វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1962 នាក់
ម្សិលមិញ 3717 នាក់
សរុប 14150295 នាក់
ភ្នំពេញ៖ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ដ្រីនៃកម្ពុជា បានចេញអនុក្រឹត្យតែងតាំងលោក ជិន ប៊ុនធឿន ជាអភិបាលខណ្ឌឫស្សីកែវ ជំនួសលោក ឯក ឃុនដឿន ដែលត្រូវផ្ទេរភារកិច្ចជាអភិបាលរងរាជធានីភ្នំពេញ។ អនុក្រឹត្យដែលបណ្ដាញព័ត៌មាន ទទួលបាននៅថ្ងៃទី០៩ ខែមីនា ឆ្នាំ២០២៤។
មុនត្រូវបានតែងតាំង លោក ជិន ប៊ុនធឿន មានតួនាទីជានាយករងរដ្ឋបាលរាជធានីភ្នំពេញ និងជានាយកប្រតិបត្តិសាខាកាកបាទក្រហមកម្ពុជារាជធានីភ្នំពេញ។ពិធីប្រកាសចូលកាន់តំណែងនោះ អាចនឹងធ្វើឡើងនៅថ្ងៃទី១២ ខែមីនា ឆ្នាំ២០២៤ខាងមុខ ក្រោមអធិបតីភាព លោក ម៉ប សារិន ប្រធានក្រុមប្រឹក្សារាជធានីភ្នំពេញ និងលោក ឃួង ស្រេង អភិបាលរាជធានីភ្នំពេញ។តាមការកត់សម្គាល់មនុស្សទាំងពីរនាក់នេះគឺសុទ្ធតែមានបង្អែករឹងមាំទើបអាចឡើងតួនាទីបាន។សម្រាប់លោកឯកឃុនឌឿនដែលនឹងត្រូវឡើងទៅថ្វើជាអភបាលរងរាជធានីភ្នំពេញត្រូវបានគេស្គាល់ថាជាកូនលោកឯកសំអុលអតីតប្រធានក្រុមប្រឹក្សារដ្ឋធម្មនុញ្ញនិងជាសមាជីកអចិន្ត្រៃយ៍គណបក្សប្រជាជន។
ប្រការនេះចង់ឬមិនចង់ថ្ងៃខាងមុខលោកឯកឃុនឌឿនអាចនឹងឡើងជាអភិបាលរាជធានីភ្នំពេញក៏អាចថាបាន។ព្រោះលោកឃួងស្រេងបានកាន់តំណែងជាអភិបាលរាជធានីភ្នំពេញ៧ឆ្នាំហើយ។បើទោះបីជាកន្លងមកផ្អើលថាលោកស៊ុយសេរីទ្ធដែលគេនិយាយថាជាក្មួយសម្តេចក្រឡាហោមសខេងប្រុងនឹងឡើងជាំអភិបាលជំនួសម្តងរួចហលយក៏ដោយ។
សូមបញ្ជាក់ថាលោក ឃួង ស្រេង កើតនៅថ្ងៃទី២ ខែវិច្ឆិកា ឆ្នាំ១៩៦៦ នៅខេត្តកំពង់ធំ។ ចាប់ពីខែឧសភាឆ្នាំ២០១៥ លោកបានធ្វើការជាអភិបាលរងរាជធានីភ្នំពេញ។ ចាប់ពីឆ្នាំ២០១៧ រហូតមកដល់ពេលនេះលោកគីជាអភិបាលរាជធានីភ្នំពេញ។សូមបញ្ជាក់ថាកាលពីឆ្នាំ២០២២រាជរដ្ឋាភិបាលកម្ពុជាបានសម្រេចបង្កើនចំនួនគណៈអភិបាលរាជធានី ខេត្ត ដល់ចំនួន ១១នាក់ និងគណៈអភិបាលក្រុង ស្រុក ខណ្ឌ ដល់ចំនួន ៧នាក់។ បើគិតពីចំនួននៃការបង្កើននេះធៀបនឹងចំនូនមុនគឺគណៈអភិបាលខេត្ត រាជធានី ត្រូវបានតម្លើង ៤រូបក្នុង១ខេត្ត រាជធានី និងគណៈអភិបាលក្រុងស្រុកខណ្ឌត្រូវបានតម្លើង ២រូប ក្នុងមួយក្រុងស្រុកខណ្ឌ។
