គយច្រកទ្វារអន្តរជាតិម៉ឺនជ័យនៅតែមានការ បើកដៃឲ្យឈ្មួញធំៗ នាំចូលទំនិញគេចពន្ធ ទំនិញបង់ពន្ធមិនគ្រប់ និងទំនិញខុសច្បាប់?

ទិវាគ្រូបង្រៀន៥តុលារដ្ឋាភិបាលដាក់ចេញការពង្រឹងការងារខាងគ្រូក្រៅរដ្ឋាភិបាលសុំឲ្យគិតពីជីវភាពគ្រូនិងប្តឹងអន្តរជាតិរៀងទឹកដី!

បង្ក្រាបទីតាំង Online Scam នៅក្រុងប៉ោយប៉ែត ឃាត់ខ្លួនជនសង្ស័យជិត ៦០០នាក់ នៅព្រះសីហនុឃាំត់ខ្លួន៤៤នាក់

បន្ទាប់ពីចាប់ខ្លួនមន្ត្រីនគរបាលអន្តោប្រវេសន៍ព្រលានយន្តហោះនិងមេឃុំព្រែកខ្សាច់ACU រកឃើញមេខ្លោងឆបោកជនជាតិចិនម្នាក់ផ្ទេរលុយ ២៥០លានដុល្លារទៅគណនីគ្រីបតូក្រៅប្រទេស!

សហរដ្ឋអាមេរិកប្តេជ្ញាចិត្តក្នុងការរារាំង និងបង្ក្រាបបណ្តាញឧក្រិដ្ឋកម្មឆ្លងដែន និងប្រយុទ្ធប្រឆាំងនឹងការជួញដូរផលិតផលថ្នាំជក់ខុសច្បាប់!

អាមេរិករឹតបន្តឹងទិដ្ឋាការបុគ្គល៣២នាក់ពាក់ព័ន្ធដែលពាកពន្ធ័នឹង Prince Group របស់ Chen Zhiតែមិនប្រកាសឈ្មោះ

ធនាគារ ឈីហ្វដែលទើបសម្ពោធជាផ្លូវការទីស្នាក់ការកណ្ដាលថ្មី កាលពីឆ្នាំ២០២៥ត្រូវបានធនាគាជាតិដាក់ឲ្យស្ថិតនៅក្រោមការត្រួតពិនិត្យ៣ខែ!

ជាច្រើនទៀត

ចំនួនអ្នកទស្សនា

ថ្ងៃនេះ 9208 នាក់

ម្សិលមិញ 9639 នាក់

សរុប 20699379 នាក់

បាក់រណ្ដៅរ៉ែត្បូងស្លាប់កម្មរម្នាក់នៅស្រុកលំផាត់

21-September-2026 / សន្តិសុខសង្គម

រតនគិរី: កម្មករម្នាក់បានស្លាប់នៅក្នុងរណ្ដៅដីតែម្ដងស្ថិតនៅ ស្រុកលំផាត់ កាលពីវេលាម៉ោង១១ថ្ងៃត្រង់ កាលពីថ្ងៃទី៣០ ខែធ្នូ ឆ្នាំ២០២៤ ក្នុងចម្ការឈ្មោះ ម៉ៅ មឿន។កម្មករដែលបាត់បង់ជីវិតដោយសារបាក់រណ្តៅជីករករ៉ែត្បូងមានឈ្មោះ ខាត់ សួង ភេទប្រុសអាយុ២៤ឆ្នាំជនជាតិខ្មែរលើទំពួនមានទីលំនៅ ភូមិចងរ៉ា ឃុំបាតាង ស្រុកលំផាត់។ រឿងនេះ គេមិនទាន់ឃើញមានម្ចាស់ចម្ការ និងកុងសែត្បូង ដែលបានជាប់ពាក់ព័ន្ធនឹងរឿងស្លាប់កម្មករចេញមុខមកទទួលខុសត្រូវនៅឡើយ។រឿងដែលគួរឲ្យហួសចិត្តគឺលោក ប្រធានមន្ទីររ៉ែ និងថាមពល ខែត្ររតនគិរី លោក អ៊ុង ហួរ ប្រាប់ថាលោកអត់ដឹងអីហង!?។លោកប្រធានប្រាប់ថាបើអ្នកកាសែតដឹងសូមជួយជូនលោកទៅមើលផង ហើយបើមានករណីស្លាប់កម្មករមែន ម្ចាស់ដីចម្ការជាអ្នកទទួលខុសត្រូវចំពោះមុខច្បាប់។ a min roitanak

