
វីដេអូ
តាមដានសង្គម

ចំនួនអ្នកទស្សនា
ថ្ងៃនេះ 4100 នាក់
ម្សិលមិញ 8477 នាក់
សរុប 18992104 នាក់
ខេត្តកណ្តាល៖ជនល្មើសម្នាក់នេះ ត្រូវបានកម្លាំងនគរបាលខេត្តកណ្តាល ចាប់ខ្លួនបានភ្លាមៗ ក្រោយបាញ់លើសមត្ថកិច្ចក្នុងករណីយ៍បង្ក្រាបបទល្មើសតាមផ្លូវល្បឿនលឿន។ជននេះមានឈ្មោះ លី រតនា អាយុ៣២ឆ្នាំ ស្នាក់នៅបន្ទប់ជួលក្រុងច្បារមន ខេត្តកំពង់ស្ពឺ។
ដោយឡែកជនល្មើសម្នាក់នេះនិងម្នា់ក់ទៀតដែល កំពុងរត់គេចខ្លួន(រូបឈរក្បែរម៉ូតូត្រៃ) ជាមុខសញ្ញាភ្ជង់រថយន្តអ្នកដំណើរតាមផ្លូវល្បឿនលឿន។ ដំបូងឡើយជនសង្សយ័៏ទាំងពីរបានឆក់ប្រជាពលរដ្ឋនៅតាមផ្លូវ ហើយកម្លាំងនគរបាលដេញតាមចាប់ រហូតបាញ់មកលើសមត្ថកិច្ច ទំរាំឡោមព័ទ្ធចាប់បាន។សមត្ថកិច្ចបានបញ្ជាក់ថា ជនល្មើសម្នាក់នេះធ្លាប់ត្រូវបានចាប់ខ្លួនប៉ុន្មានដងមកហើយ រឿងប្រើអាវុធខុសច្បាប់ ឆក់ គ្រឿងញៀន និងចុងក្រោយនេះឆក់ទៀត។
នៅសៀលថ្ងៃ ទី ២៩ ខែមីនា ឆ្នាំ២០២៥នេះ តាមរយ:ផេក facebook ផ្លូវ ការរបស់ឯកឧត្តម គួច ចំរើន អភិបាល នៃគណអភិបាលខេត្ត កណ្តាល បានបង្ហោះរូបភាពបុរសម្នាក់ជាជនសង្ស័យដៃជាប់ ខ្នោះ ថតឈរជាមួយម៉ូតូធំ ម៉ាកត្រៃ( អាចជារូបថតចាស់ធ្លាប់ត្រូវបានសមត្ថកិច្ចចាប់វ៉ៃខ្នោះ នៅប៉ុស្តិ៍របស់សមត្ថកិច្ច ) អមដោយ សំណេរថា : បើប្រិយមិត្តណាបានឃើញបុគ្គលម្នាក់នេះ សូម ជួយផ្តល់ព័ត៌មានមកសមត្ថកិច្ច លេខ 077449990 ។ សង្ឃឹមថា : បងប្អូនប្រជាពលរដ្ឋ នៅតាមមូលដ្ឋាន បើឃើញមុខបុគ្គលនេះ ប្រាកដ ជារាយការណ៍ផ្តល់ព័ត៌មានជូន សមត្ថកិច្ច ដើម្បីចាប់ជននេះយកទៅផ្តន្ទាទោសតាមច្បាប់ ។
សូមបញ្ជាក់ នៅព្រឹកថ្ងៃទី២៩ ខែមីនា ឆ្នាំ២០២៥ មានហេតុការណ៍ភ្ញាក់ផ្អើលនៅតាមផ្លូវល្បឿនលឿន និងមានការចែកចាយតាមបណ្តាញសង្គមយ៉ាងច្រើន ដោយឃើញជនល្មើសម្នាក់ បានភ្ជង់រថយន្តរបស់ប្រជាពលរដ្ឋមួយគ្រួសារនៅតាមផ្លូវល្បឿនលឿន ហើយឲ្យជនរងគ្រោះចុះពីរថយន្ត រួចរូបគេក៏បើកគេចចេញទៅ។កម្លាំងនគរបាលខេត្តកណ្តាល សហការជាមួយកម្លាំងនគរបាលរាជធានីភ្នំពេញ បានចេញស្ទាក់ហើយឈានដល់ការបង្ក្រាបបានភ្លាមៗ ដោយចាប់ជនល្មើសបានម្នាក់ និងដកហូតរថយន្តរបស់ជនរងគ្រោះមកវិញ ខណៈជនល្មើសម្នាក់ទៀតដែលមានកាំភ្លើងនៅក្នុងដៃកំពុងគេចខ្លួន។នេះបើតាមស្នងការនគរបាលខេត្តកណ្តាល លោកឧត្តមសេនីយ៍ទោ ឈឿន សុចិត្ត បានប្រាប់បណ្តាញព័ត៌មាន ។
,
កម្លាំងនគរបាលខេត្តកណ្តាល បានសហការជាមួយកម្លាំងនគរបាលរាជធានីភ្នំពេញ និងកម្លាំងនគរបាលខេត្តកំពង់ស្ពឺ ដេញតាម និងចេញពួនស្ទាក់ដើម្បីតាមចាប់ជនល្មើសដែលភ្ជង់ប្លន់រថយន្តរូបនេះ។ ក្រោយដឹងថា កម្លាំងសមត្ថកិច្ចកំពុងដេញតាម ជនល្មើសក៏បានបើករថយន្តយកទៅប្លង់ចោលនៅក្នុងទឹកដីស្រុកអង្គស្នួល ហើយបានទៅភ្ជង់អ្នកបើករថយន្តលុចស៊ីសពណ៌ខ្មៅរថយន្តមួយគ្រឿងទៀត ដោយបង្ខំឲ្យជនរងគ្រោះបើកជូនដើម្បីគេចខ្លួនពីសមត្ថកិច្ច រហូតបើកចូលទឹកដីខណ្ឌកំបូល ក៏ត្រូវកម្លាំងនគរបាលមូលដ្ឋានរាជធានីភ្នំពេញស្ទាក់ ហើយជនល្មើសភ្លាមៗចុះពីរថយន្តរត់គេចខ្លួនតែម្តង។