វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1816 នាក់
ម្សិលមិញ 5378 នាក់
សរុប 14081109 នាក់
ពោធិ៍សាត់៖ ដីព្រៃប្រមាណ២០០០ហិចតា នៅចំណុចច្រកហាភូមិក្សេតបុរី ឃុំសន្ទ្រែ ស្រុកភ្នំក្រវាញ ខេត្តពោធិ៍សាត់ បាននិងកំពុងរងការកាប់ទន្ទ្រាន និងឈួសឆាយយ៉ាងអនាធិបតេយ្យ ។ប្រជាពលរដ្ឋក្នុងមូលដ្ឋាននៅមិនសុខឡើយករណីឈ្មួញឈូសឆាយនេះបាន ស្នើដល់អាជ្ញាធរពាក់ព័ន្ធ ពិសេសលោកហេង សុភាណា អភិបាលស្រុកភ្នំក្រវាញ និង នាយសង្កាត់រដ្ឋបាលព្រៃឈើ ជួយមានវិធានការទប់ស្កាត់ ឬចាត់ការតាមច្បាប់ផង ព្រោះដីព្រៃនេះជាសម្បត្តិរបស់រដ្ឋ។
ប្រភពពីប្រជាពលរដ្ឋបានបង្ហើបប្រាប់ ឲ្យដឹងថា មានក្រុមហ៊ុនមួយមានឈ្មោះ ស៊ីអិនស៊ីមេហាវ បានដាក់គ្រឿងចក្រ ជីកកាយដីធ្វើព្រំ និងវ៉ៃព្រៃ សង្ស័យមិនមានច្បាប់អនុញ្ញាតត្រឹមត្រូវនោះទេ។អង្គភាពសារព័ត៌មាន បានធ្វើការទំនាក់ទំនងតាមទូរសព្ទទៅកាន់បុរសម្នាក់ឈ្មោះចាំង ជាអ្នកបកប្រែឲ្យក្រុមហ៊ុនចិន។អ្នកបកប្រែឈ្មោះ ចាំង បានប្រាប់ ថា ក្រុមហ៊ុនចូលវ៉ៃដីព្រៃចំនួន២០០០ហិចតា គឺមានច្បាប់អនុញ្ញាតត្រឹមត្រូវ តែលោក ចាំង ជាអ្នកបកប្រែនោះ មិនអាចបង្ហាញច្បាប់អនុញ្ញាត ឱ្យសារព័ត៌មានយើងបានឃើញនោះទេ ដោយគ្រាន់តែប្រាប់ថាបើចង់ដឹងច្បាស់សូមទំនាក់ទំនងទៅសួរខាងសូរិយោដីខេត្តទៅ។
ជាក់ស្តែង លោក ហេង សុភាណា អភិបាលស្រុកភ្នំក្រវាញ បានប្រាប់ សារព័ត៌មាន ថា ពាក់ព័ន្ធនឹងការកាយដីវ៉ៃព្រៃនេះ លោកមិនបានដឹងនោះទេ ចាំឱ្យមន្ត្រីជំនាញចុះត្រួតពិនិត្យមើល?។ដូចគ្នាដែរលោក ចេង ឡៃ អភិបាលរងនៃគណៈអភិបាលខេត្តពោធិ៍សាត់ បានថ្លែងមកកាន់បណ្ដាញសារព័ត៌មានថា ពាក់ព័ន្ធថាមានក្រុមហ៊ុនចិនវ៉ៃដីព្រៃខាងលើនេះ លោកមិនបានដឹងនោះទេ សូមឱ្យខាងព័ត៌មានធ្វើការតាមវិជ្ជាជីវៈទៅ។ប្រជាពលរដ្ឋស្នើសុំឯកឧត្តម ខូយ រីដា អភិបាលខេត្តពោធិ៍សាត់ សុំដាក់កម្លាំងជំនាញពាក់ព័ន្ធ ចុះត្រួតពិនិត្យនិងទប់ស្កាត់ ចំពោះករណីខាងលើនេះផង។