សមិទ្ធផលទំនើបកម្មមូលដ្ឋានសមុទ្ររាម និងមជ្ឈមណ្ឌលភស្តុភារ និងហ្វឹកហ្វឺនរួមគ្នាកម្ពុជា-ចិន ផែរាមត្រុវបានប្រកាសឲ្យប្រើប្រាស!

ជនជាតិកាមេរ៉ូនម្នាក់ធ្លាប់ជាប់គុកតែដោះលែងទុកឲ្យប្រព្រឹត្ត ករណីជម្រឹតទាប្រាកស្ត្រីឡាវ២០ម៉ឺនដុល្លារទៀត!

អ្នកកាសែតចង់បានច្បាប់ស្តីពីសិទ្ធទទួលនិងផ្តល់ពត៍មានទើបងាយរកពត៍មានពិត

ទីតាំងសិប្បកម្មកែច្នៃឈើដុះស្លែចំនួនជិត២០កន្លែង នៅក្នុងភូមិសាស្ត្រ សង្កាត់អូរស្មាច់ នៅតែដំណើរការយ៉ាងរលូន!?

រដ្ឋមន្ត្រីក្រសួងព័ត៌មាន ប្រកាសបើក យុទ្ធនាការ «និយាយថាទេ ចំពោះព័ត៌មានក្លែងក្លាយ!» ចាប់ពីថ្ងៃទី១មេសា

ក្រុមហ៊ុនតៃវ៉ាន់មួយបញ្ជាទិញគ្រាប់ស្វាយចន្ទីកែច្នៃរួចពីកម្ពុជាចំនួន ៣ពាន់តោនក្នុង ១ឆ្នាំ!

កាស៊ីណូ ក្បែរច្រកទ្វារព្រំដែនអន្ដរជាតិបន្ទាយចក្រី ជាទីតាំងលេងល្បែងស៊ីសងគ្រប់ប្រភេទ បើកអោយខ្មែរ និងយួន ចូលមកលេងល្បែង សមត្ថកិច្ច និង អាជ្ញាធរសម្ងំប្រមូលលាភសក្ការ!

ជាច្រើនទៀត

ចំនួនអ្នកទស្សនា

ថ្ងៃនេះ 1506 នាក់

ម្សិលមិញ 2962 នាក់

សរុប 16505630 នាក់

ក្រសួងបរិស្ថាន ប្រកាសថ្កោលទោស និងស្នើឱ្យមានកិច្ចសហការតាមចាប់ព្រានព្រៃដែលបាញ់មន្ត្រីឧទ្យានុរក្ស័ស្រែពក(មានវីដេអូ)

30-March-2025 / សន្តិសុខសង្គម

ភ្នំពេញ៖ ក្រសួងបរិស្ថាន បានចេញប្រកាសថ្កោលទោសនិងអំពាវនាវដល់សមត្ថកិច្ច ក៏ដូចជាប្រជាពលរដ្ឋចូលរួមសហការតាមចាប់ក្រុមជនល្មើសបរបាញ់សត្វព្រៃ ដែលបានផ្ទុះអាវុធជាច្រើនគ្រាប់ទៅលើមន្ត្រីឧទ្យានុរក្សស្រែពក។
ប្រតិកម្មពីក្រសួងបរិស្ថានបានកើតមានក្រោយពេលលេចចេញវីដេអូបង្ហាញនូវហេតុការណ៍ផ្ទុះអាវុធជាច្រើនគ្រាប់រវាងក្រុមព្រានល្មើសបរបាញ់សត្វព្រៃ និងមន្ត្រីឧទ្យានុរក្សនៅដែនជម្រកសត្វព្រៃស្រែពក ក្នុងភូមិសាស្ត្រខេត្តមណ្ឌលគិរីកាលពីពេលថ្មីនេះ។ a srae pok1

យោងតាមរបាយការណ៍ដែលកាសែតទទួលបាននាថ្ងៃទី០៨ ខែមេសា ឆ្នាំ២០២៥ បានឲ្យដឹងថា នាព្រឹកថ្ងៃទី០៥ ខែមេសា ឆ្នាំ២០២៥ វេលាម៉ោង ០៧និង៥០នាទីព្រឹក មន្ត្រីឧទ្យានុរក្សចំនួន៥នាក់ បំពាក់ដោយអាវុធCKCចំនួន៥ដើម និងមន្ត្រីសត្តរក្សចំនួន២នាក់ នៃការិយាល័យដែនជម្រកសត្វព្រៃស្រែពកណាមលៀរ ស្រែពក បានធ្វើការចុះល្បាតត្រង់ចំណុចផ្លូវត្រពាំងកក់ ស្ថិតក្នុងភូមិសាស្ត្រភូមិកោះម្យើលលើ ឃុំណងឃីឡឹក ស្រុកកោះញែក បានជួបក្រុមជនសង្ស័យចំនួន២នាក់ ជិះម៉ូតូចំនួន០១គ្រឿង ប្រដាប់ដោយអាវុធម៉ាកAKស្វាយបត់១ដើម។ខណៈនោះក្រុមការងារមន្ត្រីឧទ្យានុរក្ស បានស្រែកឃាត់ឲ្យជនសង្ស័យឈប់ម៉ូតូដើម្បីសួរនាំ តែផ្ទុយទៅវិញជនសង្ស័យបានធ្វើការបាញ់ប្រហារមកលើមន្ត្រីជាច្រើនគ្រាប់ តែជាសំណាងល្អ ក្នុងហេតុការណ៍ផ្ទុះអាវុធនេះ មិនមានមន្ត្រីជំនាញណាម្នាក់រងរបួសឡើយ ក្រោយស្ងប់ស្ងាត់ការផ្ទុះអាវុធ មន្ត្រីឧទ្យានុរក្សបានវិញត្រឡប់មកកាន់ស្នាក់វិញដោយសុវត្តិភាព។

