វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2866 នាក់
ម្សិលមិញ 3717 នាក់
សរុប 14151199 នាក់
ភ្នំពេញ៖ ក្មេងប្រុសអាយុ៥ឆ្នាំម្នាក់ ដែលបានទៅរាវលៀសជាមួយឪពុកម្តាយ បែជាលង់ទឹកលិចបាត់ខ្លួននៅក្នុងស្រះទឹករណ្ដៅដីមួយកន្លែងរយៈពេល១យប់១ថ្ងៃទើបកម្លាំងបញ្ជាការដ្ឋានទ័ពពិសេសលេខ៩១១ស្រង់សពក្មេងរងគ្រោះបាន កាលពីវេលាម៉ោង ១០:៤៥នាទីព្រឹកថ្ងៃទី៨ ខែមេសា ២០២៤ ស្ថិតនៅចំណុចស្រះទឹករណ្តៅដីមួយកន្លែង ភូមិខាងលិចវត្ត សង្កាត់កំបូល ខណ្ឌកំបូល រាជធានីភ្នំពេញ។ ក្មេងរងគ្រោះឈ្មោះ ង៉ាន់ សុខម៉េងលាង ហៅក្រង៉ោល ភេទប្រុស អាយុ៥ឆ្នាំ ។
ឪពុកម្ដាយក្មេងរងគ្រោះ បានឱ្យដឹងថា នៅមុនពេលកើតហេតុពួកគាត់ទំនេរពីការងារធ្វើការរោងចក្រឈ្លៀតពេលនាំគ្នាទៅរាវលៀស ដើម្បីយកធ្វើម្ហូប ។ពេលរៀបចំចុះរាវក្នុងស្រះទឹករណ្ដៅដីនោះបានឱ្យកូននៅខាងលើគោក ស្រាប់តែភ្លេចខ្លួនមួយភ្លែតកូនបានចុះលេងទឹកបណ្ដាលឱ្យលង់លិចបាត់ខ្លួនក៏បាននាំគ្នាមុជទឹករាវរកនៅតែរកមិនឃើញ ក៏ស្រែកឆោឡោប្រាប់ឱ្យគេឯងជួយផ្អើលដល់អ្នកភូមិពីរមួយទៅមួយនាំគ្នាមកចុះរុករកអស់ជាច្រើនម៉ោងនៅតែរកមិនឃើញ។ក្រោយពេលកើតហេតុទើបនាំគ្នារត់ទៅប្ដឹងអាជ្ញាធរសមត្ថកិច្ចមូលដ្ឋានទាក់ទងបន្តទៅផ្នែកជំនាញបញ្ជាការដ្ឋានទ័ពពិសេសលេខ៩១១ ដើម្បីឱ្យមកជួយអន្តរាគមន៍បន្ត។ ឪពុកម្ដាយបានត្រឹមយំសោកស្រែកហៅកូនឱ្យត្រឡប់មកវិញស្ទើរតែសន្លប់ម្ដងៗទៅហើយ។
ខាងផ្នែកជំនាញបញ្ជាការដ្ឋានទ័ពពិសេសេលេខ៩១១ បានចុះធ្វើការស្រាវជ្រាវមុចទឹករុករកអស់ជាច្រើនម៉ោងនៅតែរកសពក្មេងរងគ្រោះមិនឃើញ ដោយសារស្រះទឹករណ្ដៅដីខាងលើជ្រៅរហូតជិត១០ម៉ែត្រ ពិបាកក្នុងការរកដោយសារទីតាំងងងឹតក៏ដកកម្លាំងត្រឡប់ទៅគោលដៅវិញរងចាំព្រឹកស្អែកធ្វើការស្រាវជ្រាវរកបន្តទៀត។នៅព្រឹកថ្ងៃទី៨ ខែមេសា កម្លាំងបញ្ជាការដ្ឋានទ័ពសេសលេខ៩១១ ក៏បានបន្តដាក់អូបរ័នមួយគ្រឿង និងដាក់កម្លាំងចុះមុជទឹករុករករហូតដល់ម៉ោង ១០:៤៥នាទី ខែឆ្នាំដដែលទើបស្រងសពក្មេងប្រុសរងគ្រោះបាន ហើយប្រគល់សពទៅឱ្យសមត្ថមូរដ្ឋាន រួចប្រគល់សពឱ្យទៅក្រុមគ្រួសារ។ចឹងបានថារណ្តៅដីដែលសមត្តកិច្ចអនុញ្ញាត់ឲ្យឈ្មួញជីកខុសស្តង់ដាមានផលវិបានចឹង។