វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 151 នាក់
ម្សិលមិញ 5168 នាក់
សរុប 16012285 នាក់
ឧត្តរមានជ័យ៖ ជនសង្ស័យជាឃាតកម្នាក់ត្រូវបានកម្លាំងកងរាជអាវុធហត្ថខេត្តឧត្តរមានជ័យ សហការជាមួយកម្លាំងកងរាជអាវុធហត្ថខេត្តកំពង់ធំ ចាប់ខ្លួននៅភូមិស្វាយ ឃុំស្រើង ស្រុកប្រាសាទសំបូរ ខេត្តកំពង់ធំ បន្ទាប់ពីជនសង្ស័យរូបនេះច្របាច់កសម្លាប់ស្ត្រីម្នាក់នៅភូមិអូរស្វាយ ឃុំអូរស្វាយ ស្រុកត្រពាំងប្រាសាទ ខេត្តឧត្តរមានជ័យ យកទ្រព្យសម្បត្តិហើយ រត់គេចខ្លួន។
លោកវរសេនីយ៍ទោ យ៉ាង វ៉ាន ប្រធានមន្ទីរយុត្តិធម៌ នៃបញ្ជាការដ្ឋានកងរាជអាវុធហត្ថខេត្តឧត្តរមានជ័យ បានឲ្យដឹងនៅរសៀលថ្ងៃទី១៦ ខែកញ្ញា ឆ្នាំ២០២៤នេះ ថាក្រោយទទួលបទបញ្ជាពីមេបញ្ជាការទាំងពីរខេត្តនិងមានការសម្របសម្រួលពីព្រះរាជអាជ្ញាខេត្តឧត្តរមានជ័យ ខេត្តកំពង់ធំនៅវេលាម៉ោង៩៖៣០នាទីថ្ងៃទី១៦ ខែកញ្ញា ឆ្នាំ២០២៤ កម្លាំងមន្ទីរស្រាវជ្រាវ និងបង្ក្រាបបទល្មើសកងរាជអាវុធហត្ថខេត្តឧត្តរមានជ័យ បានសហការជាមួយកម្លាំងមន្ទីរស្រាវជ្រាវ និងបង្ក្រាបបទល្មើសកងរាជអាវុធហត្ថខេត្តកំពង់ធំ បានធ្វើការឃាត់ជនសង្ស័យម្នាក់ឈ្មោះ សេង ឃាត អាយុ៤៦ឆ្នាំ មានទីលំនៅភូមិអូរស្វាយ ឃុំអូរស្វាយ ស្រុកត្រពាំងប្រាសាទ។
ក្នុងប្រតិបត្តិការឃាត់ខ្លួនជនសង្ស័យរូបនេះដល់ខេត្តកំពង់ធំ សមត្ថកិច្ចបានធ្វើការដកហូតម៉ូតូ១គ្រឿង ម៉ាក Honda Dream ពណ៌ខ្មៅសេរី ឆ្នាំ២០២២ និងទូរស័ព្ទម៉ាក Oppo ១គ្រឿង ដែលជារបស់ស្ត្រីជនរងគ្រោះហើយនាំខ្លួនជនសង្ស័យមកកាន់ទីបញ្ជាការកងរាជអាវុធហត្ថខេត្តឧត្តរមានជ័យវិញ ដើម្បីចាត់ការតាមនីតិវិធី។នៅចំពោះមុខសមត្ថកិច្ចជនសង្ស័យបានសារភាពថា មុនពេលកើតហេតុរូបគេបានស្ទាក់ឃាត់ស្ត្រីរងគ្រោះ ដែលកំពុងជិះម៉ូតូដើរលក់បន្លែ ដោយមានបំណងសុំខ្ចីប្រាក់ចំនួន២០ម៉ឺនរៀលដើម្បីឡើងភ្នំ ដោយសន្យាថា ពេលចុះពីភ្នំវិញនឹងសងវិញហើយ។
ស្របពេលដែលកំពុងនិយាយសុំខ្ចីលុយ ជនសង្ស័យហាក់មានសកម្មភាពខុសប្រក្រតីជាមនុស្សធ្លាប់ស្គាល់គ្នា ធ្វើឲ្យជនរងគ្រោះស្រែកឲ្យគេជួយ ភ្លាមនោះជនសង្ស័យក៏ស្ទុះទៅច្រាច់កជនរងគ្រោះតែម្តង រហូតស្លាប់បាត់បង់ជីវិត រួចអូសសាកសពដាក់ជិតមាត់ទឹកអូរ ហើយយកទ្រព្យសម្បត្តិជនរងគ្រោះរត់គេចខ្លួនបាត់ស្រមោល។ជនរងគ្រោះ ឈ្មោះ អូន អាន អាយុ២៧ឆ្នាំ មុខរបរដើរលក់បន្លែតាមភូមិ មានប្តីឈ្មោះ អឿន បូរ៉ាម អាយុ៣០ឆ្នាំ មុខរបរដើរលកលបន្លែតាមភូមិដូចគ្នា រស់នៅភូមិអូរស្វាយ ឃុំអូរស្វាយ ស្រុកត្រពាំងប្រាសាទ ខេត្តឧត្តរមានជ័យ៕