វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 588 នាក់
ម្សិលមិញ 3717 នាក់
សរុប 14148921 នាក់
ភ្នំពេញ៖ កាលពី ល្ងាច ថ្ងៃទី១៤ខែកុម្ភៈ ឆ្នាំ២០២៣ នៅចំណុចស្ថានីយប្រេងឥន្ទនៈPtt តាមបណ្តោយផ្លូវជាតិលេខ៣ ភូមិព្រៃព្រីងត្បូង២ សង្កាត់ចោមចៅទី៣ ខណ្ឌពោធិ៍សែនជ័យមានគ្រោះថ្នាក់ចរាចរបង្កឡើងដោយឡានព្រូសបើកដោយជនជាតិចិន។ប្រភពបានឲ្យដឹងថាមុនពេលកើតហេតុគេបានឃើញបុរសម្នាក់ជិះម៉ូតូស្គូពី ពណ៌ស ពាក់ស្លាកលេខភ្នំពេញ1JV-7203 ឌុបកូនតូចម្នាក់ធ្វើដំណើរតាមបណ្តោយផ្លូវជាតិលេខ៣ ក្នុងទិសដៅពីជើងទៅត្បូង។
មកដល់ចំណុចមុខស្ថានីយប្រងPtt ស្រាប់តែមានរថយន្តម៉ាកព្រូស ពណ៌ទឹកប្រាក់ ពាក់ស្លាកលេខភ្នំពេញ2AS-2976 បើកបរដោយបុរសជនជាតិចិនម្នាក់ធ្វើដំណេីរមកពីក្រោយបុកពេញទំហឹងបណ្តាលឱ្យបុរសអ្នកជិះម៉ូតូរងរបួសបាក់ជេីងម្ខាង ចំណែកកូនតូចរងរបួសស្រាល។ បន្ទាប់មករថយន្តបង្កក៏ព្យាយាមបើកគេចខ្លួនបានប្រហែល២០០ម៉ែត្រក៏ជ្រុលទៅបុករ៉ឺម៉កម៉ូតូលក់ខោអាវជជុះបណ្តាលឱ្យក្រឡាប់ផ្ងារជើង ហើយរថយន្តបង្កនៅតែមិនព្រមឈប់ទទួលកំហុសព្យាយាមបើករត់ទៀត។តែរត់បានប្រហែល១គីឡូម៉ែត្រពលរដ្ឋដេញឃាត់បានតែម្តង។សមត្ថកិច្ចបានចុះទៅនាំខ្លួនម្ចាស់រថយន្តបង្កទៅប៉ុស្តិ៍នគរបាលរង់ចាំដោះស្រាយនៅពេលក្រោយ៕