វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3700 នាក់
ម្សិលមិញ 10264 នាក់
សរុប 14142882 នាក់
ភ្នំពេញ៖ បុរសម្នាក់មានមុខរបរជាជាងកាត់សក់ត្រូវបានអ្នកជិតខាងបាញ់មួយគ្រាប់ បណ្តាលឱ្យប្រកាច់ស្លាប់ភ្លាមៗ នៅមុខផ្ទះរបស់ខ្លួននាម៉ោងជាង១០យប់ថ្ងៃទី២៦ ខែសីហា ឆ្នាំ២០២០នេះ នៅចំហៀងសាលាបឋមសិក្សាទួលគោក ស្ថិតក្នុងសង្កាត់បឹងកក់ទី២ ខណ្ឌទួលគោក។
ជនរងគ្រោះឈ្មោះ សុខ សុកេន មានដើមកំណើតជាខ្មែរក្រោម (ភូមិដើមអំពិល ស្រុកជ្រោយ ញ ខេត្តឃ្លាំង-កម្ពុជាក្រោម) អាយុ ៣៤ ឆ្នាំ ស្នាក់នៅកន្លែងកើតហេតុខាងលើ មានប្រពន្ធ និងកូនស្រី ៤ នាក់ បច្ចុប្បន្នរស់នៅភូមិឡកំបោរ សង្កាត់ស្វាយប៉ាក ខណ្ឌឫស្សីកែវ រាជធានីភ្នំពេញ ។ ចំណែកជនសង្ស័យឈ្មោះលី ថារិយ ជាអតីតមន្ត្រីនគរបាលខណ្ឌដូនពេញ (ក្រោយមក ព្រោះការប្រព្រឹត្តខុស នឹងវិន័យ ក៏ត្រូវបានដកមកបញ្ឈរជើង នៅស្នងការដ្ឋាននគរបាលរាជធានីភ្នំពេញវិញ) បានរត់គេចខ្លួនបាត់ ក្រោយបង្កហេតុ ។ក្រោយកើតហេតុកម្លាំងសមត្ថកិច្ចបានចុះដល់កន្លែងកើតហេតុ និងបើកការស្រាវជ្រាវរឿងហេតុឃាតកម្មនេះទៅតាមជំនាញរបស់ខ្លួនដោយការយកចិត្តទុកដាក់ខ្ពស់។