វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2814 នាក់
ម្សិលមិញ 10264 នាក់
សរុប 14141996 នាក់
ភ្នំពេញ: លោកវ៉ាត់ចំរើននាយបេសកកម្មស៊ីហ្គេមរបស់កម្ពុជាបានចេញនូវសេចក្ដីថ្លែងការណ៍មួយសម្ដែងការសោកស្ដាយចំពោះកីឡាការិនីជឺជីតស៊ូ កញ្ញាជេសាខាន់ ដែលត្រូវប្រកួតក្នុងប្រភេទទម្ងន់៤៨គីឡូក្រាមនោះត្រូវបានហាមឃាត់មិនឲ្យចូលប្រកួតនៅពេលថ្លឹងទម្ងន់របស់កីឡាការិនីរូបនេះលើស២៤០ក្រាមខុសពីទម្ងន់ផ្លូវការរបស់នាង ។
លោកថោងខុនដែលជាប្រធានគណៈកម្មាធិការជាតិអូឡាំពិកកម្ពុជានិងជាប្រធានប្រតិភូបានណែនាំឲ្យលោកវ៉ាត់ចំរើនដែលជានាយបេសកកម្មធ្វើការស្នើសុំជាផ្លូវការភ្លាមៗទៅកាន់គណៈកម្មការរៀបចំការប្រកួតដោយស្នើសុំឲ្យកីឡាការិនីកម្ពុជារូបនេះចូលរួមប្រកួតក្នុងប្រភេទទម្ងន់៦២គីឡូក្រាម ។ទោះជាយ៉ាងណាក៏ការស្នើសុំនេះត្រូវបានបដិសេធ។ក្រោមច្បាប់របស់សហព័ន្ធជឺជីតស៊ូអន្តរជាតិ និងការកំណត់នៃសៀវភៅបច្ចេកទេសនៃការប្រកួតស៊ីហ្គេម (SEA GAMES TECHNICAL HANDBOOK) គឺមិនអនុញ្ញាតឲ្យកីឡាការិនីកម្ពុជារូបនេះចូលរួមក្នុងការប្រកួតស៊ីហ្គេមពេលនេះបានឡើយ។
សូមបញ្ជាក់ថាកីឡាការិនីជេសា ខាន់ គឺជាម្ចាស់មេដាយមាសកីឡាអាស៊ីឆ្នាំ២០១៨ (ASIAN GAMES 2018) នៅទីក្រុងហ្សាការតាប្រទេសឥណ្ឌូនេស៊ី និងជាម្ចាស់មេដាយមាសស៊ីហ្គេមលើកទី៣០ ឆ្នាំ២០១៩នៅប្រទេសហ្វីលីពីនដោយកញ្ញាបានផ្តួលកីឡាការិនីវៀតណាម ។នាងគឺជាកីឡាការិនីដ៏មានសក្ដានុពលក្នុងការប្រជែងយកមេដាយមាសជូនជាតិកម្ពុជាក្នុងស៊ីហ្គេមលើកទី៣១នៅប្រទេសវៀតណាមលើកនេះ ។លោកវ៉ាត់ ចំរើនបានសម្ដែងនូវការសោកស្ដាយជាខ្លាំងចំពោះការសម្រេចចិត្តរបស់សហព័ន្ធជឺជិតស៊ូអន្តរជាតិ។ទោះជាយ៉ាងណាក៏លោកគោរពចំពោះការសម្រេចចិត្តនេះ ។លោកអំពាវនាវឲ្យកីឡាករ កីឡាការិនីទាំងអស់បន្តអនុវត្តន៍ឲ្យបានខ្ជាប់ខ្ជួននូវបទបញ្ជាកីឡាអន្តរជាតិនៃសហព័ន្ធកីឡាជឺជិតស៊ូព្រមទាំងប្រកាន់យកស្មារតីកីឡាជារៀងរហូត ។គេមិនដឹងថាការអំពាវនាវចឹងមានន័យចងបន្ទោសកីឡាថាស៊ីចុកមិនប្រមាណឬយ៉ាងណានោះទេ?។គួរបញ្ជាក់ថា ប្រភេទកីឡាជឺជីតស៊ូ នៅក្នុងព្រឹត្តិការណ៍កីឡា ស៊ីហ្គេម លើកទី៣១ នៅប្រទេសវៀតណាម គ្រោងនឹងប្រកួតនៅថ្ងៃទី១៤ដល់ថ្ងៃទី១៥ ខែឧសភា ឆ្នាំ២០២២នេះ ដោយគម្រោងដំបូងមានកីឡាការិនីពីររូបចូលរួមប្រកួត គឺ ខាន់ ចេសា និងម៉ាប់ សុខហួយ៕