សន្លឹកបៀបញ្ចប់ជម្លោះកម្ពុជា-ថៃ របស់លោកប្រធានាធិបតី ដូណាល់ ត្រាំ គឺកិច្ចព្រមព្រៀងពាណិជ្ជកម្មរវាងអាមេរិកកម្ពុជ៉ាថៃ
21-September-2026 / ផ្សេងៗ
អាមេរិក៖ ប្រធានាធិបតីសហរដ្ឋអាមេរិក ដូណាល់ ត្រាំ បានលើកឡើងថា លោកបានប្រើប្រាស់កិច្ចចរចាពាណិជ្ជកម្ម ដើម្បីបញ្ចប់ជម្លោះលើប្រទេសកម្ពុជា និងថៃ ហើយទទួលបាននូវបទឈប់បាញ់។ នេះបើយោងតាមការចេញផ្សាយដោយ ទីភ្នាក់ងារសារព័ត៌មានអន្តរជាតិ និងបណ្តាញសង្គមនានាចេញផ្សាយនៅថ្ងៃទី២៩ ខែកក្កដា ឆ្នាំ២០២៥។
ក្នុងកិច្ចសម្ភាសន៍មួយកាលពីថ្ងៃចន្ទ លោក ដូណាល់ ត្រាំ បានពន្យល់ពីយុទ្ធសាស្ត្ររបស់លោកក្នុងការបញ្ចប់ជម្លោះកម្ពុជា-ថៃថា «ខ្ញុំបានប្រាប់ទៅប្រទេសថៃថា «យើងកំពុងចរចាកិច្ចព្រមព្រៀងពាណិជ្ជកម្ម ហើយខ្ញុំនឹងមិនព្រមព្រៀងទេ ប្រសិនបើអ្នកនៅតែបន្តប្រយុទ្ធគ្នា។ ហើយខ្ញុំក៏បាននិយាយជាមួយកម្ពុជាដោយខ្លឹមសារដូចគ្នានេះដែរ។ ក្នុងរយៈពេលមិនដល់មួយថ្ងៃផង យើងក៏បានដោះស្រាយបញ្ហានេះបានសម្រេច»។ការពិតមិនខុសទេព្រោះពេលដែលប្រទេសចិនបើទោះបីជាចិនមានទំនាក់ទំនងល្អ ជាមួយកម្ពុជានិងថៃចង់ ចូលរួមសម្របសម្រួលជម្លោះនេះប្រទេសថៃបានបដិសេធ។ក្នុងសារលើបណ្តាញសង្គម Truth Social នៅយប់ថ្ងៃទី២៨កក្កដា លោក ដូណាល់ ត្រាំ បានបង្ហាញមោទកភាព និងបានហៅខ្លួនឯងថាប្រធានាធិបតីនៃសន្តិភាព។ ក្នុង Truth Social ដដែលនេះ លោកដូណាល់ ត្រាំ បានអះអាងថា លោកបានបញ្ជាឱ្យមន្ត្រីក្រោមឱវាទចាប់ផ្តើមជជែករឿងពន្ធបដិការជាមួយកម្ពុជាឡើងវិញ។
ទោះបីជាបានអួតពីប្រធានាធិបតីក៏ដោយក៏លោក Casey Barnett ប្រធានសភាពាណិជ្ជកម្មអាមេរិកនៅកម្ពុជាបានប្រាប់វិទ្យុបារាំងអន្តរជាតិ Rfi នៅព្រឹកថ្ងៃទី២៩ ខែកក្កដាថា សហរដ្ឋអាមេរិកមិនទាន់អាចសម្រេចពន្ធបដិការសមហេតុសមផលជាមួយប្រទេសកម្ពុជា ឬប្រទេសថៃបានទេ។ តាមប្រធានសភាពាណិជ្ជកម្មអាមេរិកនៅកម្ពុជា