ប្រ៉ាវ៉ូ!ករណីយ៍ជើងមាន់៤កុងតឺណឺនៅស្វាយរៀងត្រូវបានបញ្ជូនទៅតុលាការហើយ!
03-April-2024 / ព័ត៌មានជាតិ
ខេត្តស្វាយរៀង ៖ កាលពីថ្ងៃទី០៦ ខែ កុម្ភៈ ឆ្នាំ ២០២៤ករណីឈ្មួញលួចនាំសាច់បង្កក (ជើងមាន់) ដោយខុសច្បាប់ពីប្រទេសវៀតណាមចូលមកតាមក្រុងបាវិត ហើយត្រូវសមត្ថកិច្ចក.ប.ប ខេត្តស្វាយរៀងសហការជាមួយកងរាជអាវុធហត្ថខេត្តឃាត់ ក្រោមការសម្របសម្រួលពីព្រះរាជអាជ្ញានោះឈានដល់់ការកោះហៅ ប្រធានក្រុមហ៊ុន Sambath Logistic Co.Ltd មកសាកសួរ និងកសាងសំណុំរឿងបញ្ជូនទៅដល់ដៃលោកព្រះរាជអាជ្ញា នៃអយ្យការអមសាលាដំបូងខេត្តស្វាយរៀងហើយ ទោះបីជាជើងមាន់បង្កកត្រូវដុតកំទេចចោលក៏ដោយ។
ម្ចាស់ក្រុមហ៊ុន Sambath Logistic Co.Ltd (SBL) ដែលជាអ្នកនាំចូលឈ្មោះ សម្បត្តិ មានអាស័យដ្ឋាននៅភូមិ បាវិតកណ្ដាល សង្កាត់បាវិត ក្រុងបាវិត ខេត្តស្វាយរៀង ចំណែកអ្នកបើកបររថយន្តល្មើស០៤នាក់ និងអ្នកអះអាងថាជាម្ចាស់រថយន្តកុងតឺន័រម្នាក់ក៏ត្រូវឃាត់ខ្លួនជាមួយ និងរថយន្តកុងតឺន័រ០៤គ្រឿងរក្សាទុកនៅទីបញ្ជាការដ្ឋានកងរាជអាវុធហត្ថខេត្តស្វាយរៀង ។
សាច់បង្កក ចំនួន១០២តោន៦០០គីឡូក្រាម ដែលឈ្មួញដឹកពីប្រទេសវៀតណាមឆ្លងដែនចូលមករដ្ឋបាលខេត្តស្វាយរៀង ចំនួន០៤រថយន្តកុងតឺន័រស្មើរ១០២,៦០០គីឡូក្រាម បម្រុងដឹកឆ្ពោះទៅរាជធានីភ្នំពេញនោះត្រូវសមត្ថកិច្ចដុតបំផ្លាញចោលហើយកាលពីវេលាម៉ោង៩និង០០នាទីព្រឹក ថ្ងៃទី០៤ កុម្ភៈ២០២៤នៅចំណុចទីលានចាក់សំរាមស្ថិតនៅភូមិចុងព្រែកសង្កាត់ស្វាយរៀងក្រុងស្វាយរៀងក្រមវត្តមានលោកប៉េង ពោធិសា អភិបាលនៃគណអភិបាលខេត្ត និងលោកស្រីប្រធានមន្ទីរពាក់ពន្ធ័នានាជាច្រើនកុះករ ។
បើតាមមន្ត្រីក.ប.ប សាខាខត្តស្វាយរៀងបានឲ្យដឹងថា៖ សាច់បង្កក០៤រថយន្តកុងតឺន័រនេះ ដឹកពីប្រទេសវៀតណាមចូលមកតាមក្រុងបាវិត ដោយគ្មានលិខិតអនុញ្ញាតពីស្ថាប័នសមត្ថកិច្ចជំនាញ ហើយជាពិសេសក្រោយពីពិនិត្យគុណភាពគឺឃើញថា ការដាក់ក្នុងទូរបង្កក សីតុណ្ហភាពមិនគ្រប់តាមស្តង់ដា១២អង្សាសេទៅបានត្រឹមតែ២អង្សាសេ ទី៤ អង្សាសេប៉ុណ្ណោះ ។ ហើយរយៈពេល០៣ថ្ងៃ មិនឃើញម្ចាស់ក្រុមហ៊ុននាំសាច់បង្កកណាម្នាក់ចូលមកដោះស្រាយឡើយ ទើបក្រុមការងារសម្រេចដុតកម្ទេចចោល ។ប្រភពបន្តថា សមត្ថកិច្ចជំនាញ ក.ប.ប ខេត្តស្វាយរៀងសហការជាមួយកម្លាំងកងរាជអាវុធហត្ថខេត្ត និងមន្ត្រីសាខាគយ និងរដ្ឋាករខេត្តស្វាយរៀងស្ទាក់ឃាត់រថយន្តកុងតឺន័រចំនួន០៤គ្រឿង ដែលសង្ស័យដឹកបទល្មើស កាលពីវេលាម៉ោង៥និង៤០នាទីល្ងាច ថ្ងៃទី៣១ មករា ២០២៤ នៅលើកំណាត់ផ្លូវជាតិលេខ១៣ ស្ថិតក្នុងភូមិ អកនាគ សង្កាត់សង្ឃ័រ ក្រុងស្វាយរៀង ។
