វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1781 នាក់
ម្សិលមិញ 4563 នាក់
សរុប 14169157 នាក់
កំពង់ធំ៖ មនុស្សម្នាក់បានស្លាប់ និងមនុស្សប្រុសស្រី ក្មេង ចាស់ ចំនួន ៦៤នាក់ទៀត ត្រុវចូលសម្រាកព្យាបាលនៅមន្ទីរពេទ្យបន្ទាប់ពីបានហូប នំបញ្ចុក កាលពីថ្ងៃទី២៩-៣១ ខែមករា ឆ្នាំ២០២៣ ស្ថិតក្នុងឃុំឈូកខ្សាច់ ស្រុកបារាយណ៍ ខេត្តកំពង់ធំ។
ប្រភពព័ត៌មានពីកន្លែងកើតហេតុ បានឱ្យដឹងថា កាលពីថ្ងៃទី២៩ ខែមករា ឆ្នាំ២០២៤ ជនរងគ្រោះទាំងនោះនាំគ្នាទិញនំបញ្ចុកហូបរៀងៗខ្លួន នៅតូបម្ចាស់អ្នកលក់តែមួយ។ លុះហូបរួចរហូតដល់ចន្លោះម៉ោង ២១ ទៅម៉ោង១២យប់ ពួកគាត់មានអាការ:ក្អួតចង្អោរ វិលមុខ រាគរូស និងត្រូវសាច់ញាតិដឹកយកមកសង្គ្រោះនៅមន្ទីរពេទ្យបង្អែកបារាយណ៍-សន្ទុក ជាបន្តបន្ទាប់។ ប៉ុន្តែក្នុងចំណោមនោះ ជាអកុសលមានលោកយាយម្នាក់ ឈ្មោះ អ៊ុំ ងៀម អាយុ៧១ឆ្នាំ រស់នៅភូមិផ្លូវទទឹង ឃុំឈូកខ្សាច់ ស្រុកបារាយណ៍ ខេត្តកំពង់ធំ បានស្លាប់តាមផ្លូវ បន្ទាប់ដឹកយកទៅសង្គ្រោះនៅមន្ទីពេទ្យ។
រហូតមកដល់ថ្ងៃទី៣១ ខែមករា ឆ្នាំ២០២៤ លោក អ៊ួង សារឿន អភិបាលស្រុកបារាយណ៍ និងក្រុមការងារបានចុះសួរសុខទុក្ខទៅដល់ប្រជាពលរដ្ឋដែលពុលចំណីអាហារកំពុងសម្រាកព្យាលបាលនៅមន្ទីរពេទ្យបង្អែកបារាយណ៍-សន្ទុក ផងដែរ។ ក្នុងនោះលោកបញ្ជាក់ថា ពេលនេះជនរងគ្រោះដែលពុលចំណីអាហារ បានរួចផុតពីការស្លាប់ហើយ និងជាសះស្បើយអស់ហើយដែរ។ករណិយ៍ពុលមិនមែនកើតឡើងតែម្តងហ្នឹងទេគឺមាននៅខេត្តក្រចេះកំពតជាបន្តបន្ទាប់ដែលទាមទាឲ្យក្រសួងនិងស្ថាបន័ពាក់ពន្ធ័រកវិធីទប់ស្កាត់ជាមុនផងទាន៕