រាជរដ្ឋាភិបាល ប្រគល់ភារកិច្ចឱ្យអង្គភាពប្រឆាំងអំពើពុករលួយ ចាត់ការ អតីតអភិបាលខេត្តកំពង់ឆ្នាំងលោកឈួចាន់ឌឿន រឿងទន្ទ្រានដីរដ្ឋ
05-September-2026 / ព័ត៌មានជាតិ
ភ្នំពេញ៖កាលពីថ្ងៃទី៣ ខែធ្នូ ទីស្ដីការគណៈរដ្ឋមន្ដ្រីបានចេញលិខិតជូនដំណឹងមួយ ក្នុងនាមរាជរដ្ឋាភិបាលកម្ពុជាទៅស្ថាបន័រដ្ឋមួយចំនួន ពាក់ព័ន្ធនឹងរបាយការណ៍ផ្លូវការស្ដីពីលទ្ធផលនៃការចុះត្រួតពិនិត្យ និងចាត់វិធានការបង្ក្រាបការទន្ទ្រានដីរដ្ឋក្នុងដែនព្រៃលិចទឹក នៃតំបន់បឹងទន្លេសាប ស្ថិតក្នុងភូមិសាស្ដ្រខេត្តកំពង់ឆ្នាំង និងខេត្តកំពង់ធំ។
លិខិតជូនដំណឹងរាជរដ្ឋាភិបាល បានសម្រេចពាក់ព័ន្ធនឹងករណីនៅខេត្តកំពង់ឆ្នាំង ដូចខាងក្រោម៖
ទី១. ប្រគល់ភារកិច្ចជូនអង្គភាពប្រឆាំងអំពើពុករលួយធ្វើការអង្កេត ស្រាវជ្រាវ និងចាត់វិធានការច្បាប់ចំពោះបុគ្គលឈ្មោះ ឈួរ ច័ន្ទឌឿន អតីតអភិបាល នៃគណៈអភិបាលខេត្តកំពង់ឆ្នាំង។
ទី២.ដកហូតដីរដ្ឋទំហំ ២.១០០,៦៦ហិកតា ដែលស្ថិតក្នុងដែនព្រៃលិចទឹកដូចមានកំណត់ក្នុងអនុក្រឹត្យលេខ១៩៧ អបក្រ.បក ចុះថ្ងៃទី២៩ ខែសីហា ឆ្នាំ២០១១ ដែលត្រូវបានទន្ទ្រានកាន់កាប់ដោយខុសច្បាប់ ស្ថិតនៅឃុំច្រណូក និងឃុំដារ ស្រុកកំពង់លែង ខេត្តកំពង់ឆ្នាំង ដូចមានផែនទីបង្ហាញទីតាំង និងតារាងនិយាមកាភ្ជាប់មកជាមួយ។
ទី៣.ប្រគល់ភារកិច្ចជូនក្រសួងធនធានទឹក និងឧតុនិយម រៀបចំប៉ាណូផ្សព្វផ្សាយផែនទីដែនព្រៃលិចទឹក តាមស្មារតី នៃអនុក្រឹត្យលេខ១៩៧ អនក្រ.បក ចុះថ្ងៃទី២៩ ខែសីហា ឆ្នាំ២០១១។
ទី៤.ប្រគល់ភារកិច្ចជូនក្រសួងកសិកម្ម រុក្ខាប្រមាញ់ និងនេសាទ និងរដ្ឋបាលខេត្តកំពង់ឆ្នាំង ដឹកនាំយុទ្ធនាការដាំដើមឈើឡើងវិញ។
ទី៥.ប្រគល់ភារកិច្ចជូនក្រសួងកសិកម្ម រុក្ខាប្រមាញ់ និងនេសាទ, ក្រសួងធនធានទឹកនិងឧតុនិយម, អាជ្ញាធរទន្លេសាប និងរដ្ឋបាលខេត្តកំពង់ឆ្នាំង ចាត់វិធានការការពារដីរដ្ឋក្នុងដែនព្រៃលិចទឹកដើម្បីធានានិរន្តរភាព និងត្រូវពង្រឹងការអនុវត្តបទបញ្ជារបស់រាជរដ្ឋាភិបាលលេខ០១ បប ចុះថ្ងៃទី២ ខែកក្កដា ឆ្នាំ២០១០ និងអនុក្រឹត្យ លេខ១៩៧ អនក្រ.បក ចុះថ្ងៃទី២៩ ខែសីហា ឆ្នាំ២០១១។ទី៦.ប្រគល់ភារកិច្ចជូនអាជ្ញាធរទន្លេសាប និងរដ្ឋបាលខេត្តកំពង់ឆ្នាំង រំលាយព្រំខណ្ឌក្បាលដី និងដកបង្គោលព្រំដីដែលបានដាំដោយខុសច្បាប់។