ក្រសួងបរិស្ថាន បានប្រកាសថ្កោលទោសយ៉ាងដាច់អហង្ការចំពោះជនល្មើសដែលបានបាញ់មកលើ មន្ត្រីអនុវត្តច្បាប់ ដែលបាននិងកំពុងបំពេញតួនាទីក្នុងនាមជាមន្ត្រីទទួលបន្ទុកគ្រប់គ្រងតំបន់ការពារធម្មជាតិ។ក្រសួងបរិស្ថាន បានបញ្ជាក់ថា ក្រសួងកំពុងសហការយ៉ាងជិតស្និទ្ធជាមួយក្រសួង ស្ថាប័ន គណៈបញ្ជាការឯកភាព រដ្ឋបាលខេត្ត និងសមត្ថកិច្ចពាក់ព័ន្ធគ្រប់លំដាប់ថ្នាក់ ស្វែងរកជនល្មើស និងអ្នកពាក់ព័ន្ធនៃអំពើល្មើសច្បាប់នេះ។ ក្រសួងបរិស្ថាន អំពាវនាវដល់អាជ្ញាធរមានសមត្ថកិច្ចគ្រប់លំដាប់ថ្នាក់ និងប្រជាពលរដ្ឋសហការ ជាមួយក្រសួងបរិស្ថាន ដើម្បីចាប់ជនល្មើសមកផ្តន្ទាទោសតាមនីតិវិធីច្បាប់ជាធរមាន។

បើតាមក្រសួងបរិស្ថាន បានឱ្យដឹងថា កាលពីឆ្នាំ២០១៨ ក៏មានហេតុការណ៍ផ្ទុះអាវុធរបស់ក្រុមជនល្មើសបរបាញ់សត្វព្រៃ ហើយបណ្តាលឱ្យមន្ត្រីឧទ្យានុរក្ស៣រូបបានស្លាប់បាត់បង់ជីវិត។បើតាមក្រសួងបរិស្ថាន នៅដែនជម្រកសត្វព្រៃស្រែពកក្នុងខេត្តមណ្ឌលគិរីនេះ មន្ត្រីឧទ្យានុរក្សតែងប្រទះឃើញក្រុមជនល្មើសបរបាញ់សត្វព្រៃជាញឹកញាប់ប្រដាប់ដោយកាំភ្លើង។ក្នុងនោះកាលពីថ្ងៃទី២០ ខែកុម្ភៈ ឆ្នាំ២០២៥ ក្រុមសិក្សាស្រាវជ្រាវជីវៈចម្រុះ មានមន្ត្រីឧទ្យានុរក្ស និងភ្នាក់ងារស្រាវជ្រាវ ក៏បានប្រទះឃើញ ជនសង្ស័យចំនួន៤នាក់ មានភ្លើងអាកា AK ចំនួន ៣ដើម ម៉ូតូចំនួន ៣គ្រឿង និងសាច់សត្វព្រៃចំនួន ២បេកន្លះក្នុងភូមិសាស្ត្រខាងលើផងដែរ។

នៅថ្ងៃទី១១ ខែមីនា ឆ្នាំ២០២៥ បានឃើញគ្រោងឆ្អឹងសត្វទន្សោងចំនួន ១ក្បាល ទីតាំងនៅត្រពាំងកណ្ដាលព្រៃព្រិច ត្រូវបានគេបាញ់សម្លាប់ ហើយពន្លះយកសាច់អស់ និងបានឃើញសម្បកគ្រាប់កាំភ្លើង AK ចំនួន ១គ្រាប់។
បើទោះបីមានការប្រឹងប្រែងទប់ស្កាត់ និងផ្សព្វផ្សាយយ៉ាងណា ក៏នៅតែមានការបរបាញ់សត្វព្រៃ។ បទល្មើសនៅតែបន្តមាន ក៏ព្រោះតាមអាហារដ្ឋានជាច្រើន ទាំងនៅភ្នំពេញ និងតាមបណ្តាខេត្ត សត្វព្រៃនៅតែជាទីពេញនិយមរបស់ភ្ញៀវ។ a srae pok