វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 125 នាក់
ម្សិលមិញ 5168 នាក់
សរុប 16012259 នាក់
ភ្នំពេញ៖បុរសម្នាក់បានស្លាប់ក្នុងរថយន្ត ក្រោយពីបានបើកលឿនជ្រុលបុកក្បាលនាគពុះចែកទ្រូងផ្លូវពេញទំហឹង កាលពីវេលាម៉ោង៣៖៤០នាទីទៀបភ្លឺ ថ្ងៃទី២ ខែតុលា ឆ្នាំ២០១៨ នេះ នៅចំណុចមុខផ្សារទួលគោក តាមបណ្តោយផ្លូវ២៨៩ ក្នុងសង្កាត់បឹងកក់២ ខណ្ឌទួលគោក ។
សមត្ថកិច្ច បញ្ជាក់ថា ជនរងគ្រោះមានឈ្មោះអេន សៅ ភេទប្រុស អាយុ២៥ឆ្នាំ មានស្រុកកំណើត នៅភូមិ៥ ឃុំព្រែកតានង់ ស្រុកកោះសូទិន ខេត្តកំពង់ចាម។
អ្នកឃើញហេតុការណ៍ បញ្ជាក់ថា គេឃើញបុរសម្នាក់បើករថយន្តព្រូសមួយគ្រឿងពណ៌ទឹកប្រាក់គ្មានផ្លាកទំនងទើបទិញព្រោះគ្មានស្លាកលេខទិសដៅពីត្បូងទៅជើងក្នុងល្បឿនយ៉ាងលឿន ។
លុះមកចំណុចកើតហេតុ បាន ជ្រុលទៅបុកក្បាលនាគពុះចែក ទ្រូងផ្លូវពេញទំហឹងលាន់ដូចរន្ទះ បណ្តាលឱ្យជនរងគ្រោះបុកក្បាលបាក់ កស្លាប់យ៉ាងអាណោចអាធ័ម ។ ចំណែករថយន្តបង្កខ្ទេចផ្នែកខាងមុខស្ទើរតែទាំងស្រុងនិងឆាបឆេះយ៉ាងសន្ធោសន្ធៅត្រូវបានរថយន្តពន្លត់អគ្គិភ័យនៃអធិការដ្ឋាននគរបាលខណ្ឌទួលគោកចេញមកអន្តរាគមន៍ចំនួន២គ្រឿងបាញ់ពន្លត់ទាន់ពេលវេលា។
ក្រោយកើតហេតុសមត្ថកិច្ចមូលដ្ឋានបានចុះមកដល់ហើយបានទំនាក់ទំនងទៅសមត្ថកិច្ចជំនាញមកធ្វើ ឯកសាររួចបានដឹកសពយកទៅតម្កល់ទុកនៅវត្តទឹកថ្លារង់ចាំសាច់ញាតិមកទទួលយកទៅធ្វើបុណ្យតាមប្រពៃណី។មានការកត់សម្គាល់ថាមួយរយៈនេះមានរថយន្តជាច្រើនបានបុករបាំងបែកចែកផ្លូវដែលអ្នកខ្លះសន្និដ្ឋានថាមិនពីសាលាក្រុងកែសម្រួលរបាំងចែលផ្លូវម្ខាងតូចម្ខាងធំហើយមិនបានដាក់ភ្លើងសញ្ញាទៀតពេលយប់។ចឹងអ្នកបើកបរអាងតែផ្លូងត្រង់ហើយបើកឡៀនទៀតក៏ជួបគ្រោះថ្នាក់តែម្តងទៅ៕