គយច្រកទ្វារអន្តរជាតិម៉ឺនជ័យនៅតែមានការ បើកដៃឲ្យឈ្មួញធំៗ នាំចូលទំនិញគេចពន្ធ ទំនិញបង់ពន្ធមិនគ្រប់ និងទំនិញខុសច្បាប់?

ទិវាគ្រូបង្រៀន៥តុលារដ្ឋាភិបាលដាក់ចេញការពង្រឹងការងារខាងគ្រូក្រៅរដ្ឋាភិបាលសុំឲ្យគិតពីជីវភាពគ្រូនិងប្តឹងអន្តរជាតិរៀងទឹកដី!

បង្ក្រាបទីតាំង Online Scam នៅក្រុងប៉ោយប៉ែត ឃាត់ខ្លួនជនសង្ស័យជិត ៦០០នាក់ នៅព្រះសីហនុឃាំត់ខ្លួន៤៤នាក់

បន្ទាប់ពីចាប់ខ្លួនមន្ត្រីនគរបាលអន្តោប្រវេសន៍ព្រលានយន្តហោះនិងមេឃុំព្រែកខ្សាច់ACU រកឃើញមេខ្លោងឆបោកជនជាតិចិនម្នាក់ផ្ទេរលុយ ២៥០លានដុល្លារទៅគណនីគ្រីបតូក្រៅប្រទេស!

សហរដ្ឋអាមេរិកប្តេជ្ញាចិត្តក្នុងការរារាំង និងបង្ក្រាបបណ្តាញឧក្រិដ្ឋកម្មឆ្លងដែន និងប្រយុទ្ធប្រឆាំងនឹងការជួញដូរផលិតផលថ្នាំជក់ខុសច្បាប់!

អាមេរិករឹតបន្តឹងទិដ្ឋាការបុគ្គល៣២នាក់ពាក់ព័ន្ធដែលពាកពន្ធ័នឹង Prince Group របស់ Chen Zhiតែមិនប្រកាសឈ្មោះ

ធនាគារ ឈីហ្វដែលទើបសម្ពោធជាផ្លូវការទីស្នាក់ការកណ្ដាលថ្មី កាលពីឆ្នាំ២០២៥ត្រូវបានធនាគាជាតិដាក់ឲ្យស្ថិតនៅក្រោមការត្រួតពិនិត្យ៣ខែ!

ជាច្រើនទៀត

ចំនួនអ្នកទស្សនា

ថ្ងៃនេះ 10804 នាក់

ម្សិលមិញ 9639 នាក់

សរុប 20700975 នាក់

គណបក្សប្រឆាំងធំ នៅបង់ក្លាដែស ព្រមានធ្វើពហិការការបោះឆ្នោតសកល ប្រសិនបើនាយករដ្ឋមន្ត្រី មិនព្រមចុះចេញពីតំណែងសិន

21-September-2026 / ព័ត៌មានអន្តរជាតិ

បង់ក្លាដេស៖ អ្នកនាំពាក្យគណបក្សជាតិនិយមបង់ក្លាដែស BNP ដែលជាគណបក្សប្រឆាំងធំជាងគេបំផុត នៅប្រទេសអាស៊ីខាងត្បូងមួយនេះ បានអះអាងថា BNP នឹងធ្វើពហិការការបោះឆ្នោតសកល ប្រសិនបើនាយករដ្ឋមន្ត្រីបង់ក្លាដែស លោកស្រីសេកហាស៊ិណា( Sheikh Hasina )មិនព្រមបើកផ្លូវឱ្យរដ្ឋាភិបាលអព្យាក្រឹតមួយ ជាអ្នករៀបចំការបោះឆ្នោតនោះ ចំពោះមុខសកម្មភាពបង្ក្រាបសកម្មជនក៏ដូចជាអ្នកនយោបាយប្រឆាំង និងការធ្វើបាតុកម្ម។ a banclades1

