វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 6531 នាក់
ម្សិលមិញ 8227 នាក់
សរុប 14133412 នាក់
តួកគី៖ប្រទេសតួកគីបានចាប់ផ្តើមពង្រឹងនិងបង្កើនកម្លាំងយោធារបស់ខ្លួននៅលើតំបន់ព្រំដែនទាំងសងខាង របស់ខ្លួនជាមួយ ប្រទេសស៊ីរីបន្ទាប់ពីអាមេរិកសម្រេចដកដកកងទព័ខ្លួនចេញពីទឹកដីស៊ីរី។
សារព័ត៌មានរ៉យទ័របានផ្សាយឲ្យដឹងថា កងកុម្ម៉ង់ដូទួគីរាប់ពាន់នាក់បានត្រៀមខ្លួនរួចរាល់ ដើម្បីធ្វើដំណើរទៅកាន់ព្រំដែនជាមួយស៊ីរីនៅក្នុងស្រុកKirikhan ខេត្តHatay ។ កាលពីថ្ងៃអាទិត្យ រថយន្តរាប់រយគ្រឿង រួមទាំងរថក្រោះ, កាំភ្លើងធំនិងកាំភ្លើងយន្តជាច្រើនទៀត ក៏បានធ្វើដំណើរសំដៅទៅកាន់ខេត្ត Kilis ដែលស្ថិតនៅតាមព្រំដែនភាគខាងត្បូងជាមួយ ស៊ីរី។
ការពង្រឹងលើវិស័យយោធារបស់តួកគីនេះ ធ្វើឡើង២ថ្ងៃក្រោយពី លោកប្រធានាធិបតីទួគីលោកតាយិបអេដូហ្គាន( Tayyip Erdogan) ប្រកាសថា ប្រទេសទួរគីបានពន្យារពេលប្រតិបត្តិការយោធាដែលបានគ្រោងទុកទៅលើកងជីវពល YPG របស់ក្រុមឧទ្ទាមឃឺដ នាភាគខាងកើតនៃទន្លេEuphrates ភាគខាងជើងប្រទេសស៊ីរី នៅពេលប្រធានាធិបតីអាមេរិក សំរេចចិត្តដកទ័ពចេញពីស៊ីរីនោះ។ លោកប្រធានាធិបតីទួរគី ក៏បាននិយាយផងដែរថា ប្រទេសតួកគីនឹងគ្រប់គ្រងលើក្រុមសកម្មប្រយុទ្ធរដ្ឋឥស្លាម ISIS។
សារព័ត៌មានអន្តរជាតិជាច្រើនបានផ្សព្វផ្សាយនៅថ្ងៃទី២៤ ធ្នូនេះថា ក្រៅពីការព្រមព្រៀងគ្នាតាមទូរស័ព្ទដើម្បីបង្កើតការ សំរបសំរួលផ្នែកយោធា និងការទូត ក៏ដូចជាការដកទ័ពអាមេរិកពិតំបន់ទាំងឡាយនៅស៊ីរី រវាងលោកអេដូហ្គាន(Erdogan) និងប្រធានាធិបតី អាមេរិកដូណាល់ត្រាំ( Donald Trump) កាលពីថ្ងៃអាទិត្យទី២៣ធ្នូនោះ មេដឹកនាំទាំងពីរគឺបានពិភាក្សាគ្នា ច្រើនចំណុច ស្តីពីបញ្ហាស៊ីរី,ក្រុមISIS ក៏ដូចជាការ ពង្រីកពាណិជ្ជកម្ម រវាងប្រទេសទាំងពីរអាមេរិក-តួកគី។បានន័យថាសម្រាប់លោកត្រាំឲ្យតែចំណេញអាមេរិកគ្មានទេគុណធម៍ទោះក្លើណាងាប់ៗទៅ។ជាក់ស្តែងពួក ជីវពល YPG របស់ក្រុមឧទ្ទាមឃឺដដែលធ្លាប់ជួយអាមេរិកវ៉ៃពួករដ្ឋឥស្លាម(ISIS)ត្រូវអាមេរិកបោះចោលដូចសម្រាមឲ្យពួកទួគីធើក។
