វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 523 នាក់
ម្សិលមិញ 6243 នាក់
សរុប 16966744 នាក់
ខេត្តឧត្តរមានជ័យ : នៅព្រឹកថ្ងៃទី២៣ខែមេសា ឆ្នាំ២០២៥ នៅចំណុចច្រកទ្វារព្រំដែនអន្តរជាតិ អូរស្មាច់ គេឃើញមានសកម្មភាពកម្មករ ធ្វើសំណង់អគារឬក៏រោងឃ្លាំង ដោយមានសសរដែក និងការប្រើប្រាស់គ្រឿងចក្រឈូសឆាយកាយដី នៅតាមចិញ្ចើមផ្លូវក្បែរមាត់ច្រកទ្វារព្រំដែនអន្តរជាតិអូរស្មាច់ យ៉ាងសស្រាក់សស្រាំញាប់ដៃជើងគ្រប់គ្នា។ សកម្មភាពអាណាធិបតេយ្យនេះគេពុំឃើញមានវត្តថ្នាក់ដឹកនាំ អាជ្ញាធរដែនដីមូលដ្ឋាន នៃសង្កាត់អូរស្មាច់ណាម្នាក់ចេញមុខមកត្រួតពិនិត្យមើល ឬក៏ហាមឃាត់អ្វីទេ ។
ប្រជាពលរដ្ឋ នៅតំបន់នោះបាន រាយការណ៍ប្រាប់មកអង្គភាពគេហទំព័រ មាតុភូមិ ថា: គេពុំដឹង ច្បាស់លាស់ថា: តើម្ចាស់គំរោង សាងសង់សំណង់អគារ ឬរោង ឃ្លាំងធ្វើអំពីសសរដែក និងរៀបឥដ្ឋ ជាតូបលក់ដូរ ដែលកំពុងសាងសង់នេះ ជានរណានោះទេ ? ។គេគ្រាន់តែដឹងថា: ដីទី កន្លែង ដែលកំពុងតែចាប់ផ្តើម សាងសង់សំណង់អគារនេះ ជាដីចំណីផ្លូវសាធារណ: របស់រដ្ឋ នៅតាមដងផ្លូវបេតុង ឆ្ពោះទៅច្រកទ្វារព្រំដែនអន្តរជាតិអូរស្មាច់ - ឆងចម (កម្ពុជា - ថៃ ) ស្ថិតក្នុងអាណាចក្រសង្កាត់អូរស្មាច់ ក្រុងសំរោង ខេត្តឧត្តរមានជ័យ ។ ប្រភពព័ត៌មាន បានបញ្ជាក់ថា : ម្ចាស់ទីតាំងសំណង់អគារ ឬតូបលក់ដូរ ឬឃ្លាំង នៅតាមដងផ្លូវនេះ គឺជាឧកញ៉ាម្នាក់ ដ៏ល្បីឈ្មោះ និងមានឥទ្ធិពលខ្លាំង នៅតំបន់អូរស្មាច់ ដែលមន្ត្រី អាជ្ញាធរដែនដី និងសមត្ថកិច្ចថ្នាក់ទាបៗនៅក្នុងមូលដ្ឋានសង្កាត់អូរស្មាច់ខ្លបខ្លាចអំណាច និងឥទ្ធិពលរបស់លោកឧកញ៉ាម្នាក់នោះ រួញក្បាលលិបបាត់ក្នុងស្នូក ដូចសត្វអណ្តើក ពុំហ៊ានមាត់ ក តតាំងជាមួយឡើយ ។
ទាក់ទិន នឹងព័ត៌មានខាងលើនេះ អង្គភាព គេហទំព័រ មាតុភូមិ ទទួលបានការបំភ្លឺ តាមរយ: Telegram ពីលោក អ៊ុក ប៊ុនហេង ចៅសង្កាត់អូរស្មាច់ ដោយលោកប្រាប់ថា : ក្រុមហ៊ុនបានសុំច្បាប់ ទៅជំនាញសូរិយោដី ហើយ ។ នៅពេលសួរថា : តើថ្នាក់ដឹកនាំក្រុងសំរោង និង ខេត្តឧត្តរមានជ័យ បានជ្រាបពីបញ្ហានេះដែរឬអត់ ? លោកចៅ សង្កាត់អូរស្មាច់បានប្រាប់ថា : ខ្ញុំអត់ដឹងទេ គ្រាន់តែគេបង្ហាញគម្រោងសាងសង់ ។ នៅពេលសូរសំនួរលំអិតអំពី គម្រោងសាងសង់នេះ ជាអគារថ្ម ឬផ្ទះ ល្វែង...? លោកចៅសង្កាត់ អូរស្មាច់បញ្ជាក់ថា : ជាគម្រោងធ្វើតូបលក់ដូរ ដំបូលប្រក់សង្ក័សី ។ ប៉ុន្តែលោក មេភូមិ អូរស្មាច់ បានប្រាប់អ្នកយកព័ត៌មានយើងថា : គាត់ពុំបានអនុញ្ញាតអោយគេសាងសង់ទេ ។ ចំណែកឯលោក ផុន ចាន់និល អភិបាល ក្រុងសំរោង ក៏បានឆ្លើយតបតាមប្រព័ន្ធTelegram ថា : ចាំនៅ ពេលរសៀលនេះ ( ថ្ងៃទី ២៣ ខែមេសាឆ្នាំ២០២៥) អោយអភិបាលរងក្រុងម្នាក់ចុះទៅពិនិត្យមើល ។
ចំពោះលោក រ៉ា វុទ្ធី ប្រធានមន្ទីររៀបចំដែនដី នគរូបនីយកម្ម សំណង់និងសូរិយោដីខេត្តឧត្តរមានជ័យ ទូរស័ព្ទ ឆ្លើយប្រាប់ថា ពុំអាចទាក់ទងបានទេ នៅពេលនេះ ។ ដូច្នេះ ចាំមើលៗ! ថា : ករណីសំណង់ អគារ ឬតូបលក់ដូរទំនិញផ្សេងៗឬជាឃ្លាំង ដែលគេកំពុងចាប់ ផ្តើមសាងសង់ ដោយមានដាក់ស្លាកផ្សាយពាណិជ្ជកម្ម ដោយសរសេរអក្សរខ្មែរ ដាក់ថា: ដីជួល សំរាប់សាងសង់អគារ លក់ដូរ និង ឃ្លាំង ព្រមទាំងមានអក្សរចិន និងលេខ ទូរស័ព្ទចំនួន ២ខ្សែសំរាប់ អតិថិជនទាក់ទង គឺលេខ097 788 60 18 និងលេខ 012 887 018 ។ តើ លោក មាន ចាន់យ៉ាដា អភិ បាលខេត្តឧត្តរមានជ័យ បាន ដឹង ឬជ្រាបដែរទេ អំពីករណីនេះ ? ៕ ដោយ: លោក ស៊ុន សុផល Tel: 088 55 34 100 / 012 953 824 / 016 953 222