សមត្ថកិច្ចបានបង្ហើបថា មានគេរាយការណ៍ថា មានរថយន្តកុងតឺន័រដឹកសាច់បង្កកចំនួន០៤កុងតឺន័របានធ្វើចរាចរណ៍ចេញពីក្រុងបាវិត តាមផ្លូវជាតិលេខ១ មកដល់ចំណុចផ្លូវបំបែកជាបួនភូមិបាក់រនាស់ក្រុងស្វាយរៀង រួចបត់ស្តាំឆ្ពោះទៅទិសខាងជើងលើកំណាត់ផ្លូវជាតិលេខ១៣ លុះមកដល់ចំណុចភូមិ អកនាគ សង្កាត់សង្ឃ័រ ក្រុង ស្វាយរៀង ទើបសមត្ថកិច្ចឃាត់សួរនាំពិនិត្យឃើញថា រថយន្តកុងតឺន័រទាំង០៤គ្រឿងដឹកសាច់បង្កក ពិតប្រាកដមែន ។ ក្រោយពីមន្ត្រីជំនាញឃាត់រថយន្តទាំង០៤គ្រឿងនោះដោយមានការសម្របសម្រួលពីឯកឧត្តម ខាំ សុផារី ព្រះរាជអាជ្ញាអមសាលាដំបូងខេត្តស្វាយរៀង បានកាត់ស៊ីលបើកទូរកុងតឺន័រពិនិត្យបានរកឃើញជើងមាន់បង្កកជាច្រើនពាន់កេះក្នុងទូរកុងតឺន័រ ។
សមត្ថកិច្ចបានឃាត់ខ្លួនអ្នកបើកបរ៤នាក់ ទី១, ឈ្មោះ ផាត ជាតិ កាន់អត្តសញ្ញាណបណ្ណ័លេខ ០៥០៨៦៤០៩៩(០១) បើកកុងតឺន័រលេខSZLU9415762(40) ដែលមានលេខក្បាលឡាន ភ្នំពេញ3E-7413 ។ ២-ឈ្មោះម៉ុំសូត្រ បើកកុងតឺន័រលេខ HMMU5490786(40)ស្លាកលេខភ្នំពេញ3F-0648 ដោយមានអត្តសញ្ញាណបណ្ណ័លេខ០៩០៨២៥៨២ ។ ៣,ឈ្មោះសោមរិទ្ធី បើកកុងតឺន័រលេខ SZLU9430540(40)រថយន្តពាក់ស្លាកលេខភ្នំពេញ 3F-9610 ។,ឈ្មោះសេង សុវណ្ណដេត បើកបរកុងតឺន័រលេខ HDMU5591398(40)រថយន្តពាក់ស្លាកលេខភ្នំពេញ3B-6322 កាន់អត្តសញ្ញាណបណ្ណ័លេខ០៩០៩១៨៩៤៧ ។
ចំណែកតៃកុងរថយន្ត៤នាក់ និងបុរសម្នាក់ដែលអះអាងថា ជាម្ចាស់រថយន្តកុងតឺន័រទាំង៤គ្រឿង ត្រូវបានសមត្ថកិច្ចឃាត់ខ្លួនព្រមទាំងរថយន្តយកទៅបញ្ជាការដ្ឋានកងរាជអាវុធហត្ថខេត្តស្វាយរៀង ដើម្បីរង់ចាំធ្វើការដោះស្រាយនៅពេលក្រោយ ។ មកដល់ថ្ងៃទី៦ កុម្ភៈ ២០២៤ ព្រះរាជអាជ្ញា អមសាលាដំបូងខេត្តស្វាយរៀងបានកោះហៅ ម្ចាស់ក្រុមហ៊ុនSBL ឈ្មោះសម្បត្តិឲ្យចូលខ្លួនមកដោះស្រាយនៅសាលាដំបូងខេត្តស្វាយរៀង ដើម្បីបំភ្លឺករណីខាងលើនេះហើយលទ្ធផលយ៉ាងណា ។តើមានមន្ត្រីជំនាញមួយចំនួនជាប់ពាក់ព័ន្ធ? ៕