ក្រៅពីលោកឈួចាន់ឌឿននៅថ្ងៃទី២៩ ខែវិច្ឆិកា អ្នក កាន់កាប់ដីព្រៃលិចទឹកក្នុងខេត្តកំពង់ឆ្នាំង ចំនួន១៣នាក់ ដែលបានកាន់កាប់ ដីព្រៃលិច ចំនួន២.០៥៨,៥០ ហិកតា បានចេញមុខមកសារភាពជាមួ យស្នងការដ្ឋាននគរបាលខេត្តកំព ង់ឆ្នាំង និងបានធ្វើលិខិតសុំទោសផ្ញើជូន សម្តេចជោហុនសែន។
លោក ស៊ុន សុវណ្ណារិទ្ធ អភិបាលខេត្តកំពង់ឆ្នាំង បានថ្លែងឲ្យដឹងថា អ្នកទាំង ១៣ នាក់អ្នកដែលកាន់កាប់ដីព្រៃលិចទឹក ២០៥៨ ហិកតារួមមាន៖
១. លោក ឧត្តមសេនីយ៍ត្រី ស៊ុំ សុជាតិ ស្នងការរងចំនួន ៦៧៥ ហិកតា។សូមបញ្ជាក់ថាលោកផ្កាយ១ ឈ្មោះ ស៊ុំ សុជាតិ ស្នងការរង នគរបាលខេត្តកំពង់ឆ្នាំងជាមនុស្ស ដែលល្បីល្បាញខាងឈូសឆាយយកដីព្រៃ លិចទឹករបស់រដ្ឋនៅខេត្តកំពង់ឆ្នាំង និងជាអ្នកពូកែប្ដឹងចាប់ប្រជាពលរដ្ឋដែលចូលទៅក្បែរដីលោកដាក់គុក។
២. លោកវរសេនីយ៍ទោ កែវ ណារុន នាយកខុទ្ទកាល័យ មានចំនួន ៣២ ហិកតា.។៣. លោក ស្រី ស៊ីថា មន្ត្រីចូលនិវត្ត មានចំនួន ២៥ ហិកតា
៤. លោក យឹម សារ៉ាត់ មេបញ្ជាការសឹករងស្រុកកំពង់លែង មានចំនួន ៦០ ហិកតា។៥. លោក គង់ ស៊ីម ជាប្រជាជនមានចំនួន ២០០ ហិកតា។
៦. លោក ស៊ន បូរិន មន្ត្រីចូលនិវត្ត មានចំនួន ២៥ ហិកតា។។៧. លោក នូ ដេត ប្រជាជន មានចំនួន ៨៩ ហិកតា។
៨. លោក ឡុង សុខេង ប្រជាជន មានចំនួន ៤០០ ហិកតា។។៩. លោក ស៊ិន ប៉ូលីន ប្រជាជនមានចំនួន ២៦០ ហិកតា។
១០. លោក សៅ ស៊ុយ អតីតស្មៀនឃុំច្រណូក មានចំនួន ៣០ ហិកតា។១១. លោក សែប សីវតធី ប្រជាជន ចំនួន ១៧៥ ហិកតា។
១២. លោក ស្រី ងួន គឹមឃួន ប្រជាជន មានចំនួន ៧៥.៥០ ហិកតា។១៣. លោកស្រី ប៉ូ ចំរ៉ុង ប្រជាជនមានចំនួន ៣០ ហិកតា។បើពិនិត្យតាមតួលលេខវាមិនទាន់គ្រប់គ្រាន់ទេព្រោះនៅមានមនុស្សសំខាន់ជាងនេះទៀតដែលត្រូវរឹបអូសយកដីវិញផងដែរ៕