ប្រភពពីកន្លែងកើតហេតុបានដឹងថា ថ្មីៗនេះមានកុងសែមួយចំនួនបានទៅបំផុសឲ្យពលរដ្ឋខ្មែរលើទំពួនដែលមានជីវភាពខ្វះខាតឲ្យចូលរួមជីករណ្ដៅដីដើម្បីរករ៉ែត្បូងមិនស្របច្បាប់នៅក្នុងចម្ការចន្ទីឈ្នោះ ម៉ៅ មឿន ស្ថិតនៅក្នុង ស្រុកលំផាត់ដើម្បីរកត្បូងលក់ឲ្យពួកគេជិតមួយឆ្នាំ ហើយតែគេពុំដែលឃើញមានការរំខានដល់សមត្ថកិច្ច និងអាជ្ញាធរជំនាញរ៉ែ ខែត្រនោះទេ។ភរិយាសពកម្មករ ឈ្មោះ កាដាស្ត្រីវ័យ២៣ឆ្នាំ បាននិយាយទាំងអួលដើមកថា ដោយសារជីវភាពខ្វះខាតទើបប្ដីរបស់គាត់បង្ខំចិត្តធ្វើកម្មករជីករករ៉ែត្បូង ក្រែងបានត្បូងលក់បានប្រាក់ខ្លះដោះស្រាយការចំណាយប្រចាំថ្ងៃ និងសម្រាប់ឲ្យកូនទៅរៀនសូត្រនឹងគេ។

ប្ដីរបស់អ្នកស្រីបានផ្សងព្រេងជីករ៉ែត្បូងជិតមួយឆ្នាំមកហើយ។ តែពុំដែលបានជួបត្បូងគ្រាប់នោះទេ គឺបានតែត្បូងតូចៗ ហើយគាត់ខំប្រឹងជីកតាមរ៉ែរហូតដល់ជម្រៅជាង៨ម៉ែត្របណ្ដាលឲ្យដីនៅផ្នែកខាងលើក៏បាក់ស្រុតចុះសង្កត់បស្លាប់ភ្លាមៗនៅក្នុងរណ្ដៅរ៉ែតែម្ដង។ ភ្លាមៗនោះដែរកម្មករក្រុមផ្សេងៗទៀតបានរួមគ្នាកាយអាចម៍ដីចេញដោយប្រើរយ:ពេល២ម៉ោងទើបយកជនរងគ្រោះបានតែវាហួសពេលទៅហើយ…។

ប៉ូលិសមូលដ្ឋានបានទទួលស្គាល់ថា ពិតជាមានកម្មករស្លាប់ក្នុងអណ្ដូងរ៉ែត្បូងមែន។ ក្រោយពិនិត្យរួច ប៉ូលិសបានធ្វើកំណត់ហេតុប្រគល់សពឲ្យទៅសាច់ញាតិធ្វើបុណ្យតាមប្រពៃណី ខ្មែរលើទំពួន។
ពលរដ្ឋរស់នៅ ខែត្ររតនគិរី លើកឡើងថា រឿងនេះផ្ដើមចេញពីកុងសែទិញត្បូងមួយចំនួននៅខែត្របានគប់គិតជាមួយមន្ត្រីជំនាញ។គួរបញ្ជាក់ថា កាលពី ខែកញ្ញា ឆ្នាំ២០២៣ ក៏មានបាក់រណ្ដៅរ៉ែត្បូងសង្កត់កម្មករស្លាប់ម្នាក់នៅ ស្រុកបរកែវ។ រីឯក្នុង ខែធ្នូឆ្នាំ២០២៤ ក៏មានកម្មករជីករ៉ែត្បូងស្លាប់ម្នាក់ទៀតនៅ ស្រុកលំផាត់។ រាល់ការបាត់បង់អាយុជីវិតកម្មករជីករ៉ែត្បូងគ្មានច្បាប់គឺតែងតែបណ្ដោយឲ្យស្លាប់កម្មករ ហើយគ្មានអ្នកទទួលខុសត្រូវ?៕ a min roitanak1