សូមបញ្ជាក់ផងដែរថា ក្រសួងការពារជាតិអាមេរិក បានអនុម័តលើបទបញ្ជារដកកងទ័ពអាមេរិក ចេញពីប្រទេសស៊ីរី តាមការចង់បានរបស់ប្រធានាធិបតីអាមេរិក លោក ដូណាល់ ត្រាំ បើទោះជាសម្ព័ន្ធមិត្តរបស់ខ្លួន បង្ហាញការសោក ស្ដាយនិង មិនពេញចិត្តចំពោះការសម្រេចចិត្តនេះក៏ដោយ។ បញ្ហាខ្វែងគំនិតគ្នាបានធ្វើឲ្យ រដ្ឋមន្ត្រីការពារជាតិអាមេរិក លោកជែមម៉ាទិស( James Mattis )ក៏បានប្រកាសលាលែងចេញពីមុខតំណែង។
សម្ព័ន្ធមិត្តលោកខាងលិចរបស់អាមេរិក និងក្រុមអ្នកនយោបាយអាមេរិកមួយចំនួន ក៏បានសម្ដែងការសោកស្ដាយ ចំពោះការ សម្រេចចិត្តដកកងទ័ពរបស់លោក ត្រាំ ផងដែរ ពីព្រោះវាអាចនឹងបំផ្លាញដល់ផលប្រយោជន៍សន្តិសុខជាតិអាមេរិក ដែលនឹងទុក ឱកាសឱ្យរុស្ស៊ី និងអ៊ីរ៉ង់ពង្រីកឥទ្ធិពលរបស់ខ្លួនកាន់តែខ្លាំងនៅក្នុងតំបន់មជ្ឈិមបូព៌ា។ ប្រធានាធិបតីអាមេរិក លោក ដូណាល់ ត្រាំ បានប្រកាសនៅលើបណ្តាញសង្គមទ្វីទរ័( Twitter) កាលពីថ្ងៃអាទិត្យថា អនុរដ្ឋមន្ត្រីការពារជាតិអាមេរិក លោកប៉ាទ្រីកស្សាហាន( Patrick Shanahan )នឹងឡើងកាន់តំណែងជារដ្ឋមន្ត្រីការពារជាតិស្ដីទីចាប់ពីថ្ងៃទី០១ ខែមករា ឆ្នាំ២០១៩ ជំនួសលោក James Mattis បានលាលែង ចេញពីមុខតំណែង កាលពីថ្ងៃសុក្រសប្ដាហ៍មុន។
គួររំលឹកថា កាលពីថ្ងៃពុធសប្ដាហ៍មុន សេតវិមានរបស់លោក ដូណាល់ ត្រាំ បានប្រកាសថា សហរដ្ឋអាមេរិកនឹងដកទ័ពចេញពីប្រទេសស៊ីរី នៅរយៈពេលប៉ុន្មានខែខាងមុខ ក្រោមហេតុផលថា ក្រុម ISIS ត្រូវបានកម្ចាត់ ហើយថាវានឹងមិនធ្វើឱ្យប៉ះពាល់ដល់ប្រតិបត្តិការយោធារបស់ក្រុមចំរុះអន្តរជាតិប្រឆាំងនឹង ISIS នោះទេ។ កងទ័ពអាមេរិកជាង២,០០០នាក់ ត្រូវបានគេរាយការណ៍ថាកំពុងឈរជើង នៅក្នុងប្រទេសស៊ីរ ដើម្បីជួយក្រុមឧទ្ទាមស៊ីរីប្រយុទ្ធប្រឆាំងនឹងពួក ISIS ក៏ដូចជាកងកម្លាំងរដ្ឋាភិបាលទីក្រុងដាម៉ាស់គាំទ្រដោយរុស្ស៊ី និងអ៊ីរ៉ង់៕