បន្តាប់ពីមានអនុក្រិត្យខាងលើនេះអភិបាលរងរាជធានីភ្នំពេញចំនួន៣រូបទៀត ត្រូវបានប្រកាសតែងតាំងជាផ្លូវការនៅ រសៀលថ្ងៃទី១៧ ខែសីហា ឆ្នាំ២០២២។ អភិបាលរងរាជធានីភ្នំពេញចំនួន៣រូប ដែលត្រូវប្រកាសចូលកាន់មុខតំណែងនាពេល នោះរួមមាន៖ លោក ឃ្លាំង ហួត អតីតជាអភិបាលខណ្ឌជ្រោយចង្វារ មកជាអភិបាលរង នៃ គណៈអភិបាលរាជធានីភ្នំពេញ, លោក សុខ ពេញវុធ អតីតអភិបាលខណ្ឌដូនពេញ មកជា អភិបាលរងនៃគណៈអភិបាលរាជធានីភ្នំពេញ និងលោក ហ៊ុន សុរិទ្ធី អតីតអគ្គនាយករង អគ្គនាយកដ្ឋានអន្តោរប្រវេសន៍ មកជាអភិបាលរងនៃគណៈអភិបាល រាជធានីភ្នំពេញ។
កាលនោះលោក សក់ សេដ្ឋា រដ្ឋលេខាធិការប្រចាំការក្រសួងមហាផ្ទៃរាជរដ្ឋាភិបាលអាណតក្តិទី៦ ឲ្យដឹងថា តាមច្បាប់ថ្មី រដ្ឋបាលរាជធានីភ្នំពេញនឹងត្រូវបន្ថែមអភិបាលរងចំនួន៤រូបទៀត ដើម្បីបម្រើ សង្គមជាតិ និងប្រជាពលរដ្ឋនៅក្នុងរាជធានីភ្នំពេញ តែពេលនេះយើងបានប្រកាសតែង តាំងចំនួន៣រូបសិន នៅសល់មួយរូបទៀត យើងនឹងរៀបចំធ្វើឡើងជាបន្តទៀត។ ដូច្នេះ សម្រាប់អភិបាលរងទាំង៣រូបដែលបានតែងតាំងថ្មីនេះ ត្រូវបំពេញការងារឱ្យបានល្អជូន រដ្ឋបាលរាជធានី ដើម្បីទទួលបានការគាំទ្រពីប្រជាពលរដ្ឋ និងដើម្បីធ្វើឱ្យរាជធានីភ្នំពេញ កាន់តែរីកចម្រើន ។
សូមបញ្ជាក់ថា អភិបាលរងនៃគណៈអភិបាលរាជធានីភ្នំពេញកន្លងមក មានចំនួន៦រូប ក្នុងនោះមាន៖ លោក កើត ឆែ, លោក មាន ចាន់យ៉ាដា, លោក ហួត ហៃ, លោកស្រី កែវ សុខពិសី, លោក ស៊ុយ សេរិទ្ធ និងលោក នួន ផារ័ត្ន។ ពេលនេះ ត្រូវប្រកាសតែងតាំង ចំនួន៣រូបបន្ថែមទៀត ដូចនេះអភិបាលរងនៃគណៈអភិបាលរាជធានីភ្នំពេញមានសរុប ចំនួន៩រូប ។បើថែមលោកឯកឃុនឌឿនម្នាក់ទៀតគឺមានចួន១០នាក់គត់។