វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 332 នាក់
ម្សិលមិញ 6001 នាក់
សរុប 13873162 នាក់
បរទេស៖ ការញ៉ាំអាហារពេលល្ងាចមុនម៉ោង ៩យប់ គឺអាចកាត់បន្ថយ ហានិភ័យនៃជំងឺមហារីកសុដន់ និងជំងឺមហារីកក្រពេញប្រូស្តាត កម្រិតទី៥បាន។សារព័ត៌មាន Daily Mail បានចេញផ្សាយថា ការសិក្សាទៅលើមនុស្សជាង ៤.០០០នាក់ បានបង្ហាញថា ការអង្គុយចុះហើយទទួលទាន អាហារពេលល្ងាច យ៉ាងហោចណាស់ពីរម៉ោង មុនពេលចូលគេង គឺអាចកាត់បន្ថយឱកាស នៃការកើតជំងឺមហារីក ទាំងពីរប្រភេទបាន។
ផ្ទុយវិញតាមការស្រាវជ្រាវ វាយតម្លៃថា ការញ៉ាំអាហារយឺតពេល នៅពេលយប់ បណ្តាលអោយមានការរលាក នៅក្នុងរាងកាយ និងធ្វើឱ្យកម្រិតជាតិស្ករ ក្នុងឈាមប្រែប្រួល។
អ្នកស្រាវជ្រាវដែលដឹកនាំដោយ វិទ្យាស្ថានវិទ្យាសាស្ត្រសុខាភិបាល សកលលោក នៅទីក្រុង Barcelona ប្រទេស អេស្ប៉ាញ បានរកឃើញ ការញ៉ាំមុនម៉ោង ៩យប់ ប្រៀបធៀបនឹងការញ៉ាំអាហារ ពេលល្ងាចក្រោយម៉ោង ១០យប់ អាចកាត់បន្ថយហានិភ័យ នៃជំងឺមហារីកក្រពេញប្រូស្តាត ចំពោះបុរស និងជំងឺមហារីកសុដន់ សម្រាប់ស្ត្រី គិតជាមធ្យមបាន ១៨ភាគរយ។
ការទុកពេលឲ្យនៅទំនេរជាងពីរម៉ោង នៅចន្លោះអាហារពេលល្ងាច និងពេលចូលគេង ប្រៀបធៀបទៅនឹងការចូលគេងឆាប់ ក្រោយពេលញ៉ាំអាហារនោះ គឺអាចកាត់បន្ថយអត្រា នៃជំងឺមហារីកទាំង២ បាន២០ភាគរយ៕