រយៈពេល​៣​ថ្ងៃ​ភ្នំពេញ និង​បណ្ដា​ខេត្ត​មួយចំនួន មាន​ភ្លៀង​ធ្លាក់​លាយឡំ​បាតុភូត​ផ្គរ រន្ទះ និង​ខ្យល់​កន្ត្រាក់ ព​១០​ទៅ​៣០​ភាគរយ

​ភ្នំពេញ​៖ ក្រសួង​ធនធានទឹក និង​ឧតុនិយម បានឱ្យដឹងថា​ខ្យល់​សម្ពាធ​ទាប​គ្របដណ្តប់​មកលើ​ឈូង​សមុទ្រ​ថៃ ព្រះរាជាណាចក្រ​កម្ពុជា ភាគ​កណ្តាល នៃ​អាង​ទន្លេមេគង្គ និង​សមុទ្រ​ចិន​ខាងត្បូង​។​
​ស្ថានភាព​បែបនេះ​បង្ក​ឲ្យ ចាប់ពី​ថ្ងៃទី​២៤ ដល់​ថ្ងៃទី​២៦ ខែឧសភា ឆ្នាំ​២០២៤ នៅ​​តំបន់​វាលទំនាប មាន​សីតុណ្ហភាព​អប្បបរមា​២៤°C និង​សីតុណ្ហភាព​អតិបរមា​៣៥°C ។

ខ្យល់​បក់​មកពី​ទិស អាគ្នេយ៍ និង​ទិសនិរតី មាន​ល្បឿន​មធ្យម ២​ម៉ែត្រ​វិនាទី​។ ខេត្តបន្ទាយមានជ័យ សៀមរាប ប៉ៃលិន បាត់ដំបង ពោធិ៍សាត់ កំពង់ឆ្នាំង កំពង់ធំ ស្វាយរៀង ព្រៃវែង កណ្តាល កំពង់ស្ពឺ តាកែវ និង​ភ្នំពេញ អាចមាន​ភ្លៀង​ធ្លាក់​ជាមួយ​ផ្គរ រន្ទះ និង​ខ្យល់​កន្ត្រាក់​គ្របដណ្តប់​លើ​ផ្ទៃដី ពី​១០-៣០%​។​​ឯ​នៅ​តំបន់​ខ្ពង់រាប មាន​សីតុណ្ហភាព​អប្បបរមា​២៤°C និង​សីតុណ្ហភាព​អតិបរមា​៣៥°C​។

ខ្យល់​បក់​មកពី​ទិសបស្ចិម និង​ទិសនិរតី មាន​ល្បឿន​មធ្យម ២,៥ ម៉ែត្រ​/​វិនាទី​។ ខេត្តកំពង់ចាម ត្បូងឃ្មុំ ព្រះវិហារ ក្រចេះ ស្ទឹងត្រែង រតនគិរី មណ្ឌល់គិរី អាចមាន​ភ្លៀង​ធ្លាក់​ជាមួយ​ផ្គរ រន្ទះ និង​ខ្យល់​កន្ត្រាក់​គ្របដណ្តប់ លើ​ផ្ទៃដី​ពី​១០%-២០%​។​​ចំណែក​នៅ​តំបន់​មាត់សមុទ្រ​មាន សីតុណ្ហភាព​អប្បបរមា​២៤°C និង​សីតុណ្ហភាព​អតិបរមា​៣៤°C​។ ខ្យល់​បក់​មកពី​ទិសនិរតី មាន​ល្បឿន មធ្យម​២,៥​ម៉ែត្រ វិនាទី​។ ខេត្តកោះកុង ព្រះសីហនុ កំពត កែប អាចមាន​ភ្លៀង ផ្គរ និង​ខ្យល់​កន្ត្រាក់ គ្របដណ្តប់​លើ​ផ្ទៃដី​ពី​១០%-២០%​។​​រីឯ​រលក​សមុទ្រ​មាន​កម្ពស់​មធ្យម​អប្បបរមា​០,៥០​ម៉ែត្រ និង​កម្ពស់​មធ្យម​អតិបរមា​១,៥០​ម៉ែត្រ​ 

​