វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3052 នាក់
ម្សិលមិញ 6677 នាក់
សរុប 14150628 នាក់
កំពង់ឆ្នាំង៖សកម្មភាពដឹកជញ្ជូនលៀសតាមរថយន្តយីឌុបខ្នាតយក្សប្រភេទ រថយន្ត វ៉េ អង និងរថយន្តយីឌុបភ្លៅ ៥នៅតែបន្តដឹកយ៉ាងសកម្មភាពយ៉ាងគឃ្លើនក្នុងរដូវបិទនេសាទផ្ទុយនិងបទបញ្ជារបស់សម្ដេចតេជោនាយករដ្ឋមន្ត្រីហ៊ុនសែន។សព្វថ្ងៃសកម្មភាពដឹកជញ្ជូនលៀសនេះត្រូវបានគេមានឃើញថាដំបូងពួកក្រុមឈ្មួញយករថយន្តធុនមធ្យមដឹកជញ្ជូនចេញពីចំណុចផ្សារជើងកំពង់ឆ្នុកទ្រូនិងនៅភូមិសេះស្លាប់ក្នុងទឹកដីភូមិសាស្ត្រឃុំឆ្នូកទ្រូស្រុកបរិបូណ៌ខេត្តខេត្តកំពង់ឆ្នាំងរបៀបដូចជាកណ្ដៀរពូនធ្វើជាដំបូងហើយយកមកជញ្ជូនដាក់រថយន្តធុនធំចាំតាមផ្លូវចាប់ពីចំណុចឆ្នុកទ្រូឡើងមកភូមិពោធិ៍ម្រះ ឃុំពន្លៃ ក្នុងរដូវបិទនេសាទ
ដែលរដូវបិទនេសាទបានឈានចូលមកបានពាក់កណ្ដាលខែ 6 ហើយនោះ។
បើតាមសេចក្តីរាយការណ៍ឈ្មួញទាំងនោះមានដូចជាឈ្មោះ (រតនា)ឈ្មោះ(ចែហ៊ីង)ឈ្មោះ(ចែអ៊ីម)ឈ្មោះ(ចែលាភ) ជាមេឈ្មួញប្រចាំឃុំឆ្នុកទ្រូដែលប្រើឥទ្ធិពលទឹកលុយ គ្រប់ដណ្ដប់សង្កាត់រដ្ឋបាលជលផលស្រុកបរិបូណ៌នឹងខ័ណ្ឌ រដ្ឋបាលជលផល ដែលបង្កឲ្យឈ្មួញនេះ មានលទ្ធភាព ផ្ដល់លុយកម្ចីឲ្យប្រជាពលរដ្ឋ ប្រព្រឹត្តបទល្មើសនេសាទ នៅក្នុងឃំុឆ្នុកទ្រូ ស្រុកបរិបូណ៌ ខេត្តកំពង់ឆ្នាំង ហើយទទួលទិញផលទុច្ចរិតដូចជាលៀសចំណីលៀសល្អិតដឹកទៅស្រុកយួន ទាំងរដូវបើក និងបិទនេសាទ ដោយមិនខ្លាចរអែងនឹងផ្លូវច្បាប់ឡើយ។សេចក្ដីរាយការណ៍ ពីប្រជាពលរដ្ឋ នៅឃុំឆ្នុកទ្រូ ស្រុកបរិបូណ៌បានឲ្យដឹងថា បទល្មើសនេសាទ ដែលមានឈ្មោះដូចខាងលើ ជួយផ្ដល់លុយ ហើយទទួលទិញផលទុច្ចរិត នោះ មាន លៀសល្អិត លៀសចំណីលៀសទាដឹកទៅស្រុកយួន ។ ឈ្មួញដែលមានឈ្មោះទាំងប៉ុន្មាន នេះ បានជួយលុយឲ្យមាន ការអូសកាវនារដូវបិទនេសាទ ។
សេចក្ដីរាយការណ៍ដដែលនេះ បានបន្តទៀតថា កន្លងមក និងបច្ចុប្បន្ន ដោយការផ្ដល់លុយ កម្ចីទៅឲ្យប្រជាពលរដ្ឋ ដើម្បីប្រព្រឹត្តបទល្មើសនេសាទ គឺឈ្មួញទាំងប៉ុន្មាននាក់ នេះ ចំណេញយ៉ាងកប់ក្ដោង ឯភាគីប្រជាពលរដ្ឋ ប្រឈមមុខ នឹងផ្លូវច្បាប់ និងមានជីវភាពកាន់តែលំបាក។ដោយឡែកប្រភពព័ត៌មានផ្សេង១ទៀត ចេញពីសមត្ថកិច្ច ដែលមិនពាក់ព័ន្ធនឹងលាភសក្ការៈ ជាសំណែន របស់ឈ្មោះ មេឈ្មួញទាំងប៉ុន្មាននាក់នេះ បានបង្ហើបឲ្យដឹងថា មេឈ្មួញទាំងនេះ អំនួតពេញមាត់ ថា ខ្លួន បានទំនាក់ទំនងជាមួយសមត្ថកិច្ចពិសេសគឺសង្កាត់រដ្ឋបាលជលផលស្រុកបរិបូណ៌និងខ័ណ្ឌរដ្ឋបាលជលផល និងសមត្ថកិច្ចអាជ្ញាធរស្រុក អស់ហើយ ហើយខ្លួនជាអ្នកស្និតហ្នឹងលោក នាយខណ្ឌរដ្ឋបាលជលផលកំពង់ឆ្នាំងទៀតផង។
ករណីនេះត្រូវបានលោកងិន ហ៊ុនប្រធានមន្ទីរកសិកម្មរុក្ខាប្រមាញ់និងនេសាទខេត្តបានផ្ដល់បទសម្ភាសន៍ឲ្យអ្នកយកព័ត៌មានយើងថា លោកមិនបានអនុញ្ញាតឲ្យមានការហែកសន្លឹកពាក់មីឬកាត់ពាក់មីឲ្យធ្វើសកម្មភាពដឹកជញ្ជូនលៀសទៀតឡើយនៅក្នុងរដូវហាមឃាត់គឺរដូវបិទនេសាទនេះចូលមកដល់?។បើចឹងមែនចុះហេតុអ្វីបានជាក្រុមឈ្មួញនៅតែថ្លើមធំហ៊ានប្រព្រឹត្តយ៉ាងគឃ្លើនផ្ទុយនិងបទបញ្ជារបស់សម្ដេចតេជោនាយករដ្ឋមន្ត្រីនិងរដ្ឋមន្ត្រីក្រសួងកសិកម្មរុក្ឋាប្រមាញ់និងនេសាទដែលហាមឃាត់ការនេសាទនៅរដូវហាមឃាត់ដដែលចឹង?។
តើនេះជាល្បិចរបស់មន្ត្រីជំនាញដែលតែងតែយកអនុសាសន៍របស់សម្ដេចឆ្លៀតឱកាសធ្វើជាលេសកន្ទាលធំបន្លំដេកដើម្បីតែលាភសក្ការៈថ្នូរនិងការមិនបង្ក្រាប អង្គុយចាំតែយកលុយតុងមែនឬ?។សូមចងចាំថាអភិក្រម៥ ចំណុចរបស់សម្ដេចតេជោគឺមានស្រេចហើយតើ។តើដំណាក់កាលនេះគឺជាដំណាក់កាលវះកាត់តើត្រូវចាំមានទបញ្ជានាយករដ្ឋមន្ត្រីបន្តទៀតឬ?។