វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4156 នាក់
ម្សិលមិញ 6359 នាក់
សរុប 14090789 នាក់
ភ្នំពេញ៖ បុរសសន្តិសុខម្នាក់ កំពុងអង្គុយចុចទូរស័ព្ទ ក៏ត្រូវជនសង្ស័យ ២នាក់ ជិះម៉ូតូ FZ មួយគ្រឿង មកឆក់ទូរស័ព្ទយកទៅបាត់ ក៏ប្រញ៉ាប់រត់ដេញតាម ជនសង្ស័យសប្បាយចិត្តខ្លាំងពេកលើកដៃបាយៗ ស្រាប់តែជិះម៉ូតូចូលរថយន្តឡិចស៊ីស ៤៧០មួយគ្រឿង បុកពេញទំហឹង បណ្តាលឲ្យរងរបួសធ្ងន់ទាំង ២នាក់ ចំណែករថយន្តជ្រុលទៅបុកដើមក្ងោកបាក់ និងខ្ទេចរថយន្តយ៉ាងដំណំតែម្តង។
ទីតាំងកើតហេតុនេះ ស្ថិតនៅផ្លូវបំបែកកម្ពុជាក្រោម កែង២២១ សង្កាត់ផ្សារដេប៉ូ៣ ខណ្ឌទួលគោក រាជធានីភ្នំពេញ កាលពីវេលាម៉ោង ៤ទៀបភ្លឺ ថ្ងៃទី៤ ខែមិថុនា ឆ្នាំ២០២២។ប្រភពពីអ្នក ដែលឃើញហេតុការណ៍ផ្ទាល់ បានឲ្យដឹងថា គាត់ ឃើញជនសង្ស័យ២នាក់ ជិះម៉ូតូម៉ាក FZ មកឆក់ទូរស័ព្ទពី សន្តិសុខម្នាក់ពេលកំពុងអង្គុយចុចទូរស័ព្ទបានសម្រេច ហើយប្រញាប់ជិះរត់ ហើយត្រូវបានគេស្រែកចោរៗ គាប់ជួនមានរថយន្តស៊េរីទំនើបឡិចស៊ីស ៤៧០មួយគ្រឿង បើកបរដោយបុរសម្នាក់ ក្នុងល្បឿនលឿនល្មម ដោយជនសង្ស័យទាំងនេះ ជិះម៉ូតូចូលរថយន្តរបស់គាត់ក៏បុកគ្នាផាំង ហើយរថយន្តទាញចង្កូតគេច ក៏មកបុកដើមក្ងោកពេញទំហឹងតែម្តងបណ្តាលឲ្យអ្នកបើកបររថយន្តនោះបែកក្បាល ត្រូវបានបញ្ជូនទៅសង្គ្រោះនៅមន្ទីរពេទ្យ។
ខណៈជនសង្ស័យទាំង២នាក់នោះ ក៏រងរបួសធ្ងន់ផងដែរ។ ឯទូរស័ព្ទដែលឆក់បាន ត្រូវគេរើសយកទៅបាត់ទៀត។ក្រោយកើតហេតុ សមត្ថកិច្ចជំនាញ បានចុះមកធ្វើការវាស់វែងនៅចំណុចកើតហេតុ ដោយធ្វើការស្រាវជ្រាវឲ្យលម្អិត ថាតើករណីនេះ ផ្តើមចេញពីរឿងរ៉ាវយ៉ាងណាឲ្យប្រាកដ និងកសាងសំណុំរឿង ដោះស្រាយ និងចាត់ការតាមច្បាប់បន្តទៀត៕