វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3124 នាក់
ម្សិលមិញ 6677 នាក់
សរុប 14150700 នាក់
ប្រទេសថៃ៖កាំភ្លើងយន្តជិត៤០ដើម និងគ្រាប់រំសែវរាប់រយក្រាប់ត្រូវបានក្រុមទាហានឈុតខ្មៅថៃដើរល្បាតប្រទះឃើញច្រកបាវលាក់ទុកក្នុងដីចម្ការមួយកន្លែង ស្ថិតក្នុងទឹកដីថៃ ចម្ងាយប្រហែល៦០០ម៉ែត្រ ពីអូរព្រំដែនកម្ពុជា-ថៃ ។ ប្រភពពីមន្ត្រីការពារព្រំដែនខ្មែរបានឲ្យសែតដឹងថា៖អាវុធយុទ្ធភ័ណ្ឌទាំងនោះត្រូវក្រុមទាហានឈុតខ្មៅថៃ ប្រទះឃើញនៅក្នុងចម្ការមួយកន្លែង ដោយមានគ្របសំរាម និងស្លឹកឈើ កាលពីរសៀលថ្ងៃទី២២ មករា ស្ថិតក្នុងស្រុកសយដាវ ស្រុកចន្ទបុរី ប្រទេសថៃ ឈមនឹងស្រុកភ្នំព្រឹក ខេត្តបាត់ដំបង ដែលមានចម្ងាយប្រហែល៦០០ម៉ែត្រ ពីអូរព្រំដែនកម្ពុជា-ថៃ ។
របាយការណ៍បឋម ដែលមន្ត្រីព្រំដែនខ្មែរ បានស្រង់ពីភាគីថៃ បានឲ្យដឹងថា អាវុធយុទ្ធភ័ណ្ឌដែលក្រុមទាហានថៃ រកឃើញនោះរួមមាន ១-កាំភ្លើង M-16 ចំនួន១៥ដើម២-ភាំភ្លើងAK-47 ចំនួន២២ដើម
៣-កាំភ្លើងយន្ត 12,7 ចំនួន១ដើម៤-គ្រាប់កាំភ្លើងយន្ត 12,7 ចំនួន៥១០គ្រាប់ ។គេពុំទាន់ដឹងនៅឡើយទេថា តើអាវុធយុទ្ធភ័ណ្ឌទាំងនេះចេញពីប្រភពណានៅឡើយទេ ? សមត្ថកិច្ចថៃ និងកម្ពុជា បាននិងកំពុងជួបពិភាក្សាគ្នា ដើម្បីស្រាវជ្រាវស្វែងរកប្រភពអាវុធនេះ ។
សូមបញ្ជាក់ថាករណិយ៍អាវុធចឹងដែរកាលពីខែវិច្ឆិកាឆ្នាំ២០២១ក៏ត្រូវប្រជាពលរដ្ឋប្រទះឃើញនិងរាយការណ៍ឲ្យសមត្តកិច្ចស្រុកភ្នំព្រឹកខេត្តបាត់ដំបងផងដែរ។ករណីយ៍អាវុធប្រមាណជិត៥០ដើមនិងគ្រាប់រំសេវនេះ
កងរាជអាវុធហត្ថលើផ្ទៃប្រទេស សហការជាមួយកម្លាំងនគរបាលចាប់ឃាត់ខ្លួន មន្ដ្រីយោធាចំនួន៣នាក់ ពាក់ព័ន្ធការរក្សាទុក និងជួញដូរអាវុធដោយខុសច្បាប់ ដែលសមត្ថកិច្ចរកឃើញលាក់ទុក៣៣ដើម នៅក្នុងចំការមៀន ស្ថិតក្នុងស្រុកភ្នំព្រឹក ខេត្តបាត់ដំបង។ មន្ដ្រីយោធាទាំង៣នាក់នេះ ត្រូវបានសមត្ថកិច្ចចាប់ខ្លួននៅយប់ថ្ងៃទី១៩ និង២០ ខែវិច្ឆិកា ឆ្នាំ២០២១។
នាយឧត្តមសេនីយ៍ សៅ សុខា មេបញ្ជាការកងរាជអាវុធហត្ថលើផ្ទៃប្រទេស បានឱ្យកាសែតដឹងថា មន្ដ្រីយោធា២នាក់ ត្រូវបានចាប់ខ្លួន នៅខេត្តសៀមរាប និងម្នាក់ទៀតចាប់ខ្លួននៅលង្វែក (កំពង់ឆ្នាំង)។មន្ត្រីយោធា៣នាក់ដែលបានចាប់ខ្លួនរួមមាន៖ ទី១៖ ឈ្មោះ អូន ពិសិដ្ឋ ពាក់ផ្កាយ១ បម្រើការងារនៅអគ្គនាយកដ្ឋានសម្ភារៈបច្ចេកទេស ក្រសួងការពារជាតិ, ទី២៖ មន្ត្រីយោធាជាអតីតអនុប្រធានផ្នែកសឹករង ទី៣៖ ជាមន្ត្រីយោធាធម្មតា។ អ្នកទាំង៣ បានបញ្ជូនទៅកាន់តុលាការហើយ ដើម្បីកាត់ទោសតាមច្បាប់ ពាក់ព័ន្ធការជួញដូរអាវុធខុសច្បាប់។សូមជម្រាបថា នៅល្ងាចថ្ងៃទី១២ ខែវិច្ឆិកា ឆ្នាំ២០២១ សមត្ថកិច្ចរកឃើញអាវុធចំនួន៣៣ដើម ក្នុងចំការមៀនមួយកន្លែង នៅស្រុកភ្នំព្រឹក ខេត្តបាត់ដំបង។ អាវុធចំនួន៣៣ដើម ដែលសមត្ថកិច្ចរកឃើញនោះជាប្រភេទ AK ស្វាយឈើចំនួន៣០ដើម បង់៤០បង់ និងអាវុធ M79 ចំនួន០៣ដើម៕