អ្នកទោសជនជាតិវៀតណាមម្នាក់ ត្រូវបានបក្ខពួកកាន់កាំភ្លើងចូលមករំដោះចេញពីពន្ធនាគារខេត្តស្វាយរៀងដោយសុវត្ថិភាព!
27-October-2025 / សន្តិសុខសង្គម
ស្វាយរៀង៖ អ្នកទោសជនជាតិវៀតណាមម្នាក់ ដែលជាប់ឃុំនៅពន្ធនាគារស្ថិតភូមិស្រះវង់ សង្កាត់ស្វាយរៀង ខេត្តស្វាយរៀង ត្រូវបក្ខពួកចូលទៅរំដោះទាំងថ្ងៃ ដឹកចេញតាមម៉ូតូដោយសុវត្ថិភាពនៅវេលាម៉ោងប្រមាណ ៤៖២៥នាទីរសៀលថ្ងៃទី២៨ ខែតុលា ឆ្នាំ២០២៤ នៅខាងមុខពន្ធនាគារខេត្តស្វាយរៀង។
ក្រោយហេតុការណ៍នេះគេឃើញមាន កម្លាំងសមត្ថកិច្ចការិយាល័យព្រហ្មទណ្ឌ នៃស្នងការដ្ឋាននគបាលខេត្តស្វាយរៀង សហការជាមួយកម្លាំងនគរបាលក្រុងស្វាយរៀង និងមន្ត្រីពន្ធនាគារខេត្ត បានចុះស្រាវជ្រាវ រកបក្ខពួកអ្នកទោស រហូតដល់វេលាម៉ោង ៥៖៣០នាទីល្ងាចថ្ងៃទី២៨ ខែតុលា ទើបបានកំណត់ទីតាំងមុខសញ្ញាស្នាក់នៅផ្ទះសំណាក់ចំនួន២គឺផ្ទះសំណាក់ចំរើនសុវណ្ណវត្តីមានលាភ និងផ្ទះសំណាក់ សុខហេង ហើយសមត្ថកិច្ចបានធ្វើការឡោមព័ទ្ធតែម្តង។
នៅវេលាម៉ោង ៦៖៣០នាទីយប់ថ្ងៃទី២៨ ខែតុលា សមត្ថកិច្ចបានចូលពិនិត្យផ្ទះសំណាក់ សុខហេង, ជាលទ្ធផលឃាត់ខ្លួនជនជាតិវៀតណាមចំនួន០៣នាក់ (ស្រី២នាក់) យកទៅសាកសួរនៅការិយាល័យព្រហ្មទណ្ឌកម្រិតធ្ងន់ នៃស្នងការដ្ឋាននគបាលខេត្តស្វាយរៀង តែអ្នកទោសដែលជាប់ឃុំនោះរកមិនទាន់ឃើញនោះទេ។ចំណែកជនជាតិវៀតណាមចំនួន២នាក់ទៀត (ស្រីម្នាក់) បានទៅជួលផ្ទះសំណាក់ចំរើនសុវណ្ណវត្តីមានលាភ បាន១អាទិត្យមកហើយ ដែលស្ត្រីរូបនេះទំនងជាប្រពន្ធរបស់អ្នកជាប់ឃុំ។ ឯជនជាតិវៀតណាមដែលជាប់ឃុំត្រុវបានរំដោះនោះ ពាក់ព័ន្ធបទល្មើសរក្សាទុកអាវុធ គ្រាប់រំសេវដោយខុសច្បាប់ ដែលប្រព្រឹត្តិនៅក្រុងបាវិត។
ចំណែកជនជាតិវៀតណាមចំនួន២នាក់ទៀត (ស្រីម្នាក់) បានទៅជួលផ្ទះសំណាក់ចំរើនសុវណ្ណវត្តីមានលាភ បាន១អាទិត្យមកហើយ ដែលស្ត្រីរូបនេះទំនងជាប្រពន្ធរបស់អ្នកជាប់ឃុំ។ ជនជាតិវៀតណាមដែលជាប់ឃុំនោះ ពាក់ព័ន្ធបទល្មើសជួញដូរគ្រឿងញៀន និងរក្សាទុកអាវុធ គ្រាប់រំសេវដោយខុសច្បាប់ ដែលប្រព្រឹត្តិនៅក្រុងបាវិត។មន្ត្រីអនុរក្សពន្ធនាគារខេត្តស្វាយរៀងម្នាក់ បានបង្ហើបប្រាប់អ្នកសារព័ត៌មានថា មុនដំបូងមានជនជាតិវៀតណាមម្នាក់ភេទប្រុស បានមកសុំមន្ត្រីនគរបាលយាមពន្ធនាគារ សុំជួបសួរសុខទុក្ខអ្នកទោសដែលជាប់ឃុំ ពេលនោះមន្ត្រីយាមពន្ធនាគារបាននាំជនអ្នកទោស ពីក្នុងពន្ធនាគារនៅទ្វារខាងមុខ។
