សង្ឃនិងពុទ្ធបរិសទ័ពុទ្ធសានាមិទ្ទីងដង្ហែក្បួនព្យុហយាត្រាស្រឡាញ់សន្តិភាព
ភ្នំពេញ ៖ ព្រះសង្ឃ និងពលរដ្ឋខ្មែរ នៅសហរដ្ឋអាមេរិក មកពីជាង៣០រដ្ឋ បានធ្វើធម្មយាត្រាដើម្បីសន្តិភាព និងថ្លែងសារដាក់ញត្តិនៅឯសាលាក្រុងរដ្ឋមិនីសុតា ស្នើសុំភាគីថៃ គោរពបទឈប់បាញ់ និងដោះលែងជាបន្ទាន់ នូវវីរកងទ័ពខ្មែរទាំង១៨នាក់។
ដោយឡែកនៅកម្ពុជានានៅថ្ងៃចន្ទ ទី១១ ខែសីហា ឆ្នាំ២០២៥ នាយឧត្តមសេនីយ៍សាស្ត្រាចារ្យ ឯក មនោសែន អនុប្រធានទី១ ក្រុមការងាររាជរដ្ឋាភិបាលចុះមូលដ្ឋានស្រុកស្វាយអន្ទរ ខេត្តព្រៃវែង តំណាងដ៏ខ្ពង់ខ្ពស់ ឯកឧត្តមនាយឧត្តមសេនីយ៍សាស្ត្រាចារ្យ សេង ផល្លី ប្រធានក្រុមការងាររាជរដ្ឋាភិបាលចុះមូលដ្ឋានស្រុកស្វាយអន្ទរ បានដឹកនាំក្រុមការងាររាជរដ្ឋាភិបាលចុះមូលដ្ឋានស្រុកស្វាយអន្ទរ និងក្រុមការងាររាជរដ្ឋាភិបាលចុះមូលដ្ឋានឃុំនានាចំណុះស្រុកស្វាយអន្ទរ ចូលរួមជាមួយព្រះអនុគុណស្រុក ព្រះសង្ឃ តាជី យាយជីតាមបណ្តាវត្តចំណុះស្រុក អភិបាលរងខេត្ត ក្រុមប្រឹក្សាស្រុក ថ្នាក់ដឹកនាំមន្ត្រីរាជការនៃរដ្ឋបាលស្រុកស្វាយអន្ទរ និងអង្គភាពចំណុះ គណៈបញ្ជាការឯកភាពស្រុក ក្រុមប្រឹក្សាឃុំ អាជីវករ ប្រជាពលរដ្ឋ លោកគ្រូ អ្នកគ្រូ សិស្សានុសិស្ស យុវជនកាកបាទក្រហម យុវជនកាយរិទ្ធិ ប្រមាណ ៩០២៨នាក់ ដង្ហែក្បួនព្យុហយាត្រាស្រឡាញ់សន្តិភាព ពីរដ្ឋបាលស្រុកស្វាយអន្ទរទៅរង្វង់មូលស្រុកស្វាយអន្ទរ។
គោលបំណងនៃព្រឹត្តិការណ៍ «ព្យុហយាត្រាស្រឡាញ់សន្តិភាព» ដ៏ឱឡារិកនេះ គឺដើម្បីគោរពដល់វិញ្ញាណក្ខន្ធកងកម្លាំងស្នេហាជាតិដែលបានពលីនិងបួងសួងសុំសេចក្តីសុខចម្រើនដល់ប្រទសជាតិទាំមូល។ព្រឹត្តិការណ៍នេះ មានការអបអរសាទរ គាំទ្រពីសំណាក់ប្រជាពលរដ្ឋតាមគេហដ្ឋាននីមួយៗ ដោយបងប្អូនបានជួយផ្តល់កម្លាំងចិត្ត ឧបត្ថម្ភភេសជ្ជៈ និងអាហារដល់បងប្អូនដែលហែក្បួនយ៉ាងសស្រាក់សស្រាំ ផងដែរ។
អភិបាល រាជធានីភ្នំពេញ លោក ឃួង ស្រេង បានគូសបញ្ជាក់ថា ក្បួនធម្មយាត្រាសន្តិភាព របស់គណៈសង្ឃនាយកកម្ពុជា ធ្វើឡើងដើម្បីបង្ហាញឱ្យអន្តរជាតិ បានឃើញថា គ្រប់ភាគីពាក់ព័ន្ធទាំងអស់ នៅកម្ពុជា ទាំងព្រះសង្ឃ ទាំងគ្រហស្ថ ត្រូវការសន្តិភាព ការរីកចម្រើន និងស្ថិរភាពដោយមិនត្រូវការសង្គ្រាមឡើយ ។ក្នុងដំណើរធម្មយាត្រាសន្តិភាព ដែលនិមន្តចេញដំណើរ ពីរមណីដ្ឋានប្រវត្តិសាស្ត្រវត្តភ្នំ ឆ្ពោះទៅ វិមានឯករាជ្យ នារសៀលថ្ងៃទី១០ ខែសីហា ឆ្នាំ២០២៥នេះ ។
លោក ឃួង ស្រេង បានបន្ថែមថា ព្រះសង្ឃ ក៏មានការភ័យខ្លាច ការបាត់បង់សន្តិភាព ធ្វើឱ្យប៉ះពាល់ដល់ព្រះពុទ្ធសាសនា ក៏ដូចជាប្រជាពលរដ្ឋពុទ្ធបរិស័ទ របស់ព្រះអង្គ ដូចនេះ ទើបគណៈសង្ឃនាយក បិណ្ឌបាតទៅរាជរដ្ឋាភិបាល សុំធ្វើធម្មយាត្រាសន្តិភាព សុំសន្តិភាព និងសុំការដោះលែងចំណាំក្មាំង ដែលមានអរិភាពជាមួយគ្នាកន្លងមកនេះ។លោកឃួង ស្រេង មានប្រសាសន៍ថា “ការធ្វើនេះ ដើម្បីបង្ហាញឱ្យអន្តរជាតិបានឃើញថា គ្រប់ភាគីពាក់ព័ន្ធទាំងអស់ នៅក្នុងព្រះរាជាណាចក្រកម្ពុជា ទាំងព្រះសង្ឃ ទាំងគ្រហស្ថ ទាំងសាសនិក ឬកាតូលិក ឥស្លាមសាសនា ដែលជាប្រជានុរាស្ត្រ នៃព្រះរាជាណាចក្រកម្ពុជា ត្រូវការសន្តិភាព ត្រូវការការរីកចម្រើន ត្រូវការការរស់នៅមួយ ដែលមានស្ថេរភាព ចឹងមិនត្រូវការសង្គ្រាមទេ” ។លោកអភិបាលរាជធានីភ្នំពេញ សូមឱ្យប្រជាពលរដ្ឋខ្មែរទាំងក្នុងនិងក្រៅប្រទេស ចូលរួមជាមួយរាជរដ្ឋាភិបាល ហើយត្រូវមានទំនុកចិត្ត ក្រោមការដឹកនាំរបស់សម្តេចតេជោ ហ៊ុន សែន និងសម្តេចធិបតី ហ៊ុន ម៉ាណែត ដែលអាចធានាបានថា ទឹកដីកម្ពុជា មិនបាត់មួយមីលីម៉ែត្រ ហើយក៏មិនត្រូវការទឹកដីអ្នកដទៃ មួយមីលីម៉ែត្រដែរ ។
.jpg&h=97&w=146)
