ស្ត្រីម្នាក់ដេកក្នុងអង្រឹងសុខៗ ត្រូវហ្វូងឃ្មុំទិចស្លាប់ភ្លាមៗ
21-September-2026 / សន្តិសុខសង្គម
ខេត្តកណ្តាល៖ស្ត្រីម្នាក់ត្រូវហ្វូងឃ្មុំចង្អេរចោមរោមទិចពេលកំពុងដេកសម្រាកនៅក្នុងអង្រឹងក្រោមដើមឈើក្រោយផ្ទះ នៅក្នុងខេត្តមណ្ឌលគិរីបណ្តាលឲ្យដាច់ខ្យល់ស្លាប់ភ្លាមៗ ពេលបញ្ជូនទៅដល់មន្ទីរពេទ្យ ។
ជនរងគ្រោះ មានឈ្មោះ អឹម វណ្ណេត ភេទស្រីអាយុ៤៩ឆ្នាំ មុខរបរ កសិករ មានទីលំនៅបច្ចុប្បន្នភូមិពូក្រេង ឃុំស្រែអំពូម ស្រុកពេជ្រាដា ខេត្តមណ្ឌលគិរី។ កូនធម៌ជនរងគ្រោះមានឈ្មោះ ឈាង បូរ៉ា ភេទប្រុស អាយុ២៤ បានឱ្យដឹងថា មុនពេលកើតហេតុ ម្តាយធម៌របស់ខ្លួនសម្រាកក្នុងអង្រឹងនៅក្រោយផ្ទះក្រោមដើមឈើ។សម្រាក់ បានមួយស្របក់ធំ ស្រាប់តែឮមាត់ម្តាយធម៌ស្រែកឱ្យជួយភ្លាម ហើយខ្លួនក៏រត់ទៅមើលក៏ប្រទះឃើញឃ្មុំចង្អេរមួយសំបុកធំកំពុងរោមទិចគាត់ភ្លាមនោះ ខ្លួនក៏រត់ទៅយកភួយមកគ្របដណ្តប់ពីលើ ហើយក៏ប្រាប់គាត់ថា នាំគ្នារត់ចេញទៅ ប៉ុន្តែ គាត់បានប្រាប់ថាគាត់រត់មិនរួចទេ រួចក៏ដួលទៅផ្ទាល់ដីលែងដឹងខ្លួនតែម្ដង។
ខ្លួនបានរត់ទៅហៅអ្នកជិតខាងមកជួយដឹកម្តាយធម៌ទៅសង្គ្រោះនៅឯមន្ទីរពេទ្យ តែអកុសល ពេលទៅដល់មន្ទីរពេទ្យ លោកគ្រូបានពិនិត្យ រួចប្រាប់ថា ជនរងគ្រោះ បានដាច់ខ្យល់ស្លាប់បាត់ទៅហើយនៅល្ងាចថ្ងៃទី១៥ ខែមករា ឆ្នាំ២០២៥ ស្ថិតក្នុងភូមិ ពូក្រេង ឃុំស្រែអំពូម ស្រុកពេជ្រាដា ខេត្តមណ្ឌលគិរី។
លោក ផ្លង ជំនិត អធិការនគរបាលស្រុកពេជ្រាដា បានឱ្យដឹងថា សមត្ថកិច្ចជំនាញបានធ្វើកោសល្យវិច័យបានរកឃើញទ្រនិចឃ្មុំចង្អេរចំនួន៦៧កន្លែង និងពិនិត្យជុំវិញកន្លែងកើតហេតុ និងទៅលើដងខ្លួនអវៈយវៈពុំមានឃើញស្នាមដាច់រលាត់អ្វីឡើយ។ សមត្តកិច្ចសន្និដ្ឋានថាជនរងគ្រោះបានស្លាប់ដោយសារឃ្មុំចង្អេរទិចពិតប្រាកដមែន។
សូមញ្ជាក់ថាបើតាមឯកសារសុខាភិបាលសម្រាប់មនុស្សយើងជាច្រើន ពេលឃ្មុំទិចគ្រាន់តែឈឺចាប់ត្រង់កន្លែងទិចមួយរយៈប៉ុណ្ណោះ តែថាមានអ្នកផ្សេងទៀត ឃ្មុំទិចធ្វើឲ្យមានប្រតិកម្មអាលែកហ្ស៊ីអាចពីកម្រិតស្រាល ដល់ធ្ងន់ធ្ងរ និងករណីខ្លះអាចគំរាមកំហែងដល់ជីវិតទៀតផង។១. ឃ្មុំទិចអាចបង្កឲ្យមានប្រតិកម្មអាលែកហ្ស៊ីតាមការចុះផ្សាយរបស់ព្រឹត្តប័ត្រ Journal of Asthma and Allergy មនុស្សយើងប្រហែលពី៥ទៅ៧,៥ភាគរយ អាចនឹងជួបប្រតិកម្មអាលែកហ្ស៊ីធ្ងន់ធ្ងរពេលត្រូវសត្វល្អិតទិច។
