វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 9343 នាក់
ម្សិលមិញ 8227 នាក់
សរុប 14136224 នាក់
ភ្នំពេញ៖ អនុវត្តតាមការណែនាំ ផ្ទាល់ពី ឯកឧត្ដម ឃួង ស្រេង អភិបាលរាជធានីភ្នំពេញ ក្រុមការងារ នៃមន្ទីរសុខាភិបាលរាជធានីភ្នំពេញ សហការជាមួយអាជ្ញាធរមូលដ្ឋានខណ្ឌពោធិសែនជ័យ បានអញ្ជើញប្តីប្រពន្ធលោកគង់រ៉ៃយ៉ា ទៅធ្វើចត្តាឡីស័ក នៅមណ្ឌលចាក់អង្រែ ដើម្បីរកមេរោគកូវីត-១៩ ជៀសវាងការចម្លងមកក្នុងសហគមន៍ ។
២នាក់ប្តីប្រពន្ធ១គូរនេះ បានត្រឡប់មកពីប្រទេសថៃ តាមច្រកសំពៅលូនខេត្តបាត់ដំបង ដោយមិនបានធ្វើតេស្ត៏រកវីរុសកូវីដ-១៩ និងមិនអនុវត្តចត្តាឡីស័កត្រឹមត្រូវ បង្កការ ភ័យខ្លាចដល់ប្រជាពលរដ្ឋនៅក្នុងភូមិកាលពីល្ងាចថ្ងៃអាទិត្យទី២០ខែធ្នូឆ្នាំ២០២០ នៅភូមិថ្មគោល២ ក្នុងសង្កាត់ចោមចៅទី២ ខណ្ឌ ពោធិ៍សែនជ័យ។
លោក ប៉ាង លីដា អភិបាលរងខណ្ឌពោធិ៍សែនជ័យ បានឲ្យដឹងថា៖ ក្រោយពេលទទួលបានព័ត៌មានថា មានបុរសខាងលើនេះ បានត្រឡប់មកពីប្រទេសថៃ មកដល់ផ្ទះនៅក្នុងមូលដ្ឋាន ខណ្ឌពោធិ៍សែនជ័យ ដោយមិនបានអនុវត្តតាមការណែនាំរបស់ប្រមុខរាជរដ្ឋាភិបាល ក្នុងការធ្វើតេស្តរកវីរុសកូវីដ-១៩ និងអនុវត្តចត្តាឡីស័កឱ្យបានត្រឹមត្រូវនោះ តាម ការណែនាំផ្ទាល់ពីឯកឧត្ដម ឃួង ស្រេង អភិបាលរាជធានីភ្នំពេញ ក្រុមការងារ សុខាភិបាលនៃរដ្ឋបាលរាជធានីភ្នំពេញ បានសហការជាមួយអាជ្ញាធរមូលដ្ឋានជាបន្ទាន់ ដើម្បីចុះមកអញ្ជើញ លោកគង់ រ៉ៃយ៉ា និងភរិយាទៅធ្វើចត្តា ឡីស័ក នៅមណ្ឌលចាក់អង្រែ ឲ្យបានត្រឹមត្រូវ ដើម្បីរកមេរោគកូវីត-១៩ ជៀសវាងការចម្លងមកក្នុងសហគមន៍។
មិនមែនតែពេលនេះទេ ជាទូទៅឲ្យតែទទួលបានព័ត៌មានថា មានប្រជាពលរដ្ឋ ដែលត្រឡប់មកពី ក្រៅប្រទេស ដោយមិនបានធ្វើ ចត្តាឡីស័កត្រឹមត្រូវនោះ អាជ្ញាធរ និង មន្ត្រីជំនាញរបស់យើងតែងតែមកអញ្ជើញគាត់ ឲ្យទៅធ្វើចត្តាឡីស័ក ជាច្រើនលើក តាមការណែនាំរបស់ប្រមុខរាជរដ្ឋាភិបាល ជាពិសេស ក្រសួងសុខាភិបាល និង អភិបាលរាជធានីភ្នំពេញ។នេះបើតាមលោកប៉ាងលីដា។
សូមបញ្ជាក់ថា លោក គង់ រ៉ៃយ៉ា អាយុ ២៩ឆ្នាំ ស្នាក់នៅភូមិថ្មគោល សង្កាត់ចោម ចៅ២ ខណ្ឌពោធិ៏សែនជ័យ រាជធានីភ្នំពេញ ទើបតែត្រឡប់មកពីប្រទេសថៃ តាមច្រកសំពៅលូនខេត្តបាត់ដំបង ហើយបានមករាជធានីភ្នំពេញ កាលពីយប់ថ្ងៃទី១៩ ខែធ្នូ ដោយមិនបានធ្វើតេស្តរកវីរុស្តកូវីដ-១៩ និងមិនបានធ្វើចត្តាឡីស័កត្រឹមត្រូវ ទើបក្រុមការងារ អញ្ជើញពួកគាត់ទៅមណ្ឌលសុខភាពចាក់អង្រែ ដើម្បីធ្វើតេស្តរកវីរុសកូវីដ-១៩ និងអនុវត្តចត្តាឡីស័កអោយបានត្រឹមត្រូវ ហើយក្រុមការងារសុខាភិបាល និងអាជ្ញាធរខណ្ឌ សង្កាត់ ក៏បានបាញ់ថ្នាំសម្លាប់មេរោគ តាមខ្នងផ្ទះ ដល់ផ្ទះដែលនៅជុំវិញ ផ្ទះលោករ៉ៃយ៉ានេះផងដែរ ។
សូមបញ្ជាក់ថាសម្តេចតេជោនាយករដ្ឋមន្ត្រីបានបញ្ជូនរថយន្តយោធាជា៤០គ្រឿងដើម្បីចាំទទួលនិងប្រមូលប្រជាពលរដ្ឋចំនួន៧ខេត្តតាមព្រំដែនដែលវិលត្រឡប់ពីស្រុកសៀមដោយសារក្នុងខេត្តសាមុតសាខនប្រទេសថៃមានការរីករាលដាលឆ្លងជម្ងឺកូវិត១៩ក្នុង១ថ្ងៃជាង៥០០នាក់។