វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1581 នាក់
ម្សិលមិញ 4292 នាក់
សរុប 14111280 នាក់
ភ្នំពេញ៖ រថយន្តម៉ាកឡិចស៊ិស៥៧០មួយគ្រឿងរបស់លោកឧត្តមសេនីយ៍ឯក(ផ្កាយបី)ម្នាក់(សមត្តកិច្ចលាក់ឈ្មោះ) ក្រោយពីមានគ្រោះថ្នាក់ចរាចរជាមួយអ្នកបើកបរម៉ូតូឱ្យរងរបួសធ្ងន់មិនត្រូវបានឈប់ដោះស្រាយទេតែបែជាចុះយកលក្រណាត់បិទស្លាកលេខរថយន្តហើយ បើកចេញពីកន្លែងកើតហេតុ ទៅបាត់ ដោយពុំមានសមត្ថកិច្ចណាហ៊ានឃាត់ឡើយ ។
ហេតុការណ៍គ្រោះថ្នាក់ចរាចរណ៍នេះបានកើតឡើងកាលពីវេលាម៉ោងប្រមាណ១១និង៥០នាទីថ្ងៃត្រង់ថ្ងៃទី១៦ ខែតុលា ឆ្នាំ២០២០ នៅចំណុចផ្លូវលេខ៣៣១ កែងផ្លូវលេខ ៥៧៤ខាងលិចវិទ្យាល័យឥន្ទ្រទេវី សង្កាត់បឹងកក់ទី២ ខណ្ឌទួល។
សាក្សីបានឱ្យដឹងថា មុនពេលកើតហេតុ គេឃើញបុរសម្នាក់ជិះម៉ូតូមួយគ្រឿងពាក់ស្លាកលេខ ទ.៩៤៧៩ ភព១ តាមបណ្តោយផ្លូវលេខ ៥៧៤ ក្នុងទិសដៅពីកើតទៅលិច ដោយល្បឿនលឿន ។លុះពេលមកដល់ចំណុចផ្លូវកែង ក៍បុកចំកណ្តាលរថយន្តម៉ាកឡិចស៊ិស ៥៧០ពណ៌ខ្មៅ ពាក់ស្លាកលេខ ភ្នំពេញ ២BK-៧៧៩៩ដែលធ្វើដំណើរតាមផ្លូវលេខ ៣៣១ ក្នុងទិសដៅពីជើងទៅត្បូងបណ្តាលឱ្យអ្នកបើកបរម៉ូតូរងរបួសធ្ងន់បែកមុខ ដួលដេកនៅលើដងផ្លូវ ។ ចំណែករថយន្តរងការខូចខាតក្រពិតចំហៀងខាងឆ្វេង និងផ្ទុះពោងសុវត្តិភាព ។
ក្រោយពេលកើតហេតុ អ្នកបើកបរឡានបានហៅគ្នាមកចេញមុខសម្របសម្រួលជាមួយនគរបាលមូលដ្ឋាន ហើយគេបើករថយន្តចេញពីកន្លែងកើតហេតុបាត់ទៅ ។សមត្តកិច្ចបានយកម៉ូតូ ទៅរក្សាទុកនៅអធិការដ្ឋានខណ្ឌទួលគោក ដើម្បីប្រគល់ជូនម្ចាស់វិញ ។ជនរងគ្រោះត្រូវរថយន្តដឹកបញ្ជូនទៅកាន់មន្ទីរពេទ្យ ។
មហាជនរិះគន់ថា ទោះបីយ៉ាងណា សមត្ថកិច្ចត្រូវតែឃាត់រថយន្តម៉ាកឡិចស៊ិស៥៧០ របស់លោកឧត្តមសេនីយ៍ឯកម្នាក់នោះ ទុកនៅកន្លែងកើតហេតុ ដើម្បីដោះស្រាយគ្នាដែរ មិនគួរនាំគ្នាចុះបិទស្លាកលេខរថយន្ត រួចឲ្យបើកចេញពីកន្លែងកើតហេតុ ទៅបាត់បែបនេះទេ៕