វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3074 នាក់
ម្សិលមិញ 6501 នាក់
សរុប 13951629 នាក់
រាជធានីភ្នំពេញ ៖ ទារិកាដែលត្រូវជនមិនស្គាល់មុខបានច្រកថង់ខ្មៅចងរិតយកទៅបោះប្លុងចោលក្នុងដីឡូត៍មួយកន្លែងកាលពីវេលាម៉ោងប្រមាណ៤រសៀលថ្ងៃទី២៩ ខែតុលា ឆ្នាំ២០១៨មានម្តាយថ្មីហើយ។
ទារិកាកម្សត់រូបនោះមានទង្ងន់២គីឡូកន្លះ ខ្លួនប្រាណប្រឡាក់សុទ្ធតែឈាម និងមានទងផ្សិតដែលមិនទាន់នឹងកាត់ចោលផងនោះត្រូវ បានជនមិនស្គាល់មុខច្រកថង់ខ្មៅយកទៅបោះចោលក្នុងដីឡូត៍មួយកន្លែងស្ថិតនៅក្នុងភូមិទី៤ សង្កាត់ច្រាំងចំរេះទី១ ខណ្ឌឬស្សីកែវបើកុំតែមានក្មេងឃើញប្រហែលស្លាប់បាត់ហើយ។ តាមលោកស្រី សាន់ វណ្ណា អាយុ៤៩ឆ្នាំ មានលំនៅផ្ទះលេខ៨៤០ ក្បែរកន្លែងកើតហេតុបានអោយដឹងថា បន្ទាប់ពីប្រទះឃើញទារិកានោះ គាត់ក៏បាននាំយកទៅសង្គ្រោះដោយលាងឈាមកាត់ទងផ្សិតចេញព្រមទាំងចាក់ថ្នាំការពារនៅមន្ទីរឯកជននៅក្បែរនោះ ។
លោកស្រីប្រាប់ថា កូនស្រីរបស់គាត់ឈ្មោះ សាន់ នីកា ដែលជាស្ត្រីម៉េម៉ាយអត់មានកូនក៏សម្រេចចិត្តទទួលយកទារិកានោះទុកចិញ្ចឹមដោយមានអាជ្ញាធរ និងសមត្ថកិច្ចដឹងឮពីរឿងនេះផងដែរ ។
តាមកាមរ៉ាសុវត្ថិភាពនៅក្បែរកន្លែងកើតហេតុបានបង្ហាញថា នៅវេលាម៉ោងប្រមាណ៣មានក្មេងស្រីអាយុប្រមាណ១២ឆ្នាំ បានជិះកង់យកក្មេងនៅទៅបោះចោល តែពុំមាននណាម្នាក់ចាប់អារម្មណ៍ឡើយ ។រហូតមកដល់ពេលនេះនគរបាលស្រាវជ្រាវរកពុំទាន់ឃើញឪពុកម្តាយបង្កើតក្មេងនោះនៅឡើយទេ ។