មនុស្សជាច្រើនដែលប្រតិកម្មទៅនឹងសត្វល្អិតទិចនឹងអាចមានប្រតិកម្មអាលែកហ្ស៊ីពីកម្រិតស្រាលទៅមធ្យម ដោយមានឡើងក្រហម និងហើម ត្រង់កន្លែងទិច។សម្រាប់មនុស្សមួយចំនួនតូចទៀត ប្រតិកម្មអាលែកហ្ស៊ីអាចធ្ងន់ធ្ងរ រហូតតម្រូវឲ្យមានការសង្គ្រោះបន្ទាន់ទៀតផង។ពិសរបស់ឃ្មុំ អាចបង្កឲ្យមានប្រតិកម្មអាលែកហ្ស៊ីធ្ងន់ធ្ងរ។ ឃ្មុំ ស្រម៉ោចក្រហម ភាគច្រើនពេលខាំ ឬទិច អាចបង្កឲ្យមានប្រតិកម្មអាលែកហ្ស៊ី ដែលអាចរាលដាលពេញទាំងរាងកាយ មានស្បែក និងប្រព័ន្ធផ្លូវដង្ហើមដែរ។
២. មូលហេតុបង្កឲ្យមានអាលែកហ្ស៊ីពេលឃ្មុំទិច ទ្រនិចឃ្មុំនឹងចាក់ចូលទៅក្នុងស្បែករបស់យើង។ ទ្រនិចឃ្មុំអាចនឹងបញ្ចេញពិសភ្លាមៗ ឬរហូតដល់មួយនាទីបន្ទាប់ពីទិចរួច។ ពិសឃ្មុំមានផ្ទុកប្រូតេអ៊ីន ដែលអាចមានឥទ្ធិពលលើកោសិកាស្បែក និងប្រព័ន្ធភាពស៊ាំ ជាលទ្ធផលនាំឲ្យមានការឈឺចាប់ និងហើមនៅកន្លែងដែលទិច។មនុស្សមួយចំនួនមានប្រតិកម្មអាលែកហ្ស៊ីនឹងឃ្មុំទិច ដោយសារពិសឃ្មុំរំញោចឲ្យមានប្រតិកម្មខ្លាំងពីប្រព័ន្ធភាពស៊ាំ។ អ្នកខ្លះឃ្មុំទិចលើកទីមួយមិនមានប្រតិកម្មអាលែកហ្ស៊ីទេ តែអាចមានប្រតិកម្មនេះនៅពេលឃ្មុំទិចលើកទីពីរ។
៣. ធ្វើម៉េចដឹងថាយើងមានប្រតិកម្មអាលែកហ្ស៊ីនឹងពិសឃ្មុំអាលែកហ្ស៊ីទៅនឹងពិសឃ្មុំអាចមានស្ថានភាពចាប់ពីកម្រិតស្រាលទៅដល់ធ្ងន់ធ្ងរបាន។ ករណីធ្ងន់ធ្ងរខ្លះប្រតិកម្មអាលែកហ្ស៊ីអាចកើតមានជុំវិញកន្លែងទិច។ ករណីធ្ងន់ធ្ងរមួយចំនួនទៀត អាចមានផលប៉ះពាល់ដល់ផ្នែកផ្សេងៗទៀតនៃរាងកាយ។មនុស្សយើងអាចមានប្រតិកម្មទៅនឹងពិសឃ្មុំផ្សេងៗគ្នា ដោយអ្នកខ្លះមានចេញប្រតិកម្មតែនៅត្រង់កន្លែងទិចតែប៉ុណ្ណោះ។ ដូចនេះហើយ ជាការចាំបាច់ណាស់ដែលយើងត្រូវដឹងពីកម្រិតរោគសញ្ញាផ្សេងៗគ្នានៃប្រតិកម្មអាលែកហ្ស៊ីនេះ ដើម្បីទទួលបានការព្យាបាលត្រឹមត្រូវ
៤. រោគសញ្ញាកម្រិតស្រាល៖ មានមុតស្បែក ឡើងក្រហម ឈឺចាប់លើស្បែក និងមានហើមត្រង់កន្លែងទិចតិចតួច។កម្រិតមធ្យម៖ ឡើងក្រហម ហើមខ្លាំងត្រង់កន្លែងទិច និងកាន់តែធំ និងអាចមានរយៈពេលពី២៤ទៅ៤៨ម៉ោង។កម្រិតធ្ងន់ធ្ងរ៖ រមាស់ ឡើងកន្ទាលត្រអាក ហើមបំពង់ក ឬអណ្ដាត ពិបាកដកដង្ហើម ឈឺចាប់ខុសប្រក្រតី ក្អួត ឬចង្អោរ វិលមុខ ជីពចរខ្សោយ និងអាចបាត់បង់ស្មារតី។វិធីព្យាបាលករណីយ៍ល្មមៗគេអាចប្រើទឹកឃ្មុំទឹកខ្មេះថ្នាំដុសធ្មេញយកមកលាបក៏អាចជួយបានផងដែរ។