ការសម្រេចចិត្តរបស់សហរដ្ឋអាមេរិកស្តីពីពន្ធបដិការជាមួយប្រទេសទាំង២ នឹងត្រូវពន្យារពេល រហូតដល់ការប្រយុទ្ធគ្នាត្រូវបានបញ្ឈប់ពិតប្រាកដ។បើចឹងចាប់ពីថ្ងៃទី១ ខែសីហា ឆ្នាំ២០២៥អត្រាពន្ធដ៏ខ្ពស់ចំនួន ៣៦ភាគរយទាំងថៃទាំងកម្ពុជា នឹងត្រូវចូលជាធរមាន។លោក ត្រាំ លើកឡើងថា ការកំណត់អត្រាពន្ធ៣៦ភាគរយចំពោះកម្ពុជានេះ មានវត្ថុបំណងចង់ឲ្យការធ្វើពាណិជ្ជកម្មរវាងប្រទេសទាំងពីរមានតុល្យការ និងយុត្តិធម៌។
កាលពីដើមខែកក្កដាប្រធានាធិបតីអាមេរិកពេលប្រកាសដាក់ពន្ធនិយាយថា អត្រាពន្ធ៣៦ភាគរយនេះ គឺតិចមែនទែន ពោលគឺតិចជាងអ្វីដែលត្រូវការដើម្បីផាត់ចោលភាពខុសគ្នានៃឱនភាពពាណិជ្ជកម្មដែលអាមេរិកមានជាមួយកម្ពុជា។ លោក ព្រមានថា បើកម្ពុជាសម្រេចដំឡើងពន្ធតបវិញដោយហេតុផលណាមួយ ក្នុងចំនួនណានោះ ចំនួននោះនឹងត្រូវរាប់បញ្ចូលបន្ថែមលើអត្រា៣៦ភាគរយដែលអាមេរិកយកពីកម្ពុជា។បើតាមលិខិតដដែលរបស់លោកត្រាំដែលត្រូវបានបង្ហោះលើបណ្តាញសង្គម Truth Social កាលនោះទំនិញទាំងឡាយណាដែលផ្ទេរចេញពីកម្ពុជា ដើម្បីគេចពន្ធក្នុងអត្រាខ្ពស់ នោះនឹងត្រូវអាមេរិកដាក់ពន្ធបន្ថែមក្នុងកម្រិតខ្ពស់មួយបើខ្លួនរកឃើញ។
សម្រាប់ការបញ្ជាក់របស់ប្រធានសភាពាណិជ្ជកម្មអាមេរិកនៅកម្ពុជា គឺបានកើតឡើងបន្ទាប់ពីកាសែតបរទេសមួយចំនួនបានរាយការណ៍ពីការផ្ទុះអាវុធជាថ្មីនៅតាមបន្ទាត់ព្រំដែនកម្ពុជា-ថៃ នៅព្រឹកថ្ងៃទី២៩ ខែកក្កដា ឆ្នាំ២០២៥នេះ។ ពោលគឺតែប៉ុន្មានម៉ោងប៉ុណ្ណោះ ក្រោយភាគីទាំង ២ យល់ព្រមបង្កើតបទឈប់បាញ់ ចាប់ពីម៉ោង ១២អាធ្រាត ឈានចូលថ្ងៃទី២៩ ខែកក្កដា ឆ្នាំ២០២៥។ តែកម្ពុជា តាមរយៈរដ្ឋមន្ត្រីក្រសួងការពារជាតិបានអះអាងនៅរសៀលថ្ងៃទី២៩ ខែកក្កដានេះថា គ្មានទេ ការប្រយុទ្ធគ្នារវាងកងទ័ពខ្មែរ និងកងទ័ពថៃ។គួររម្លឹកថា ក្រោមកិច្ចសម្របសម្រួលពីលោក អាន់វ៉ា អ៊ីប្រាហ៊ីម នាយករដ្ឋមន្ត្រីម៉ាឡេស៊ី និងការផ្តួចផ្តើមឡើងដោយលោក ដូណាល់ ត្រាំ ប្រធានាធិបតីសហរដ្ឋអាមេរិក ជំនួបចរចារវាងមេដឹកនាំកម្ពុជា លោក ហ៊ុន ម៉ាណែត និងនាយករដ្ឋមន្ត្រីស្តីទីថៃ លោក ភូមិថាំ វីឆាយ៉ាឆ័យ នៅប្រទេសម៉ាឡេស៊ី នៅថ្ងៃទី ២៨ ខែកក្កដា ឆ្នាំ២០២៥ អាចសម្រេចបានបទឈប់បាញ់បន្ទាន់នៅកណ្តាលអាទ្រាធថ្ងៃទី២៨កក្កដា ដើម្បីសន្តិភាព។
កាលពីថ្ងៃទី២៤ ខែមករា ឆ្នាំ២០២៥ លោកឧបនាយករដ្ឋមន្ត្រី រដ្ឋមន្ត្រីការបរទេសកម្ពុជាប្រាក់ សុខុននៅក្នុងពិធីលៀងសាយភោជន៍ ប្រារព្ធខួប៧៥ឆ្នាំនៃទំនាក់ទំនងការទូតកម្ពុជា-អាមេរិក នៅសារៈមន្ទីរជាតិថ្ងៃ បានថ្លែងអំណរគុណសហរដ្ឋអាមេរិកចំពោះកិច្ចសហប្រតិបត្តិការទូលំទូលាយជាមួយកម្ពុជា និងបានបញ្ជាក់ថាកម្ពុជាមានការ «ប្ដេជ្ញាចិត្តឥតងាករេ» ក្នុងការពង្រឹងចំណងមិត្តភាព ដើម្បីផលប្រយោជន៍ទៅវិញទៅមកនៃប្រទេសទាំងពីរ។
លោក ប្រាក់ សុខុន បានលើកឡើងពីការពេញចិត្តចំពោះទំនាក់ទំនងមិត្តភាពជាមួយសហរដ្ឋអាមេរិក «ដោយឈរលើគោលការណ៍គោរពគ្នាទៅវិញទៅមក» ព្រមទាំងរីករាយចំពោះសន្ទុះវិជ្ជមានក្នុងទំនាក់ទំនងទ្វេរភាគ នាឆ្នាំកន្លងទៅនេះ រាប់ចាប់តាំងពីវិស័យពាណិជ្ជកម្ម និងការតភ្ជាប់រវាងប្រជាជន និងប្រជាជន រហូតដល់ការបន្តកិច្ចសហប្រតិបត្តិការរវាងយោធា និងយោធា។ លោកក៏បានកត់សម្គាល់នូវការបញ្ជូនមកវិញនូវរតនសម្បតិ្តរបស់កម្ពុជាដែលត្រូវបានយកចេញពីកម្ពុជាកាលពីសម័យសង្គ្រាមផងដែរ។
សហរដ្ឋអាមេរិកបានបង្កើតទំនាក់ទំនងការទូត ដោយផ្ទាល់របស់ខ្លួនជាលើកតំបូង ជាមួយប្រទេសកម្ពុជា នៅថ្ងៃទី២៩ ខែមិថុនា ឆ្នាំ១៩៥០ ដោយបានតែងតាំងលោក Donald R. Heath អោយធ្វើជាតំណាងវិសាមញ្ញ និងពេញសមត្ថភាព។ លោក Heath បានថ្វាយសារតាំងទៅព្រះករុណាសម្តេចព្រះបាទនរោត្តមសីហនុ នៅថ្ងៃទី១១ ខែកក្កដា ឆ្នាំ១៩៥០។ ការិយាល័យតំណាងសហរដ្ឋអាមេរិក បានបើកនៅភ្នំពេញ នៅថ្ងៃទី១៤ ខែវិច្ឆិកាឆ្នាំដដែល ដោយយកសណ្ឋាគារឡឺរ៉ូយ៉ាល់ជាកន្លែងធ្វើការតំបូងរបស់ស្ថានទូត៕
