នាយករដ្ឋមន្ត្រីដកតួនាទីរដ្ឋមន្ត្រីការបរទេសពីលោក សុខ ចិន្តាសោភា ឲ្យមកលោកប្រាក់សុខុនវិញ
26-December-2024 / ផ្សេងៗ
ភ្នំពេញ៖លោក ប្រាក់ សុខុន អនុប្រធានទី១ព្រិទ្ធសភានឹងមកកាន់តំណែងចាស់ជាឧបនាយករដ្ឋមន្ត្រី រដ្ឋមន្ត្រីក្រសួងការបរទេសវិញ ជំនួស លោក សុខ ចិន្តាសោភា ដែលនឹងត្រូវស្នើតែងតាំងជាឧបនាយករដ្ឋមន្ត្រីគ្មានក្រសួងតាមសំណើរនាយករដ្មមន្ត្រី។
រដ្ឋសភា នៅថ្ងៃទី១៩ ខែវិច្ឆិកា ឆ្នាំ២០២៤នេះ បានចេញប្រកាសផ្លូវការ អំពីកិច្ចប្រជុំពេញអង្គនៅព្រឹកថ្ងៃទី២០ ខែវិច្ឆិកា ឆ្នាំ២០២៤ ស្អែកនេះក្រោមអធិបតីភាពដ៏ខ្ពង់ខ្ពស់របស់ សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភា ដោយមានរបៀបវារៈដូចតទៅ៖ទី១៖ ការបោះឆ្នោតផ្តល់សេចក្តីទុកចិត្តលើការកែសម្រួល និងតែងតាំងបំពេញបន្ថែមសមាសភាពរាជរដ្ឋាភិបាល នៃព្រះរាជាណាចក្រកម្ពុជា ចំនួន២ រូប៖១៖ លោក ប្រាក់ សុខុន ជាឧបនាយករដ្ឋមន្ត្រី និងជារដ្ឋមន្ត្រីក្រសួងការបរទេស និងសហប្រតិបត្តិការ អន្តរជាតិ។២៖ លោក សុខ ចិន្តាសោភានៅត្រឹម ជាឧបនាយករដ្ឋមន្ត្រី។
ទី២៖ ការពិភាក្សា និងអនុម័តលើយោបល់ស្នើសុំកែសម្រួលចំណងជើងនិងបទប្បញ្ញត្តិនៃសេចក្តីព្រាងច្បាប់ ស្តីពី ការអនុម័តលុបចោលកិច្ចព្រមព្រៀងស្តីពីការជំរុញ និងសម្រួលពាណិជ្ជកម្មតំបន់ត្រីកោណ អភិវឌ្ឍន៍ កម្ពុជា-ឡាវ- វៀតណាម។ទី៣៖ ការពិភាក្សា និងអនុម័តសេចក្តីព្រាងច្បាប់ស្តីពី ការទូទាត់ថវិកាទូទៅរបស់រដ្ឋសម្រាប់ការគ្រប់គ្រងឆ្នាំ ២០២៣។
ទី៤៖ ការពិភាក្សា និងអនុម័តសេចក្តីព្រាងច្បាប់ស្តីពី ហិរញ្ញវត្ថុសម្រាប់ការគ្រប់គ្រងឆ្នាំ២០២៥។
នេះជាការកែសម្រួលសមាសភាពរាជរដ្ឋាភិបាល លើកទី២ហើយ ក្នុងរាជរដ្ឋាភិបាល អាណត្តិទី៧ ដឹកនាំដោយ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា ដែលលើកទី១ ត្រូវបានធ្វើឡើងកាលពីខែកញ្ញា ឆ្នាំ២០២៤ ដោយ លោក សុខ សូកេនកូនប្រសារលោកចមប្រសិទ្ធត្រូវ ផ្លាស់ពីរដ្ឋមន្ត្រីក្រសួងទេសចរណ៍ទៅជារដ្ឋមន្ត្រីក្រសួងអធិការកិច្ច ជំនួសលោក ហួត ហាក់ដែលត្រូវ ផ្លាស់ទៅជារដ្ឋមន្ត្រីក្រសួងទេសចរណ៍ជំនួស លោក សុខ សូកេនវិញ។ការផ្លាស់ប្តូរសមាសភាពសមាជិកគណរដ្ឋមន្ត្រីគឺស្រួលដូចបកចេកដោយក្នុងរដ្ឋសភាគណបក្សកាន់អំណាចមានសម្លេងភាគច្រើនដាច់ខាតរួចទៅហើយ។ការផ្លាស់ប្តូរនេះកន្លងមកត្រូវបានរាជរដ្ឋាភិបាលប្រកាសថាដើម្បីពង្រឹងប្រសិទ្ធិភាពការងារដែលមានន័យថាកាលមុនវាមិនទានរឹងទេ!.
