប់ពត៍មានខាងលើនេះនៅម៉ោង៦:១០ នាទីល្ងាចថ្ងៃពុធ ទី១៣ ខែសីហា៖ អ្នកនាំពាក្យរដ្ឋាភិបាលថៃបានចេញមកអះអះអាងថាយោធភូមិភាគ២របស់ថៃមិនបានប្រាប់ពលរដ្ឋឲ្យចាកចេញពីតំបន់សម្រាប់ការត្រៀមប្រយុទ្ធទេ។ពត៍មានខាងលើជាពត៍មានក្លែងក្លាយ។បើចឹងមែនយូៗទៅការផ្សាយចឹងៗនិងសាបខ្លួនឯងមិនខាន។
សូមបញ្ជាក់ថាមុននឹងមានការសន្និដ្ឋានថាថៃអាចនិងវាយខ្មែរសាជាថ្មីបន្ទាប់ពីអាមេរិកបង្ខំឲ្យភាគីទាំងពីរឈប់បាញ់នៅកណ្តាលអាទ្រាធថ្ងៃទី២៨កក្កដាបន្ទាប់ពីបានបាញ់គ្នា៥ថ្ងៃនោះគឺថៃបានយកមូលហេតុទាហ៊ានថៃដើជាន់មីនរបួសដើម្បីចោទកម្ពុជានិងធ្វើសកម្មភាពរបងលួសពទ្ធ័យកដីខ្មែរជាដើម។សម្រាប់ក្រសួងការពារជាតិវិញបានចាត់ទុកទង្វើខាងលើគឺបង្ហាញ ភាគីថៃបានរំលោភបំពានយ៉ាងធ្ងន់ធ្ងរម្តងហើយម្តងទៀតលើបទឈប់បាញ់ ដែលសម្រេចបានក្នុងកិច្ចប្រជុំពិសេសនាថ្ងៃទី២៨ ខែកក្កដា ឆ្នាំ២០២៥ និងចំណុចសម្រេចក្នុងកិច្ចប្រជុំវិសាមញ្ញរបស់គណៈកម្មាធិការព្រំដែនទូទៅ GBC កាលពីថ្ងៃទី៧ ខែសីហា ឆ្នាំ២០២៥ នៅប្រទេសម៉ាឡេស៊ី។
ថ្លែងនៅក្នុងសេចក្តីសង្ខេបព័ត៌មានប្រចាំថ្ងៃស្តីពី «លទ្ធផលនៃការអនុវត្តបទឈប់បាញ់រវាងកម្ពុជា-ថៃ» នៅម៉ោង៤:០០រសៀលថ្ងៃទី១៣ ខែសីហា ឆ្នាំ២០២៥ លោកស្រីឧត្តមសេនីយ៍ឯក ម៉ាលី សុជាតា អ្នកនាំពាក្យក្រសួងការពារជាតិ បានថ្លែងថា នៅថ្ងៃទី ១២-១៣ ខែសីហា ឆ្នាំ២០២៥ កងកម្លាំងប៉ារ៉ាថៃ និងតម្រួតព្រំដែនថៃប្រដាប់ដោយអាវុធធ្វើសកម្មភាពចូលមកត្រួតពិនិត្យនៅទល់មុខច្រកជោគជ័យ និងបានរាយលួសបន្លា ព្រមទាំងដាក់កង់ឡាននៅភូមិជោគជ័យ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ នៅក្នុងទិសទី១ យោធភូមិភាគទី៥។
លោកជំទាវឧត្តមសេនីយ៍ឯក ម៉ាលី សុជាតា បានថ្លែងបន្តថា កម្ពុជាទាមទារឱ្យភាគីថៃបញ្ឈប់ជាបន្ទាន់ និងដោយគ្មានលក្ខខណ្ឌនូវរាល់សកម្មភាពដែលរំលោភបំពានបទឈប់បាញ់ព្រមទាំងស្មារតីនៃការឯកភាពគ្នានៅក្នុងកិច្ចប្រជុំវិសាមញ្ញគណៈកម្មាធិការព្រំដែនទូទៅកម្ពុជា-ថៃ (GBC) ជាពិសេសត្រង់ចំណុចទី២ និងទី៤ ដែលបានចែងថា ភាគីទាំងពីរបានព្រមព្រៀងគ្នារក្សាកម្លាំងយោធារបស់ខ្លួន នៅក្នុងទីតាំងបច្ចុប្បន្នដោយមិនអនុញ្ញាតឱ្យផ្លាស់ទីហួសពីទីតាំងដែលខ្លួនបានឈរជើងក្នុងពេលកិច្ចព្រមព្រៀងបទឈប់បាញ់បានចូលជាធរមាននៅម៉ោង ១២អាធ្រាត ម៉ោងក្នុងតំបន់ កាលពីថ្ងៃទី ២៨ ខែកក្កដា ឆ្នាំ២០២៥ ឡើយ។
ភាគីទាំងពីរមិនត្រូវចល័តកងទ័ពរបស់ខ្លួន រាប់បញ្ចូលទាំងការដើរល្បាតចូលទៅទីតាំងភាគីម្ខាងទៀតឡើយ និងភាគីទាំងពីរបានឯកភាពគ្នាមិនប្រព្រឹត្តសកម្មភាពបង្កហេតុណាមួយដែលអាចនាំឱ្យមានភាពតានតឹង ក្នុងនោះរួមមាន៖ ការធ្វើសកម្មភាពយោធាក្នុងដែនអាកាស បូរណភាពទឹកដី ឬទីតាំងរបស់ភាគីម្ខាងទៀត នៅពេលបទឈប់បាញ់ចូលជាធរមាននៅម៉ោង ២៤:០០ នាទីម៉ោងក្នុងស្រុក នៅថ្ងៃទី២៨ ខែកក្កដា ឆ្នាំ២០២៥។ ភាគីទាំងពីរបានឯកភាពគ្នាមិនធ្វើការសាងសង់ ឬពង្រីកហេដ្ឋារចនាសម្ព័ន្ធយោធា ឬលេណដ្ឋានឱ្យហួសពីទីតាំងរបស់ខ្លួនឡើយ។
ទន្ទឹមនោះផងដែរ លោកជំទាវឧត្តមសេនីយ៍ឯក បានថ្លែងបញ្ជាក់ថា ស្របតាមការឯកភាពគ្នាក្នុងអនុស្សរណៈឆ្នាំ២០០០ ( MOU 2000) ដោយគោរពឱ្យបានម៉ឹងម៉ាត់តាមខ្លឹមសារមាត្រា ៥ ត្រូវរក្សាស្ថានភាពដដែល ហាមធ្វើសកម្មភាពណាមួយដែលនាំឱ្យប្រែប្រួលបរិស្ថាននៃតំបន់ព្រំដែន ហើយចំពោះតំបន់ណាដែលមិនទាន់មានការឯកភាពគ្នាត្រូវរង់ចាំការចរចា ការដោះស្រាយរបស់គណៈកម្មាធិការចម្រុះខណ្ឌសីមា និងបោះបង្គោលព្រំដែនគោក កម្ពុជា-ថៃ (GBC) ដែលឯកភាពគ្នាអនុវត្តឱ្យបានពេញលេញ៕ប៉ុន្តែបើតាមការសង្កេតខាងលើបង្ហាញថាថៃមិនស្តាប់ការលើកឡើងរបស់កម្ពុជាទេ?។
