វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1712 នាក់
ម្សិលមិញ 3261 នាក់
សរុប 13058501 នាក់
ភ្នំពេញ៖ ប្រយោជន៍ដែលកម្ពុជាអាចទាញបានពីការក្លាយជាសមាជិកកិច្ចព្រមព្រៀង RCEP គឺអាចពង្រីកទីផ្សារនាំចេញកាន់តែទូលំទូលាយគ្រប់ដណ្តប់ទីផ្សារអ្នកប្រើប្រាស់ជាង ២,២ ពាន់លាននាក់ជាមួយទំហំពាណិជ្ជកម្មដោះដូរជាង ២៦ ទ្រីលានដុល្លារ។នេះជាការថ្លែង របស់លោកសាស្ត្រាចារ្យបណ្ឌិតសភាចារ្យ សុក ស៊ីផាន់ណា ទេសរដ្ឋមន្ត្រីទទួលបន្ទុកបេសកកម្មពិសេស និងទីប្រឹក្សារាជរដ្ឋាភិបាល ក្នុងកម្មវិធីបើក បាឋកថាស្តីពី«កិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយក្នុងតំបន់(RCEP)៖ ទិដ្ឋភាពភូមិសាស្ត្រនយោបាយ និងភូមិសាស្ត្រសេដ្ឋកិច្ច» នាព្រឹកថ្ងៃទី១៣ ខែកញ្ញា ឆ្នាំ២០២៣ នៅទីស្ដីការក្រសួងព័ត៌មានរៀបចំដោយឯកឧត្តម នេត ភក្ត្រា រដ្ឋមន្ត្រីក្រសួងព័ត៌មាន។
លោកទេសរដ្ឋមន្ត្រី បានបញ្ជាក់ថា កិច្ចព្រមព្រៀង RCEP ជាកិច្ចព្រមព្រៀងសេរីធំបំផុតពោលគឺធំជាងគេនៅក្នុងតំបន់ ហើយបើប្រៀបធៀបកម្រិតពិភពលោកជាប់លេខ ២ បន្ទាប់ពីកិច្ចព្រមព្រៀង WTO។
លោកថា កម្ពុជាជាសមាជិកមួយនៅក្នុងកិច្ចព្រមព្រៀង RCEP ដែលមាន ១០ ប្រទេសក្នុងអាស៊ានរួមទាំងប្រទេស ៥ ទៀត មាន ចិន ជប៉ុន កូរ៉េ នូវែលសេឡង់ និងអូស្ត្រាលី។លោកទេសរដ្ឋមន្ត្រី សុក ស៊ីផាន់ណា បានលើកឡើងនូវកត្តាសំខាន់ៗចំនួន៣ ដែលនាំឲ្យ តំបន់អាស៊ី គឺជាមជ្ឈមណ្ឌលដ៏សំខាន់សម្រាប់ការប្រកួតប្រជែងជំនាន់ថ្មី មិនថាតែក្របខណ្ឌកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយតំបន់ (RCEP) ឬ កិច្ចព្រមព្រៀងសម្រាប់ភាពជាដៃគូអន្តរប៉ាស៊ីហ្វិក (TPP)។
លោកទេសរដ្ឋមន្ត្រី បានបន្តថា មានហេតុផលសំខាន់ៗចំនួន៣ ដែលធ្វើឲ្យតំបន់អាស៊ី ក្លាយជាមជ្ឈមណ្ឌលដ៏សំខាន់សម្រាប់ការប្រកួតប្រជែង គឺរួមមាន អាស៊ី ជាតំបន់ដែលមានកំណើនខ្ពស់ ជាមួយនឹងទីផ្សារកំពុងរីកចម្រើន, អាស៊ី ជាប្រភពសំខាន់នៃវត្ថុធាតុដើម និង ឥទ្ធិពលរបស់អំណាចចិន។លោកថាស្ថិតក្នុងបរិបទបច្ចុប្បន្ន តំបន់អាស៊ី កំពុងក្លាយជាគោលដៅដ៏សំខាន់នៃការប្រកួតប្រជែងរបស់ប្រទេសធំៗនៅលើពិភព លោក ទាំងលើទិដ្ឋភាពភូមិសាស្ត្រនយោបាយ និងភូមិសាស្ត្រសេដ្ឋកិច្ច។
លោកទេសរដ្ឋមន្ត្រី សុក ស៊ីផាន់ណា មានសុទិដ្ឋិនិយមទុកថា នៅក្នុងរយៈពេល ១០ ទៅ ២០ ឆ្នាំទៀតកម្ពុជាអាចពឹងផ្អែកលើកិច្ចព្រមព្រៀង RCEP នេះ តាមរយៈកំណើនការវិនិយោគដោយផ្ទាល់ពីបរទេស ហើយទំនិញពីកម្ពុជាអាចផលិតនាំចេញទៅប្រទេសដែលជាសមាជិកក្នុងកិច្ចព្រមព្រៀងនេះ។សូមជម្រាបជូនថា កិច្ចព្រមព្រៀងស្តីពីភាពជាដៃគូសេដ្ឋកិច្ចគ្រប់ជ្រុងជ្រោយក្នុងតំបន់(RCEP) បានលេចចេញជារូបរាងពេញលេញនៅក្នុងឆ្នាំ២០១២ អំឡុងពេលដែលកម្ពុជាធ្វើជាម្ចាស់ផ្ទះដឹកនាំកិច្ចប្រជុំកំពូលអាស៊ានលើកទី ២១ នៅរាជធានីភ្នំពេញ។