ការផ្លាសប្តូរដ្ឋមន្ត្រីការបរទេសដកលោកសុខចិន្តាសោភាដែលគេមើលឃើញថាអសកម្មភាបនិងគ្មានគំនិតផ្តើមថ្មីៗនេះបានកើតឡើងក្នុងពេលដែលលោក តាន់ហ្សង់ ហ្វ្រង់ស័រ រដ្ឋមន្ត្រីប្រតិភូអមនាយករដ្ឋមន្ត្រីទទួលបន្ទុកកិច្ចការការបរទេស និងសហប្រតិបត្តិការអន្តរជាតិ បានលើកឡើងថា ការទូតសេដ្ឋកិច្ច នៅតែជាមុខព្រួញដ៏សំខាន់ជាងគេ នៃនយោបាយការបរទេសរបស់កម្ពុជា ដើម្បីឈានទៅរកប្រទេសចំណូលខ្ពស់ ក្នុងឆ្នាំ២០៥០។
តាមរយៈវេទិកាសារព័ត៌មានលើកទី៥ ស្ដីពី «សន្ដិភាពជាគ្រឹះទ្រទ្រង់ដំណើរឆ្ពោះទៅសម្រេចចក្ខុវិស័យកម្ពុជា ឆ្នាំ២០៥០» នៅល្ងាចថ្ងៃទី១៨ ខែវិច្ឆិកា ឆ្នាំ២០២៤នេះ លោក តាន់ហ្សង់ ហ្វ្រង់ស័រ បានឲ្យដឹងថា តាំងពីសង្គ្រាមត្រជាក់ចប់ដាច់ស្រេចមក ពិភពលោក និងតំបន់នីមួយៗនាំគ្នាដើរចេញពីសមរភូមិមនោគមវិជ្ជា នឹងចាប់ផ្ដើមការប្រឈមមុខដាក់គ្នាបែបសេដ្ឋកិច្ច-ពាណិជ្ជកម្ម ដោយគោលដៅដណ្ដើមគ្នាធ្វើអ្នកមាន។
លោករដ្ឋមន្ត្រីប្រតិភូអមនាយករដ្ឋមន្ត្រី បានថ្លែងយ៉ាងដូច្នេះថា «យុទ្ធសាស្ត្របញ្ចកោណ ដែលដាក់ចេញដោយសម្ដេចបវរធិបតី ហ៊ុន ម៉ាណែត នឹងដើរទៅរកចក្ខុវិស័យ២០៣០ និង២០៥០ មានគោលដៅធំតែមួយគត់ គឺសេដ្ឋកិច្ច [...] ម្លោះហើយនៅក្នុងបរិបទសកល នៅក្នុងបរិបទតំបន់ និងនៅក្នុងបរិបទកម្ពុជា ដែលឱ្យតម្លៃខ្លាំងណាស់ដល់សេដ្ឋកិច្ច, ការទូតសេដ្ឋកិច្ច គួរតែជាមុខព្រួញសំខាន់ជាងគេ នៃនយោបាយការបរទេសរបស់កម្ពុជា»។
លោក តាន់ហ្សង់ ហ្វ្រង់ស័រ បានគូសបញ្ជាក់ថា បើក្រឡេកទៅមើលការជាប់ឆ្នោតចុងក្រោយនេះរបស់ លោក Donald Trump នៅអាមេរិក អាចអះអាងថា តាមបណ្តារដ្ឋនានាក្នុងពិភពលោកបច្ចុប្បន្ន គឺមិនមែនសង្គ្រាមមនោគមវិជ្ជាទៀតនោះទេ ចំណុចសំខាន់គឺសេដ្ឋកិច្ច និងដណ្តើមគ្នាប្រមូលយកប្រយោជន៍មកចិញ្ចឹមកំណើនសេដ្ឋកិច្ចនៃប្រទេស មកកាត់បន្ថយភាពក្រីក្រនៅក្នុងប្រទេស និងមកលើកស្ទួយជីវភាពរបស់ប្រជាពលរដ្ឋរបស់ប្រទេសនីមួយៗរៀងៗខ្លួន។
លោកជឿជាក់ថា សម្ដេចមហាបវរធិបតី ហ៊ុន ម៉ាណែត នាយករដ្ឋមន្ដ្រីនៃកម្ពុជា នៅក្នុងបរិបទនេះ ដែលបាននិងកំពុងបន្តស្វែងរកនៅលើឆាកតំបន់ និងអន្តរជាតិ តាំងពីខែសីហាឆ្នាំ២០២៣មក គឺប្រយោជន៍សេដ្ឋកិច្ច តាមរយៈការទូតសេដ្ឋកិច្ចដែលអាចដឹកនាំកម្ពុជាឆ្ពោះទៅរកភាពរីកចម្រើន និងអភិវឌ្ឍន៍លើគ្រប់វិស័យ។
ក្នុងន័យនេះ លោក តាន់ហ្សង់ ហ្វ្រង់ស័រ បានអំពាវនាវដល់ប្រជាពលរដ្ឋខ្មែរដែលជាម្ចាស់ផ្ទះ គួររួបរួមគ្នាផ្សព្វផ្សាយពីមុខមាត់នៃកម្ពុជា ដើម្បីជាផលប្រយោជន៍ដល់ជាតិ និងឲ្យពិភពលោកដឹងថា កម្ពុជាជាប្រទេសមានសន្តិភាព សុខសុវត្ថិភាព និងស្នាមញញឺម ភាពស្លូតបូតការរាក់ទាក់បែបធម្មជាតិរបស់ប្រជាពលរដ្ឋខ្មែរ។សូមបញ្ជាក់ថាលោកប្រាក់សុខុនគឺជាមនុស្សដែសម្តេចតេជោហ៊ុនសែនបានសម្រួចសម្រាប់តួនាទីរដ្ឋមន្ត្រីក្រសួងការបរទេសសម្រាប់អាណត្តិទី៦ជំនួសលោកហោណាំហុងរដ្ឋមន្ត្រីការបរទេសដែលមានសុខភាពចុះខ្សោយ។
