វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4441 នាក់
ម្សិលមិញ 6359 នាក់
សរុប 14091074 នាក់
ខេត្តក្រចេះ៖ ប្រជាកសិករ ក្រុងក្រចេះ ក៏ដូចជារស់នៅទូទាំងខេត្ត ដែលបង្កបង្កើនផលស្រូវប្រាំងបានត្អូញត្អែរអំពីការប្រមូលផលស្រូវក្នុងដើមរដូវឆ្នាំនេះ បានទិន្នផលតិចជាងឆ្នាំទៅហើយឈ្មួញចុះមកទិញក៏ឲ្យតម្លៃទាបទៅទៀតហើយពេលខ្លះរកឈ្មួញមកទិញមិនបានទៀត។
ប្រជាកសិករឲ្យដឹងថា បានស្រូវហើយពិបាកលក់ទៀតដោយក្រុមឈ្មួញទិញស្រូវបានទម្លាក់តម្លៃ ខុសពីឆ្នាំមុនៗគឺបានតម្លៃ១គឺឡូក្រាមបានថ្លៃ៧០០រៀលទៅ៨៥០រៀលក្នុង១គឺឡូក្រាមប៉ុណ្ណោះ ខុសពីឆ្នាំមុនៗគឺបានថ្លៃក្នុង១គឺឡូក្រាមបានថ្លៃ ១.០០០រៀលទៅ១.៣០០រៀល ដូចជាស្រូវសែនក្រអូបសែនពិដោ។
ពួកគាត់ សូមស្នើឲ្យមន្ទីរកសិកម្ម រុក្ខាប្រមាញនិងនេសាទ ខេត្តក្រចេះ ក៏ដូចជាអាជ្ញាធរខេត្តដែលពាក់ព័ន្ធសូមជំរុញធ្វើយ៉ាងណារកតម្លៃទីផ្សារឲ្យបានពិតប្រាកដ ឲ្យបានតម្លៃខ្ពស់ដូចឆ្នាំមុនៗផង តែបើប្រសិនជាបានតម្លៃត្រឹមតែ៧០០ទៅ ៨០០ រៀលដូចពេលនេះ បើគិតទូទាត់ទៅនិងថ្លៃប្រេងបូមទឹកនិងថ្លៃជីនិងថ្លៃឈ្នួលម៉ាស៊ីនច្រូតកាត់មិននិងចង់រួចឈ្នួលផង។
ទោះជាយ៉ាងណា នៅរសៀលថ្ងៃទី២៧ ខែមករា ឆ្នាំ២០១៩ ឯកឧត្តម វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទដែលចុះពិនិត្យសកម្មភាពប្រមូលផលស្រូវប្រាំង របស់ប្រជាកសិករនៅភូមិកោះគ្រាបបាយ ឃុំកំពង់គោ ស្អាចកោះប្រកាស ថា តម្លៃទីផ្សារស្រូវរបស់កម្ពុជា មិនបានពាក់ព័ន្ធទៅនិងការយកព័ន្ធអង្ករបស់សហគមន៍អ៉ឺរ៉ុបមកលើកម្ពុជានោះទេ។ ព្រោះស្រូវរបស់ពលរដ្ឋដែលដាំដុះភាគច្រើនគឺប្រភេទ អ៊ីអ៊ែរ (OM5154) ដែលនាំទៅកាន់ប្រទេសវៀតណាម ហើយវៀតណាមគេ បានបង់ពន្ធរួចជាយូរមកហើយ។
ចំពោះពន្ធដែលអ៉ឺរ៉ុប ដាក់ពន្ធមកកាន់អង្កកម្ពុជា គឺអង្កស្រូវក្រអូបរបស់កម្ពុជា ។ស្រូវទាំងអស់នេះ គឺកសិករភាគ ច្រេីនបានចងក្រងជាសហគមន៍ និងបានចុះកុងត្រាជាមួយក្រុមហ៊ុនរួចហើយ ម្យ៉ាងទៀត ស្រូវក្រអូបទាំងអស់នេះ មិនមានបរិមាណនៅសល់ ក្នុងស្រុកនោះទេ។
មន្ទីរកសិកម្ម រុក្ខាប្រមាញ់ និងនេសាទខេត្តកំពង់ធំបានឱ្យដឹងថា ទូទាំងខេត្តកំពង់ធំមានផ្ទៃដីដំដុះស្រូវប្រាំងចំនួនជាង ៦ម៉ឺនហត ហើយមកទល់ពេលបច្ចុប្បន្ននេះ ការប្រមូលផលបានជាង ៤ពាន់ហតហើយ រីឯទិន្នផលទទួលបានជាមធ្យម ប្រមាណជា ៤៤,៥តោនក្នុង១ហត។
សម្រាប់ថ្ងៃនេះ ស្រូវចំណីមានតម្លៃចន្លោះពី ៦៩០រៀល/kg រហូតដល់ ៧៤០៛/kg(OM៥១៥៤)។ស្រូវក្រអូបកសិករដែលបានចុះកិច្ចសន្យាជាមួយក្រុមហ៊ុន AMRU RICE ទិញក្នុងតម្លៃ១១៥០រៀល/Kg។
លោករដ្ឋមន្ត្រី កសិកម្មបានបញ្ជាឲ្យ អគ្គនាយកដ្ឋានកសិកម្ម ជាពិសេស នាយកដ្ឋានដំណាំស្រូវ សហការជាមួយមន្ទីរចុះមកសិក្សាពីតម្រូវការពូជ លក្ខខ័ណ្ឌក្សេត្របរិស្ថាននៃដំណាំស្រូវនៅតំបន់នេះ តើមានអំណោយផលសម្រាប់ពូជអ្វី ដែលផ្តល់ទិន្នផលខ្ពស់ គុណភាពអង្ករល្អ ធន់នឹងជំងឺ និងការប្រែប្រួលអាកាសធាតុ ហើយនិងឆ្លើយតបទៅនឹងតម្រូវការទីផ្សារខ្ពស់ ។
ទាក់ទងទៅនឹងតម្លៃស្រូវដែលធ្លាក់ចុះប៉ុន្មានថ្ងៃនេះ ឯកឧត្តមបានស្នើឲ្យមន្ទីរធ្វើការពិគ្រោះជាមួយនឹង ឯកឧត្តមអភិបាលនៃគណៈអភិបាលខេត្ត អាចកោះប្រជុំជាមួយអ្នកប្រមូលទិញស្រូវក្នុងខេត្តដែលនាំទៅកាន់ប្រទេស វៀតណាម ដើម្បីពិនិត្យមើលពីមូលហេតុពិតប្រាកដ ព្រោះមិនមានជាប់ពាក់ព័ន្ធជាមួយនឹងការនាំអង្ករកម្ពុជាទៅកាន់សភាពអឺរ៉ុបនោះទេ ។
សូមបញ្ជាក់ដែរថាប្រជាពលរដ្ឋនៅស្រុកពាមជរឯណុះវិញប្រជាពលរដ្ឋបានសម្តែងការមិនសប្បាយចិត្តចំពោះអាជ្ញាធរស្រុកខេត្តដែលបើកឲ្យឈ្មួញវៀតណាមប់ើកឡានចូលមកដោយសេរីប្រមូលទិញស្រូវដោយធ្វើឲ្យប្រជាពលរដ្ឋលំបាករកស៊ី!។