ខណៈដែលអ្នកជាប់ឃុំដើរដល់មាត់ទ្វារខាងមុខ ស្រាប់តែបក្ខពួកដែលមកសួរសុខទុក្ខ បានដកអាវុធខ្លីភ្ជង់មន្ត្រីពន្ធនាគារ ហើយពេលនោះជនដែលជាប់ទោស បានកញ្ឆក់យកអាវុធខ្លីពីបក្ខពួករបស់ខ្លួន រួចកេះកៃកាំភ្លើងបាញ់ទៅលើ មន្ត្រីពន្ធនាគារសំណាងល្អ អត់ផ្ទុះ បើផ្ទុះមិនដឹងថាវាសនាយ៉ាងណានោះទេ។ភ្លាមៗជនទាំងពីរនាក់ បានឡើងជិះម៉ូតូចេញទៅ ហើយត្រូវបានមន្ត្រីអនុរក្សពន្ធនាគារម្នាក់ថ្នាក់វរសេនីយ៍ រត់ដេញតាមម៉ូតូពួកគេ ហើយក៏មានមន្ត្រីនគរបាលម្នាក់ស្រែកថា វាមានកាំភ្លើង ប្រយ័ត្ន ខណៈនោះមន្ត្រីនគរបាលរូបនោះ ភ័យក៏ឱនក្រាបទៅលើដី ជាឱកាសជនសង្ស័យបានបើកម៉ូតូឌុបគ្នាគេចខ្លួនបាត់ដោយសុវត្ថិភាព។ បើតាមសមត្ថកិច្ច បានមើលរូបតាមកាម៉ារាសុវត្ថិភាព ឃើញជនសង្ស័យជិះម៉ូតូ ពណ៌ស ជាម៉ូតូ ផលិតនៅប្រទេសវៀតណាម។
ម្ចាស់ផ្ទះសំណាក់សុខហេង បានឲ្យដឹងថា មានជនជាតិវៀតណាម៥នាក់ (ស្រី៣នាក់) បានមកជួលបន្ទប់ស្នាក់នៅចំនួន៣បន្ទប់ រយៈពេលកន្លះខែមកហើយ គឺតាំងបុណ្យឆ្លងបុណ្យភ្ជំបិណ្ឌរួច ហើយឃើញដាំបាយធ្វើម្ហូប សម្រាប់មនុស្ស៨-៩នាក់ យកទៅឲ្យអ្នកជាប់ឃុំនៅពន្ធនាគារខេត្តស្វាយរៀងរាល់ថ្ងៃ។ ចំពោះជនជាតិវៀតណាមស្រីប្រុស២នាក់ មកស្នាក់នៅបាន១អាទិត្យ ក៏បានចេញទៅជួលផ្ទះសំណាក់ចំរើនសុវណ្ណវត្តីមានលាភស្នាក់នៅ ដោយនិយាយថា ផ្ទះសំណាក់សុខហេងថ្លៃ។
ចំណែកម្ចាស់ផ្ទះសំណាក់ចំរើនសុវណ្ណវត្តីមានលាភ បានប្រាប់អ្នកសារព័ត៌មាននារសៀលថ្ងៃទី២៩ ខែតុលាថា នេះជាការសោកស្តាយ មានភ្ញៀងបរទេស (ជនជាតិវៀតណាមមកស្នាក់រយៈពេល៧ថ្ងៃ) ហើយប្អូនគាត់មិនបានថត ប៉ាស្ព័រភ្ញៀវជនជាតិវៀតណាមទាំងពីរនាក់ទុក ដោយកន្លងមកផ្ទះសំណាក់របស់គាត់ ពុំមានភ្ញៀវចូលស្នាក់នៅច្រើនទេ គឺមានតែភ្ញៀវប្រចាំមកដាក់ទំនិញ រាល់ថ្ងៃមកសម្រាក និងមានកូនសិស្សមកគេងទើបច្រឡោះប្រហោង មិនបានថតប៉ាសស្ព័រទុក នេះជាមេរៀនសម្រាប់លើកក្រោយៗទៀត។សូមបញ្ញាក់ថាការរំដោះអ្នកទោសនេះជាករណីយ៍ទី២បន្ទាប់ពីមានការរំដោះង្នកទោសគ្រឿងញៀននៅខេត្តសៀមរាប។តែករណីយ៍នោះសមត្តកិច្ចតាមស្រាវជ្រាវចាប់បានវិញទាំងអស់ហើយទើបកាត់ទោសកាលពីប៉ុន្មានថៃមុននេះ។