ទីភ្នាក់ងារព័ត៌មាន Reuters នៅថ្ងៃពុធ ទី១ ខែវិច្ឆិកា ឆ្នាំ២០២៣បានឲ្យដឹងថា៖អ្នកនាំពាក្យ គណបក្ស BNP បានឲ្យដឹងថា៖ថ្នាក់ដឹកនាំកំពូលគណបក្ស ស្ថិតក្រោមការជាប់ឃុំឃាំង ឬការនិរទេសខ្លួនបានវាយតម្លៃថា ប្រសិនបើលោកស្រី Hasina នៅតែមិនព្រមលាលែងពីតំណែង ហើយអនុញ្ញាតឱ្យមានរដ្ឋាភិបាលចាំផ្ទះបណ្តោះអាសន្ន ការធ្វើពហិការការបោះឆ្នោតសកលនៅខែមករា ឆ្នាំ២០២៤ នឹងមិនផ្តល់ភាពស្របច្បាប់នោះឡើយ ចំពោះជ័យជម្នះណាមួយរបស់លោកស្រី ហើយអាចនឹងនាំឱ្យមានការដាក់ទណ្ឌកម្មពីអន្តរជាតិថែមទៀត។ កាលពីឆ្នាំ២០១៤ គណបក្ស BNP ក៏បានធ្វើពហិការការបោះឆ្នោតសកលផងដែរ ប៉ុន្តែបានចូលរួមឡើងវិញកាលពីឆ្នាំ២០១៨។

លោកស្រី Hasina ដែលកំពុងព្យាយាមស្វែងរកការបន្តកាន់អំណាច៤អាណត្តិជាប់ៗគ្នា បានបដិសេធម្តងហើយម្តងទៀត ចំពោះការទាមទារឱ្យផ្ទេរអំណាច ទៅកាន់រដ្ឋាភិបាលចាំផ្ទះ។ អង្គការសិទ្ធិមនុស្ស Amnesty International បានចោទរដ្ឋាភិបាលរបស់លោកស្រី អំពីសកម្មភាពចាប់ខ្លួនសមាជិកក្រុមប្រឆាំងក្នុងទ្រង់ទ្រាយធំ ជាពិសេសក្រោយបាតុកម្មកាលពីចុងសប្តាហ៍មុន ក្រោមគោលដៅសម្លុតគំរាមពួកគេ នៅមុនការបោះឆ្នោត។

បើតាមគណបក្ស BNP ប៉ូលិសបានចាប់សកម្មជនរបស់ខ្លួនសរុបជិត២,៣០០នាក់ គិតចាប់តាំងពីបាតុកម្មថ្ងៃទី២៨ ខែតុលា ដែលទាមទារឱ្យលោកស្រី Hasina លាលែងពីតំណែង ហើយប៉ុន្មាននាក់ទៀតបានបាត់បង់ជីវិត។ ចំណែកប៉ូលិសបានអះអាងថា ការចាប់ខ្លួនមួយចំនួន គឺពាក់ព័ន្ធទៅនឹងការស្លាប់នៃមន្ត្រីប៉ូលិសម្នាក់ អំលុងបាតុកម្មកាលពីថ្ងៃអាទិត្យ។

គួរបញ្ជាក់ថា គូប្រជែងចម្បងរបស់លោកស្រី Hasina និងជាអតីតនាយករដ្ឋមន្ត្រីបង់ក្លាដែស២សម័យកាល គឺប្រមុខគណបក្ស BNP លោកស្រី Khaleda Zia កំពុងស្ថិតក្រោមការឃុំឃាំងនៅក្នុងផ្ទះ ពាក់ព័ន្ធការចោទប្រកាន់អំពើពួករលួយ ខណៈកូនប្រុសលោកស្រី គឺលោក Tarique Rahman ដែលជាប្រមុខស្តីទីរបស់ BNP កំពុងតែរស់នៅនិរទេសខ្លួន ក្រោយរងការចោទប្រកាន់ពីបទល្មើសមួយចំនួន។ រីឯអគ្គលេខាធិការ BNP លោក Mirza Fakhrul Islam Alamgir ក៏ត្រូវបានឃាត់ខ្លួនយកទៅសួរចម្លើយផងដែរ ពាក់ព័ន្ធបាតុកម្មហិង្សា កាលពីចុងសប្តាហ៍មុន៕ a banclades a banclades2